الأعضاء الإشتراك و التسجيل

الملتقيات
ADs

طريقة استرجاع قيمة أمر الإركاب بالتفصيل

طريقة استرجاع قيمة أمر الإركاب بالتفصيل


NOTICE

تنبيه: هذا الموضوع قديم. تم طرحه قبل 1842 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. بسم الله الرحمن الرحيم..

    في هذا الرد بشرح لكم بالتفصيل ان شاء الله احدث طريقة لأسترجاع قيمة امر الاركاب.
    اولا انا عندي امرين اركاب واحد عودة من امريكا والاخر ذهاب. من طلعت اول امر اركاب و انا احاول فيهم وهذا الكلام كان بشهر اكتوبر 2013. طبعا و ردهم بالرفض. عموما انا كلمت المسؤول عن امر اركابي في مكتب الطيار اللي بأمريكا و قلت له لا تستخدمة. وخله عندك يوم من الايام بدق عليك و اشوف له حل. قال لي تمام.
    رحت للسعودية بتذكرة انا كنت حاجزها .. بعد فترة رحت لفرع وزارة التعليم العالي بالعليا عشان اطلع امر اركاب راجع لما طلعته قلت بسترد قيمته قالو ممنوع. المهم اخذت امر الاركاب و اتصلت على مكتب الطيار اللي بالسعودية و قلت لا تحجزون انا بسترد قالو لا وممنوع ومدري كيف. انا قلت خير ان شاء الله. رحت لمكتب الطيار اللي بوزارة التعليم العالي و دخلت عند واحد اسمة فيصل مدير مكتب الطيار هناك .. قلت موضوعي استرداد وان عندي امرين اركاب بستردهم قال لي مالك الا حل واحد قلت ايش قال " رح للي منع الاسترداد و خله يكتب لك خطاب موافقة بالاسترداد" قلت فيه احد سواها قال كل من يجينا نقول له سو كذا ولا احد سواها الا الان. قلت انا ابسويها من هو اللي اصدر قرار ايقاف الاسترداد. قال " نائب وزير التعليم العالي محمد السيف" قلت خير اجل. المهم بعد تقريبا اسبوعين حجزت رحلة الى الرياض و رحت لمكتب النائب بعد ماوصلتني اخبار انه بيتواجد بالتوقيت نفسة و كتبت خطاب و شرحت وضعي و قلت انا لما سويت تأجيل البعثة ماكنت اعرف اني استحق اوامر اركاب ف حجزت على حسابي و اني اتمنى ان توافق على الاسترجاع و من هالكلام. بالخطاب كتبت رقم الطلب حق امر الاركاب الاول و رقم امر الاركاب الثاني. لما دخلت عنده وجا دوري رحت له و سلمت وعطيته الخطاب قراه ثم طالع فيني وقال " ابشر بأذن الله خير " قلت سلام علكم وطلعت.

    المهم بعد شهر ونص من الموضوع هذا اتصلت على مكتب الطيار اللي بالوزارة و قلت له وش صار بموضوعي. قال جتنا الموافقة قبل اسبوع وحاولت اتصل فيك ما قدرت مقفل جوالك. قلت انا بأمريكا قال خلاص ارسل امر الاركاب الاصل حق العودة بعمل لك استرداد من عندي و امر الاركاب اللي طالبه من الملحقية بيكون الاسترداد من مكتب ثاني برسل لهم اوراقك و تواصل معهم. قلت خير. ارسلت امر الاركاب عن طريق فيدكس ووصل الرياض استلمه ولد خالتي و راح للرجال و عطاه الاوراق و قال اسبوعين و المبلغ بحسابك.

    اليوم شيكت بعد مدة اسبوعين بالضبط حصلت بحسابي 6750 ريال سعودي. ما يوافق 1800 دولار. هذا لامر اركاب واحد. باقي امر الاركاب الثاني كلمت مكتب الطيار اللي عنده معاملتي قال لي راسلنا المكتب اللي في امريكا و بيرسلون لنا اوراقك لما تجينا برسل لك ايميل بالسعر و لما توافق اسبوعين و المبلغ بحسابك. الى الان ما ردو لي.




