التوصيات !!!!! الواضح اني وقعت بغلطة الكثير

الأخوة اللي يقولون أن التوصيات يسوى لها سكان وترفع، هذا الكلام صحيح لكن عند بعض الجامعات، يعني أن الموضوع يعتمد على مدى تساهل الجامعة.

في تقديماتي السابقة قدمت على أكثر من جامعة، ولا لقيت جامعة تقبل توصياتي بنسخة ممسوحة، بل كنت أراسل من السعودية، وبعض الموصين من دكاترتي في بريطانيا، وكانت بعض الجامعات تكتفي بالمراسلة بالإيميل بينها وبين الدكتور لكن المشكلة أن فيه جامعات تقول لك الدكتور لازم يرسل لي نسخة من التوصية موقعة ومظرفة من الدكتور نفسه من بريطانيا، وكنت أضطر أرسل زميلي في بريطانيا يروح يخلي الدكتور يوقع على نسخة من التوصية ويحطونها في ظرف ويرسلونها على أنه هو الدكتور اللي مرسلها، وفي السعودية كنت أضطر لنفس الشيء.

لكن القضية في الأول والأخير تعتمد على مرونة الجامعة والفرق بين الدكتوراه والماجستير.

تحياتي،،،

ما ادري صراحة حتى الظروف عيت تعطيني قلت لها ليه انت الي شاريتها ولا ماخذين من حسابك شي
قلت لها انا معيده وادري ان المخزن في كراتين من هالظروف على اي اساس ترفضين تعطيني الظرف
واشوا مشى الموضوع بس وهي تختم نفسها مخيسه وحاست علي بعض التوصيات
هي موظفة جديده وكبيره في السن مدري يعني شكل عمرها تقريبا حوالي 45 وجديده ولا لها نفس تشتغل الا لم قلت ابروح للوكيلة قمت تختم زين
الله يعين يعني اذا انت ما تبين تشتغلين ليش تعطلين مصالحنا

الله يعيننا واياك يارب

هههه ما أدري ليش النساء عادة يدققون على بعضهم.
في بعض الأقسام الختم حق القسم كل شوي تلقاه مع واحد، ما تشوف إلا كل واحد ينادي وين الختم يا فلان، ختّم اللي تبي واترك اللي تبي.
مع أنه مسؤولية وشيء خطأ لكن هذا الحاصل في بعض الأقسام الرجالية.

الله يسعدك
ذكرتني بـ وحدة تقول لي ايش تبغي في التوصيات ؟؟؟ قلت لها رح اروح بعثة
فـ قامت تقول لي لا و ماله لزمة و ماله داعي >>>> انتي ايش دخل امك
طبعا في هـ الحالة لازم تسوي نفسك انك سمعت النصيحة و انك مقدر بس انت مغلوب على امرك و في الاخر ما رضيت تعطيني هيه
بركة من ربنا اني اعرف سكرتارية العميدة كللللهم فـ مشوا اموري
بس خرجوا عيوني ,,
الرجال الله يسعدهم ,, يجلس يتقهوى معاهم و يسولف و يصيروا اعز اصحاب و يخلص توصياته وهوه طالع يقول له اللي في المكتب اذا وصلت هناك
كلمني ابغاك ترسل لي سيارة !!!

صادق لما اختي كانت تحتاج توصيات كل وحده تتفلسف عليها وكم تقديرك ومااتذكرك
بابا وقتها راح لقسم الرجال قال بس اعطيتهم الاسم والرقم الجامعي وسووها له بدقايق
بس انا ع حظي مادرسوني الا دكتورات واضطريت اخذ منهم وبدون نفس عسى الجامعات هنا بس تقبلها

موضوع الاظرف ماكملته , معاي نسخ مختومة بس ..

هل رح اواجه مشاكل بالقبول الجامعي للماستر ؟؟؟


افيدوني عشان ارتاح نفسيا ...

هههههه اما حبى ولا برك
يعني مافي حل وسط يالختم من يد ليد يا انهم ما يطيعون يطلعونه

بس بالنهاية الختم الي من يد ليد أهون من هالختم المحفوظ بذيك الخزنة الي وش كبرها
على الاقل ما تطلع عينك اذا بغيت تختم ،، تحس انك تشحذ خخخ

اما سؤال وش تبين بالتوصيات ولا اذا جبت اي ورقة تنختم سواء سجل اكاديمي او شهاده على قولتك كلهم يسألون نفس السؤال ليش تبينهم ،، وشولة اصلا تروحين !! وبعدين تبدا محاضرة طويلة فيها نصيحة انه الروحه موب زينة خاصة اذا عرفوا ان مرافقي الوالد
وانا اسوي نفسي مثل الطائر الحزين واسلك لهم واقول لهم حكم القوي
بدون مبالغة كل وحدة عندها ختم تقول نفس الكلام الظاهر انهم طفشوا من كثر التختيم ..
اي هين الرجال أسهل بكثير ،، بس اني ما ارجع لهم الا اذا اضطريت او كان وقتي مايسمح فارسل احد يخلص أموري من الرجال ،، بس موب دايم للاسف

الله يوفقنا اجمعين يارب

شوفي ياعزيزتي ،، انا يوم دخلت بعض مواقع الجامعات الي ودي اقدم عليها مكتوب انه بس جيب توصيتين او ثلاث من اشخاص اشرفوا عليك في العمل مثلا او في الدراسة من دون اي تفاصيل ثانية بخصوص الظروف والختم
ماعدا جامعة وحده هي الي طلبت التوصيات في ظرف مختوم الي هي The University of Chicago
فعشان كذا لا تشيلين هم
انشاءالله كل الامور راح تكون تمام ،، بس لو كنت قلقة به الخصوص خذي لك نسخه ولا نسخته حطيهم بظرف و روحي اختميها
والاخوان والأخوات في الموضوع ماقصروا قالوا ايش الوضع بالنسبة للتوصيات فانشاءالله مافي شي مقلق

وبالتوفيق ياعسل

ربي يطمن قلبك ..............