الوظيفه ... دراسه بالخارج ؟؟؟
السلام عليكم
اخواني ابي مشورتكم في موضوع صغيررر
انا موظف في شركة ارامكو ولي خمسه سنوات بالشركه
قبل فتره جات براسي سالفة اني اكمل دراستي باميركا بنفسي تخصصي اللي بالشركه
قدمت على جامعه لكن مالله كتبلي فيها نصيب والحين جالس اقدم على جامعه ثانيه
انا ادري انها مجازفه كبيره خصوصا اني طالع على حسابي لكن عن نفسي طفح الكيل من هالشركه او بالاحرى من ادارة الدائره اللي اشتغل فيها
خصوصا اني خربتها معهم وفجرتها بوجههم قنابل
المهم مالكم بالطويله
امس كلمني واحد من الشباب عن وظيفه بالخطوط السعوديه بالصاله الملكيه راتبها ضعفين الراتب اللي وقعت فيه مع ارامكو
ولخبط كل الاوراق والمخططات اللي براسي
وقالي اهم شيء لا تفشلني مع العالم تجلس شهرين ويجيك القبول وتطلع على اميركا
انا ادري كثير بيقولولي كثير طلعو ورجعو وما لقو وظايف ولا ادخل انتساب هنا ومن هالكلام لكن انا طموحي شهاده جامعيه من برى
انا اشتغلت خمسه سنوات في ارامكو بشهاده ثانويه وشفت الفرق بين الجامعي وبيني
هو يختصر مشوار عشرين سنه من خدمتي بخمسه سنوات درسها .
انا انسان احب استمع لاراء الناس عشان كذا طرحت موضوعي هنا
ارجو انكم تتحفوني بارائكم.
تحياتي....
رد: الوظيفه ... دراسه بالخارج ؟؟؟
والله ياحبيبي اذا الوظيفه الجديده ضعفين الراتب فانا انصحك تاخذها وبنفس الوقت تقدر تدرس سوا ليلي او صباحي على حسب دوامك، او انتساب.
لو تشوف اكثر الخريجين ماحصلوا وظائف مناسبه، فلا تجازف.
هذي نصيحتي لك.
رد: الوظيفه ... دراسه بالخارج ؟؟؟
والله الوظيفه المناسبة ذات الراتب المجزي صعب تحصلها بسهوله وتحديدا بهالوقت
ان كانك تشوف ان الراتب مغري و فيه امكانيه انك تترقى مع الوقت بسهوله انا انصحك فيها وبعدها ادرسة في احدى الجامعات انتساب او تعليم عن بعد
وبهالحاله تعتبر موظف وينزلك راتب وبنفس الوقت قاعد تشتغل على شهادتك الجامعية
وبعد ما تحصل على الشهاده ان شاء الله سهل انك تترقى واحتمال يفتح لك المجال لدراسة الماستر بالخارج عن طريق الخطوط وانت (ما زلت موظف عندهم)
اما لو قلت انك تركت ارامكو وما لقيت وظيفه وقتها اقولك اطلع برى وشف حظك
واولا واخيرا انت الي تقدر تقرر مستقبلك
موفق ان شاء الله
رد: الوظيفه ... دراسه بالخارج ؟؟؟
اقتباس:
المشاركة الأصلية كتبت بواسطة Shooomy
السلام عليكم
اخواني ابي مشورتكم في موضوع صغيررر
انا موظف في شركة ارامكو ولي خمسه سنوات بالشركه
قبل فتره جات براسي سالفة اني اكمل دراستي باميركا بنفسي تخصصي اللي بالشركه
قدمت على جامعه لكن مالله كتبلي فيها نصيب والحين جالس اقدم على جامعه ثانيه
انا ادري انها مجازفه كبيره خصوصا اني طالع على حسابي لكن عن نفسي طفح الكيل من هالشركه او بالاحرى من ادارة الدائره اللي اشتغل فيها
خصوصا اني خربتها معهم وفجرتها بوجههم قنابل
المهم مالكم بالطويله
امس كلمني واحد من الشباب عن وظيفه بالخطوط السعوديه بالصاله الملكيه راتبها ضعفين الراتب اللي وقعت فيه مع ارامكو
ولخبط كل الاوراق والمخططات اللي براسي
وقالي اهم شيء لا تفشلني مع العالم تجلس شهرين ويجيك القبول وتطلع على اميركا
انا ادري كثير بيقولولي كثير طلعو ورجعو وما لقو وظايف ولا ادخل انتساب هنا ومن هالكلام لكن انا طموحي شهاده جامعيه من برى
انا اشتغلت خمسه سنوات في ارامكو بشهاده ثانويه وشفت الفرق بين الجامعي وبيني
هو يختصر مشوار عشرين سنه من خدمتي بخمسه سنوات درسها .
