ابي استشارتكم بمقال مكتوب لجزء الرايتينق ^_^

الله يسلمك أختي كثيييير . . وألف ألف شكر على ردك وكلامك اللي شجعني كثير . . وانت طبعا درسوك ماشاء الله دكاترة بريطانيين وتعلمتي وافدتينا بخبرتك ودرجاتك عاليه ماشاء الله بالرايتيتق . . انا اعتمدت على خبرتي وقاعده اقرى واحاول اعلم نفسي لأن دراستي بالمعهد ماتعدت ثلاثه شهور والليفل عندنا سمستر كامل وماعلمونا اي شي في المقال ابدا لسه بجد قلنا يالله بقيلنا سنة وشهرين من البعثه ننتظر ونشوف آخرتها معاهم. . وانا حاولت أقرى واستفيد وما اعتمد عليهم واعلم نفسي وابدأ ادخل اختبار الآيلتس واتحدى نفسي واتعلم من الناس اللي اخبر مني لأنهم للأسف قاعده ادرس بمستوى أقل مني ومااتعلم منهم شي غير اني اكتب براقراف. . . .

ياليت اختي تفيدينا بالنمادج اللي كانوا يعلموك هيا واستفدتي منها بالذات بإختبار الآيلتس عشان نتعلم منها ويستفيدوا كمان الناس الباقين . . .

وبالتوفيق يارب . . وعسى ربنا ينورلك طريقك

الله يوفقك ان شاء الله في اختبارك : )

اهم شي انتي عارفة اذا جاكي السؤال حق كتابة الايساي تعرفي تفرقي بين الانواع حقت الايسايز ؟
مثل الArgumantative essay و اللي حطيتيه هذا هاند واوذر هاند .. و الايساي العادي اللي تحطي فيها افكارك عن المقال وتتكلمي بكم جانب عنه (غالباً ثلاث جوانب)
دامك تعرفي تفرقين وتعرفي متى تستخدمي الفورمات اللي تحتاجيه فانتي واصلة مرحلة كويسة في الرايتينق

برأيي الطريقة هذه مستهلكة وماهي اكاديمية
بس اذا انكبتي في الاختبار استخدميها عادي ، بس اعتقد انهم لو ماشافوا في الايساي حقك كلمات تشير الى انك انتي كتبتي مثل ( I, me, in my opinion ) درجتك بتكون افضل بكثير لأنه الاسلوب الاكاديمي في كتابة الايساي يعتمد على انك تكتبي المقال بأفكار كويسة بدون الاشارة الى نفسك في الكتابة .. مثل: انا انصح جميع الطلاب بتعلم اللغة ... الخ ، بدالها ممكن تكتبي : تعلم اللغة هو شيء مفيد للطلاب.

الله يوفقك يارب واي سؤال تفضلي .. على حدود المعرفة طبعاً xD

طيب اخوي إذا ماعندك مانع اكتبلي مكان الجمله اللي ماهي اكاديميه جمله كذا منظمة من عندك . . وأي خطأ تشوفه في المقال حاول تعدللي فيه حسب خبرتك ولو عندك أي إضافة في الرأي ضيفها ليه . .

والله يجزاك ألف خير . .

صحيح انه استخدام صيغة الاشارة للنفس لاتحبذ في الكتابة الأكاديمية لكن بالنسبة للايلتس يختلف الوضع شوي لأانهم في الغالب اخر سطر في السؤال تلاقيهم كاتبين انه أدعم كلامك بتجاربك الشخصية وكذا .. فبالتالي هم يميلو نوعا لانك تشير بشكل بسيط جدا إلى نفسك .. بعكس الكتابة الأكاديميه في تكاليف الجامعات و الأبحاث لازم تبتعد كل البعد عن استخدام الضمائر اللي تشير لذاتك ..

لو استخدمتيها بشكل بسيط جدا راح يكون استخدامك لها فعال .. لكن اذا كانت طريقة تفكيرك في الجمل باستخدام هالضمائر وحابه تحوليها بحيث تبتعدي عنها .. خلي الجمله passive عوضا عن كونها active وعشان تسوي هالشيء خلي المفعول به في جملتك اللي فكرتي فيها هو الفاعل وحولي الفعل للتصريف الثالث وماراح تحتاجي تقولي by me

يعني مثلا في جملة النموذج تقدري تقولي this essay will examine ... ,... and ....

او تقدري تقولي (الموضوع حق الايساي) will be discussed with respect of ....., ......and ........

