معقولة سرقة عيني عينك!!

السلام عليكم ورحمة الله وبركاته ...

انا لا ارى اي مشاكل في امازون بل على العكس امازون يحفظ حقوق المشتري وله حمايته الخاصه ..
حتى وان تم سرقتك من قبل بائع من امازون ... امازون يعوضك عن السرقه ويتصرف مع السارق ..
ومعلوماتي بامازون من سنوات ولا اذكر اني انسرقت منهم ولله الحمد ..

وللمعلوميه كل عملية شراء بامازون ماحد يقدر يسحبها مرتين ! يعني لو اشتريت شغله خلاص البائع نفسه مايقدر يسحب المبلغ مره ثانيه .. لازم يطلب منك انك تروح وتشتري السلعه مره ثانيه ..
وهذي طريقه لحفظ حقوق المشتري من النصب والاحتيال ..

اما بالنسبه للي يبي طرق للدفع في امازون .. فامازون مايقدمون خدمة الـ Paypal ...

طبعا لمن لا يحب ان تكون بطاقته محفوظه بامازون .. بإمكانه استخدام بطائق شحن الامازون ..
(نفس طريقة بطاقات ايتونز) ..
تشتري منهم المبلغ اللي تبي وتحطه بحساب الامازون نفسه .. وتشحن حسابك متى ماتبي .. ولا بطاقة بنكيه ولاهم يحزنون ..



اختي بالنسبه للمبلغ اللي تم سحبه بدون اذنك ..
متى اخر مره اشتريتي من امازون ؟

لابد تتأكدين من تواريخ مشترياتك .. لان العمليات البنكيه ماتظهر بسجل العمليات الا بعد ثلاث الى خمس ايام .. حتى تكون العمليه كامله ..
ولما تدرج بسجل العمليات .. تدرج بتاريخ إنتهاء العمليه .. وليس بتاريخ الشراء نفسه ..

على كل حال .. بإمكانك تدقين على البنك (الرقم خلف البطاقه) وتقولين لهم ان بطاقتك استخدمت بدون اذنك وتبين تستبدلينها ببطاقه جديده .. وراح يلغون بطاقتك الحاليه ويصدرون لك جديده ..
وتروحين للبنك وتطلبين منهم Dispute Form حتى تعترضي على المبلغ اللي انسحب منك وتخلصين الاجرائات اللازمه هناك راح يعلمونك وش تسوين .. وعادة يطلبون منك انك تقدمين ريبورت للشرطه اول شي بالعمليه ..
وبعدها تتركين البنك يتصرف معهم وراح اول شي يودعون المبلغ اللي تم صرفه من قبل امازون بدون اذنك بحسابك لحتى ينتهون من تحرياتهم بالموضوع .


هذا والله اعلم ..

اختي مالازم تلغين حسابك البنكي..!

عليك الذهاب للبنك واخبارهم ان بطاقتك قد ضاعت وتريدين الحصول على بطاقة اخرى ..! لان امازون لدية معلومات بطاقتك وليس حسابك..!

ف راح توصلك الباطاقة الجديدة بعد 5 ايام عمل وراح يعطونك بطاقة ATM تستخدمينها خلال هذي الايام الخمسة..!

موفقة

الله يعينك و ييسر أمرك

غريبة والله، مدري كيف كذا بس أنا متعامل مع الأمازون من عام 2008 ما صارت لي معهم أي مشاكل والحمد لله.

أنا مشترك في خدمة برايم، وكثير أشتري من النت وأرجّع الأشياء اللي ما تناسبني، وحتى آخر مرة شريت شغلة سعرها بسيط جداً، وتأخرت علي لأنها مرسلة من الصين مو من داخل أمريكا، ورجعت كنسلتها وقالوا لي بنرجع لك الملبلغ إرضاء لك كعميل وإلا البضاعة أرسلت من مدة وراح تصلك في أيام، وفعلاً وصلتني اليوم ورجعوا لي المبلغ، بس المبلغ جداً بسيط، لكن تعاملهم كان حلو.

تحياتي،،،