(خير الناس انفعهم للناس) تجربتي مع التوفل مع الشرح

December 29th, 2012, 01:23 PM

السلام عليكم ورحمة الله وبركاته

تجربة اخوكم مع TOEFl(iPT))


وصلت امريكا قبل شهرين بداية شهر 11 نوفمبر.

وبعدها باسبوع سجلت للتوفل لان كنت واثق الحمدلله( ولكم على كلام الاخوان التوفل من اول مره شويه صعب) وفعلا صعب.

في البدايه التسجيل ب 180 دولار.

التوفل اغلبيتكم تعرفون ان فيه 4 انواع ( reading . listening.speaking.writing)

في البدايه

reading.
فعلا مثل ما قالوا الشباب الي اعرفهم هذا القسم هو اصعب قسم ولا في اي مقارنه مع الاقسام الثانيه.

6 مواضيع وكل موضوع عليه 12 سؤال.
والوقت الاجمال 120 ساعه متواصله موضوع ورا موضوع مباشرة.
هذا القسم مشكلته الكلمات الصعبه الي ما تعرف من وين جايبينها .. وكثافة المعلومات اللي تخليك ما تدري شلون تفهم القطعه.

الحـل مع هذا القسم,
التوكل على الله والقراءه اليوميه ( حسس نفسك بالمتعه وانت تقرأ وحاول تفهم اللي قاعد تقرأه) ومحاولة القراءة بسرعه وحفظ الكلمات.

Listening

6 محادثات كل محادثه 6 اساله .
الوقت اهني يعتي تقريبا كافي وان شاء الله الوقت مو مشكله . ولكن الاستماع هو المشكله .
المشكله ان كلمات تعرفها وواثق منها , بس لما تسمع ناس اتكلم انت ما تقدر تعرف ان الكلمه هاذي انت عارفها واهني المشكله.

الحل, درب نفسك على الاستماع بشكل يومي يوتيوب ( محاضرات عن علم النفس وعلم الانسان وعلم الفضاء والتجاره)

في اول محادثتين تكون بين طلاب , وثاني محاضرتين تكون بين طلاب وبرفسور , واخر محادثتين برفسور يتكلم .

Speaking.

ايضا 6 اساله ويطلب منك تتكلم ( اول سؤالين يجيبلك موضوع تكلم عنه مثلا ( الهدايا ) والموضوع الثاني ( الزواج او الصداقه) ويقولك جهز نفسك 15 ثانيه وتكلم 45 ثانيه

السؤالين الي بعدهم ( يقولك اسمع لطلاب وبعدها يقولك اشرح شنو مشكلتهم وعطنا حلول لمشكلتهم ) اهني جهز نفسك 20 ثانيه وتكلم 40 ثانيه

السؤالين الاخيرين ( تسمع محاضرة نفس الي فوق يا علم نفس يا علم الفلك يا علم النبات او علم الانسان )
محاضره تسمعها واذا خلصت يقولك اشرحلنا المحاضره وشنو كان يشرح البرفسور.

الحل,
سؤلف انجليزي 24 ساعه مع الناس وانسى اللغه العربيه واذا انت بروحك سولف مع نفس وافتح موضوع وتكلم فيه بينك وبين نفسك
والله بعد كم يوم تشوف نفسك تسولف مع الناس وانت اكثر ثقه .. واكثر راحه


writing .

طبعا يكون موضوعين الاول يجيبلك قطعه وتسمع محاضره, يقولك اقرا القطعه ب 3 دقايق واسمع المحاضره, وبعدين ابدا اكتب paragraph عن الي بالقطعه والمحاضره.

المطلوب 150 الى 200 كلمه والوقت 20 دقيقه


القسم الثاني يطلب منك essay والاسي له نظام خاص بطريقة الكتابه .
يجيبلك موضوع ويقولك اكتب عنه مثلا ( انا كان سؤالي الاعلانات ) تكلم عنها بالماضي شلون كانت وبالحاضر شلون تطورت ومن هالسوالف

المطلوب 250 الى 300 كلمه والوقت 30 دقيقه


وبعدها يقولك هل تريد تخزين اجوبتك طبعا انت تقول يس وخلاص تتوكل على الله ...

تقريبا ثاني موضوع اكتبه والله مو من اهل المنتديات فموضوع مخربط .. لكن قلت لازم اوصل الكلام هذا لان كثير منكم يجهز للتوفل او الايلس.


نصيحه لوجه الله,

جيب الايلس والتوفل بديرتك وتعال واللي وصل امريكا لا يقول بعد شهرين او ثلاث اشهر امتحن,

هذا خطا لا تخلي المعهد ياكل فلوسك وفلوس ديرتك, حاولو انكم تسوون ( jump )
في بعض الاخوان اللي يسلمهم ,, صارله سنه وللحين بالمعهد من لفل ل لفل, والله خطا, اللي يتعدى المستوى الاول يمتحن على طول.
هاذي نصيحه لوجه الله

على كل حال قبل لا انهي الموضوع , درجتي بالتوفل كانت 51 من 120 ,, والحمدلله اعتبره انجاز, وقاعد اجهز لامتحاني الثاني بعد اسبوعين

فقلت خلني اوصل المعلومات البسيطه لعل وعسى تفيد ولو على الاقل شخص واحد .



الله يوفقكم دنيا واخره ...
اخوكم في الله/ حسين ..

• نشر عبر تويتر
• نشر عبر فيسبوك
• نشر عبر جوجل