-
راسي انفجر
السلام عليكم
( ما خاب من استشار )
والله تعبت كثير من كثر ما افكر قليل ويطلع لي شيب ابيض خخخ لا جد جاني headache من كثر ما افكر بالموضوع ذا :(
انا خلصت فترة اللغة بأمريكا ... اذا سألت نفسي شحب ؟ أحب اي شي عن الصحة ... شالمادة الي كنت تحبها بالثانوية ؟ الأحياء .. الرياضيات " كنت " بالسابق احبها الحين هه شوي
اذا تخيلت نفسي مستقبلاً كوظيفتي مثلاً اشوف نفسي طبيب .. لكن القرار صعب جداً
( يا هندسة بأمريكا ، يا طب في بهولندا ) وكلهم حلوين المكان والتخصص كلهم يقولك الزين عنـدي !
الهندسة لا درستها فأنا ما أميل لها لكن أتوقع بحكم إني شاطر راح امشي فيها وميزتها الثانية قصر مدة الدراسة يعني بـ 4 سنين وانت مخلص ! وممكن تكمل ماجستير ودكتوراه !
والميزة الثالثة بالهندسة إنها بأحلى مكان بـ أمريكــــــــا ! .. والميزة الرابعة إنك ترجع وتتوظف بأكبر الشركات وراتب محترم وادلعك ارامكــــــــــوا اخر دلع !
بينما لا درست طب بهولندا تخصص الطب حلو هولندا حلوة لكن عيبها مقارنة بالهندسة مدة الدراسة أطول + لا رجع وتوظف طبيب المهندس أعلى منه بالراتب بعد كم سنة وبدلات ودلع
لكن ممكن الطبيب يكون أعلى ( اجهل بموضوع رواتب الأطباء وعلاوتهم السنوية والبدلات ) لكن مدة الدراسة اطول زي ماقلت لكم
ولا سمح الله انصدم ان هولندا تطلع اخس من امريكا واندم اشد الندم اني فرطت بامريكا وساعتها لا ينفع الندم لاني ماقدر ارجع للدولة الي حولت منها !
وممكن هولندا تعجبني ولا اندم !
قـــــــــــــــــــــــــــــــــــــــــــــــــ ــرار صعب !!
أنتم وش رايـــــــــــــــكم ؟
وهل شخص يحب يقرى عن الصحة والوقاية من الأمراض والفيتامينات يعني إنه قد دراسة الطب وإنه مناسب للطب ؟
-
رد: راسي انفجر
اذا تبغى وظيفة براتب ممتاز ويكاد يكون نادر ..
وعروض العمل تجيك من كل حدب وصوب ..
ادرس طب طوارئ..
نااااادر جدا تلقى هذا التخصص وسمعت انه جديد ..
اسأل المختصين في الموضوع واستخير ..ولا تاخذ كلامي لين تسأل عنه ..
انا سمعت فقط .. وماعندي فكرة عن الموضوع ..
الله يوفقك .
-
رد: راسي انفجر
الطـــــب مليـــــــان فالسوق .... بالتوفيق
-
رد: راسي انفجر
فية عندك تخصص نادر جداً اسمة بالعربي علم الاستنساخ في جامعة ولاية ميونغ
-
رد: راسي انفجر
كلام الاخت جـاده جدا ( طب الطـورائ )
تخصص جدا مطلوب في السعوديه
وافضـل من الطب البشـري لانو تخصص نـادر او عندك تخصص العـلاج التنفسي ترى جدا مطلوب جدا
او عندك تخصص الطب النوؤي ايضـا جدا جدا مطلوب ايضا لديك تخصص الصيـدله ومطلوب كمان
دعواتك
-
رد: راسي انفجر
آلله يوفقكـ ويتمم لكـ على خيـر ..
إستخير ثم إستخير ثم إستخير ..
مآوضعت إلآ لإرآحتـة الإنسآن بمثل هآلموآضيع ..
بآلتوفيق ..
-
رد: راسي انفجر
احس من كلامك نفسك في الهندسه وايجابيته اكثر بنسبه لك ,,
انا لو ابغى ادخل طب مثلا راح اخذ طب اسنان لان اقدر افتح عياده خاصه فيني وممكن اعمل في القطاع الحكومي والخاص والفرص اكثر ,,
بس مستحيل ادخل طب والله لانمرض من اللي اشووفه بس يمكن انت عندك قوووة تحمل ,,
والهندسه اذا انت حابها استخير وتوكل ع الله انا عمي هندسه واخذ البكالريوس في امريكا قبل 15 سنه ومشاء الله راتبه فوق الكويس ,,
وانت استشير اللي اخذو هندسه واللي اخذو طب واعرف واقرا اكثر واسمع اكثر وشوف وش المطلوب اكثر في سوق العمل اذا يهمك الماده طبعا ومو عيب ,,
ولا احنا ماعندنا لاخبره نسمع نشوف ونتكلم بس :D ,,
والله يوووفقك
-
رد: راسي انفجر
خلكم من التخصصات النادرة
انا محتار بين هالامرين .. طب هولندا / هندسة أمريكا !
:/
-
رد: راسي انفجر
النجاح في مهنة الطب تعتمد على شخصيتك ،، القدرة على اتخاذ القرار، تحمل المسؤلية (يعني صار اي شي في المريض انت قد المسؤلية)، الاطلاع على ما يستجد في الطب بشكل دوري ( يعني ما رح توقف قرآءة)
هذا بالاظافة الى راوتبهم العالية و امكانية التدريس في الجامعة و يكون عندك عيادة خاصة في المساء
صدقني ،،، الطبيب الناجح له نصيب كبير عند ربه (اذا احتسب) و نصيب كبير في الدنيا
في عضو في المنتدى اسمه الطبيب السعودي لو تسأله انشاء الله مرح يقصر معك
و حط في بالك زي ما قالوا الاخوان طب الطوارئ
الهندسة، تخصص ممتاز الفرص الوظيفية متوفرة سواء المجال اكاديمية او في الشركات
رواتب جيدة في المجالين
لن تكون مظطر للتبعد المستجدات في الهندسة،،،، و ان كان ستكون هناك دورات تدريبية في شركات خارجية
و لا تنسى ان ارامكو لن تضع قرش في يدك الا و قد اخذت مقابلة عن طريق جهدك
انت ادرى بشخصيتك، اسأل الي حولك عن فكرة تخصصك في الطب ( اسأل من تثق فيه)
بالتوفيق
-
رد: راسي انفجر
ههههههههههههههه انت مثلي انا ابي هندسة ( ما احبها ولا موادها ) واعشق الطب والتغذية الاكلنيكية والبحوث الطبية
لكن ماني مستعد ادرس الطب ( لاني اولا مزااااجي ثانيا فيها موااد ما احبها وصعبه )
فشكلي برجع السعودية اشتغل بثانوي وظيفة حلوة
ههههههههههه
موفق خير