عندي أشياء مررررره كثير حابه اضيفها لمعلوماتك ولفائدة الأخوة الاخرين
لكن وقتي الآن جدا ضيق و محتاجة أبدأ مذاكرتي لاختباراتي

متى راح يكون اختبارك ,, بحاول ارجع قريب أضيف لمعلوماتك more tips تفيدك في الاختبار ان شاءالله

لاسفه جدا ولي باك ان شاءالله

تسلمي يالغلا اختباري خلاص خلال ثلاثه اسابيع ان شاء الله . . . انتي أرجعي ذاكري وربي يوفقك . . ولافضيتي اي وقت ضيفي لنا معلوماتك . .

بالتوفيق يارب . .

- - - مشاركة محدثة - - -

Thank you ^_^

up up up up up up up up

جداً ممتاز وماشاء الله فكرة لم تخطر لي على بال


نصيحتي الوحيدة هو استخدام مفردات مختلفـة وشائعة..

لآن الكلمات الصعبـة وقليلـة الاستخدام راح تكون غريبـة وشاذة في مقال الطلاب الاجانب ولذلك تضعف المقال بصفـة عامـة خصوصاً اذا كان هناك خطآ فادح..

لك ارق تحياتي

عزيزتي دامك عارفة انواع المقال و اسلوبه و الكلام الكثير هذا كله و ما شاء الله عليك شاطرة
وراك معتمدة على نموذج ؟؟؟
طيب خليني اعلمك قاعدة بسيطة في الكتابة و ان كنت انا اقل منك بـ كثير في هـ الناحية بس خذيني على قد عقلي معليش
اي كاتب في الدنيا مهما كان سيء يحاول يبتعد عن القوالب الجامدة في كل شيء سواء في كتابة قصة او مقالة او بحث و يعتمد كثير على
اسلوب العفوية عشان يكون فيه سلاسه ما بين الكلمات

بعدين دامك جربتيه و ضبط معاك على اكثر من موضوع تسألي عن راينا ليش ؟؟ بس عشان نقول لك تمام
وجهة نظري قلتها لك ,, اسلوب سيء !! و ما فيه طالب عنده ذرة شطارة او فهم رح يقول لك تمام الـ تمام لانه يعرف انه هـ الاسلوب مطب كبير
ممكن تاكليه بـ سهوله !!

استفزتك كلمة اتكالية !! ايوه اتكالية و انا ما قلت انتي شخصية اتكالية قلت الاسلوب هذا يعود عليها و فيه فرق بين الكلمتين

اخيرا ,,
يا عزيزتي لو تعرفي اساليب الكتابة مثل ما تقولي كان اتعلمتي كيف تهذبي نفسك في الرد على ناس ترد على مواضيعك عشان تساعدك
بدل ما تقولي انتي ما تعرفي ايش الهدف من موضوعي !!
يعني ايش رح يكون الهدف تحرير فلسطين مثلا ؟؟ داخلة على اختبار و تدوري على الطريق الاسهل و الاسرع اللي تجيبي منه درجات عالية !!!
اقل الايمان شوية اسلوب لطيف مع باقي الاعضاء اللي رح يردوا
لانه صدقيني يطول الزمن او يقصر
مع اسلوبك هذا رح تصيري تنزلي مواضيع و استفسارات و ما تلاقي احد يرد عليك

ياساتر ياساتر هذا معروض ياجماعه مو رد ماشاء الله . .

الظاهر ان كلامك كثير وانا مافيه اضيع وقتي واكتب معروض ثاني . . خير دليل لك الموضوع هذا نفسإ ماشاء الله اعضاء بكل أدب ناقشت وردينا عليها نفس اسلوبها وماقصرت وافادتني بالكثير . . يعني ربنا الغني عنك

ثانيا انتي قاعدة تتكلمي على اسلوب وإتكالية وبعض الأشخاص وكلام كثير طيب اللي افادوني برضو ناس درست وتعلمت . . وانا قريتلك موضوع انك دخلتي الماستر بعد سنة وماتعديتي الستة بالآيلتس . . . لاتجي تتشمتي بالناس اللي تدور علمها وتستشير وهيا لسه ماتعدت الثلاثة الأشهر وممكن تجيب درجه بنفس درجتك . .

تقبلي تحياتي . . وتصبحي على ألف خير

ولو عندك معروض ثاني . . مافيه حيل أرد عليه لأن عندي مذاكره وبراكتيس أهم بصراحه . .

في أمان الله . . .