    ملاحظة / مكتب الطيار ماراح يسترجع لك قيمة امر الاركاب الى لما تجيب موافقة من نائب الوزير. وهذا امر سهالات ان شاء الله. و انصح فيها اللي يبي يسترجع ومو جاي امريكا مره ثانية



    اتمنى افدتكم بهذا الرد. و اي استفسار انا حاظر
    7 "
  2. بسلامتهم اما اروح وادور وراهم عشان الفين ريال ههههه
    خل الاماراتية تستفيد اجل
    معاي تذكرة ع الاماراتية وانا كنت بس ابي بورتلاند سياتل والملحقية رفضت تعطيني الا لحد السعودية قلت اوكي بس ماراراح اسافر للسعودية قالوا مالنا شغل قلت يالله اما فلوسكم كثيرة جب هالتذكرة الي استحقها وخل شركات الطيران تستفيد منكم يالدلوخ بدل الطلاب هالمساكين
    نظام معوق والي حطة شخص تفكيرة سلبي مرة ياخي خل الطلاب تستفيد من الفلوس اذا هي مدفوعة مدفوعة
    لا وبستحق تذكرة بعد 6 شهور وبطلبها بعد وبخليها وخلهم يدفعون وش ورانا
    7 "
  3. المشاركة الأصلية كتبت بواسطة Naif1981
    بسلامتهم اما اروح وادور وراهم عشان الفين ريال ههههه
    خل الاماراتية تستفيد اجل
    معاي تذكرة ع الاماراتية وانا كنت بس ابي بورتلاند سياتل والملحقية رفضت تعطيني الا لحد السعودية قلت اوكي بس ماراراح اسافر للسعودية قالوا مالنا شغل قلت يالله اما فلوسكم كثيرة جب هالتذكرة الي استحقها وخل شركات الطيران تستفيد منكم يالدلوخ بدل الطلاب هالمساكين
    نظام معوق والي حطة شخص تفكيرة سلبي مرة ياخي خل الطلاب تستفيد من الفلوس اذا هي مدفوعة مدفوعة
    لا وبستحق تذكرة بعد 6 شهور وبطلبها بعد وبخليها وخلهم يدفعون وش ورانا
    يا اخي حقك و لو متنازل عنه بكيفك! وحنا ترانا طلال تفيدنا كثير هذي الامور ولو كنت مو مهتم غيرك مهتم اخوي نايف. و 13500 قرشين الا انشب لهم نشب كانك انت ماودك والله بكيفك لا تعمل شي
    7 "
  4. المشاركة الأصلية كتبت بواسطة محمد الخريجي
    يا اخي حقك و لو متنازل عنه بكيفك! وحنا ترانا طلال تفيدنا كثير هذي الامور ولو كنت مو مهتم غيرك مهتم اخوي نايف. و 13500 قرشين الا انشب لهم نشب كانك انت ماودك والله بكيفك لا تعمل شي
    وش فيك زعلت علي الله يهديك فهمتني غلط ههههههه
    انا ماقصد سوو زيي ولا قلت كذا لو تراجع كلامي مظبوط
    يعني انا الي اقصدة انها ماتسوى عليك تروح السعودية عشان تقابل مسئول بالوزارة وتخسر فلوس عشان قيمة تذكرة
    واذا انت فيك شدة الله يقويك رح واعطنا تجربتك
    7 "
  5. المشاركة الأصلية كتبت بواسطة Naif1981
    وش فيك زعلت علي الله يهديك فهمتني غلط ههههههه
    انا ماقصد سوو زيي ولا قلت كذا لو تراجع كلامي مظبوط
    يعني انا الي اقصدة انها ماتسوى عليك تروح السعودية عشان تقابل مسئول بالوزارة وتخسر فلوس عشان قيمة تذكرة
    واذا انت فيك شدة الله يقويك رح واعطنا تجربتك
    لا والله اخوي نايف مازعلت. انا اصلاً سويتها وخلصت. و اصلاً مارحت للرياض الا لاني خلصت لغة و سويت تاجيل بعثة وعطوني تذكرتين و لما كنت بالرياض اجازة، رحت استرديتها
    7 "
  6. الاخوه الكرام عمليه الاسترجاع تتم من خلال أخذ موافقه مكتب نائب الوزير من ثم تبدأ الإجراءات مع الطيار ولكن للفائده يجب عمل كل الخطوات السابقه وهو ان تعمل حجز وتطلب تذاكر من الملحقيه من ثم بعد الحصول على الموافقه تطلب من المكتب عدم إصدار التذاكر من ثم تطلب منهم إرسال النموذج الأصلي لشخص اسمه جوزيف بالرياض ، او مالك من ثم تتواصل مع عبدالله العبيد مدير مكتب الطيار في الوزاره الكبيرة وليس وكاله الوزاره وهو المتحكم بكل ذلك ........

    امل من الاخوه الكرام من قد قيم له امر اركاب بافادانا حيث سوف تعم الفائده للجميع



    ( تمت المشاركة باستخدام تطبيق مبتعث )
    7 "
9 من 10 صفحة 9 من 10 ... 48910
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.