ياليت تعطوني نصائح خاصة بإختبار الجيمات

السلام عليكم ورحة الله و بركاته
أخوتي واخواتي في الله ارجو منكم اعطائي نصائح خاصة لإجتياز إختبار الجيمات GMA و بالذات القسم الكمي إللي فيه رياثيات لإنه بصراحة انا مييييييح فيه و ما عندي اي شيء! إيش تنصحوني وجزاكم الله خير

أفيدوني من تجاربكم وإللي يعافيكم

والله لسى ما بديت لكن الله يسهل انشا الله الاخوان يفيدونا

أفضل طريقة من وجهة نظري فرغي نفسك شهرين لأجتياز هذا الاختبار
الشهر الأول: سجلي في موقع اسمه Yourteacher.com تقريبا 36$ حق شهر كامل, الموقع هذا والله مفيد جداً جداً عبارة عن 14 فصل تقريبا في الرياضيات اللي راح تحتاجينها في الجيمات يعني مو كل شي فالرياضيات لازم تدرسيه. ويبدأ معاك هذا الموقع من 1+1=2 الين المعادلات والجبرة والمسائل الهندسية. بعد ماتأسسي نفسك صح في هذا الموقع لمدة شهر بمعدل 3 الى 4 ساعات يومياً انتقلي للخطوة الثانية.
الشهر الثاني: يكون معاك كتاب الجيمات وابدأي في حل المسائل بشراسه :) حاولي تحلي أكبر قدر ممكن من المسائل والتمارين. وفيه اختبار محاكة للواقع في موقع الجيمات MBA.com سويلك اختبار نهاية كل اسبوع وبكذا بإذن الله أضمن لك درجة فوق 450.

ملاحظة: اذا قررتي الانطلاق بلتحضير للأختبار لازم تفرغين نفسك من كل شي وهي بس شهرين لاتشغلين بالك بأي شي غير الجيمات وصدقيني أثناء التعمق فالدراسة راح تستمتعين والله يوفقك ويوفق جميع المبتعثين.

تحياتي

جزاك الله خير يا اخويا على المعلومات القيمة جعلها الله في ميزان حسناتك. طيب انا حأتفرغ له بإذن الله عندي مدة كافية إن شاء الله. بس لازم في خلال المدة دي ادرس معاه لغة لإنه ما اقدر أجلس في أمريكا بدون دراسة. كلمت المشرف على اساس اتفرغ للجيمات قال لي لازم تدرسي فل تايم لغة خلال فتؤة دراستك للجيمات. انا مابدي انشغل في اللغة لإنه خلاص حأخلصها بإذن الله و كمان حأرجع أعيد الليفل الأخير كله عشان اقدر أجلس في امريكا و انا ما ابى انشغل بواجبات المعهد

نصيحة لوجه الله ، ركزي على الجي أر إي لإن قسم الماث فيها أسهل بكثير من الجيمات ودرجة عالية فيه مقدور عليها ، القسم اللفظي مره صعب لكن الجامعات ماتركز على القسم اللفظي إلا في الأقسام الأدبية واللغوية .

معلومة مهمة : أغلب الجامعات تقبل الجي أر إي مقابل الجيمات .


تحياتي

طيب انا حأتخصص إدارة صحية إن شاء الله في كلية إدارة الأعمال و طالبين مني جيمات! يعني يقبلوا جي أر إي؟