انا انسان احب استمع لاراء الناس عشان كذا طرحت موضوعي هنا
ارجو انكم تتحفوني بارائكم.
تحياتي....
باين عليك عشت نفس الحالة الى مريت فيها
انا كنت موظف في احد البنوك وتركت البنك علشان الدراسة ولان اعظ اصابع الندم لان الوظيفة اهم شي
لكن الله كريم
رد: الوظيفه ... دراسه بالخارج ؟؟؟
اخوي حلو انه الواحد يطلب العلم و تكون همته عالية بس برضوه ما نضحك على بعض
كلنا ندرس عشان في الاخر نرجع و نتوظف وظيفة سنعة
انت جاتك الوظيفة لـ حدك فليش تتركها ,, رح تطلع على حسابك و اللي على حساب الوزارة متشحططين فما بالك فيك انت
امسك الوظيفة و مثل ما اتفضلوا الاخوان دراستك تقدر تكملها عن بعد او انتساب
اقل الايمان اجل فكرة الدراسة ولو فترة مؤقتة بس عشان تدعم السي في تبعك يصير بعدين لما تكمل دراستك
يكون معاك شهادة جامعية و شهادة خبرة من ارامكو و شهادة خبرة من الخطوط و شهادة لغة و بـ التالي فرصك الوظيفية رح تكون اعلى
موفق لـ كل خير
رد: الوظيفه ... دراسه بالخارج ؟؟؟
الايام هذي الوظيفه صعبه
وفرصة الدراسة في الخارج تعتبر فرصة العمر
خيارين احلاهما مر
بقولك شئ
وظيفتك الجديدة على قولتك راتبها حلو وضعف راتبك الحالي اذا انت مقتنع فيها روح لها
وترى فرص الوظائف كل مالها تقل واذا بتسافر وبترجع بشهادة في تخصص عادي نصيحة لاتسافر
غيرك الكثير يتمنى الوظيفة في البلد واكمال الدراسة انتساب شئ مو بطال اذا التخصص حلو وشد حيلتك
منها تكون كسبت وظيفه وحصلت على شهادة جامعية تفيدك في الترقيات او في وظيفة أخرى
ثاني شئ
اذا انت لغتك الانجليزية كويسة وممكن تلتحق بالجامعه في اقل شئ ٦ شهور
وتشوف نفسك قادر على المذاكرة والنجاح في الجامعه توكل على الله وسافر
اما بتجي هنا وبتضيع سنه ونص الى سنتين في اللغه فنصيحة روح للوظيفه أفضل لك
الوقت يمشي والوظائف ماراح تستناك والمبتعثين بالهبل في كل التخصصات المطلوبة
وانت اذا الله اراد بتتخرج بعد أقل شئ ٥ سنوات ونص من الآن وفي ذاك الوقت كم مبتعث بيرجع بشهادة؟
انت أكثر واحد يدري بقدراتك الشخصية
واكثر شخص يعرف بظروفك الحالية وايهم أفضل لك
شطحة :)
اذا ماتبي الوظيفة هاتها وانا ارجع خخخخخ