معجون وفرشة وصابون

حبيبتي الله يوفقك , الف شكر يالغالية ..

الان اكبر همك معجون واسنان ومستحظرات استحمام
لكن لما تجين بتكتشفين اشياء كثيييره اهم من فرشه ومعجون
التسوق للبيت هذا بحد ذاته مهمه صعبه للمبتدئين..ويبيلك كم شهر لحد ماتتعرفين على اللي يصلح واللي مايصلح اقصد من ناحية الاطعمه لان اغلب المنتجات عندهم فيها خنزير بديت اشك حتى الفواكه محشية خنزير
فما بالك بفواتير وتأمين ودراسه وكل صبح تفتحين البريد تلقينه محشي فواتير..و و و و...الله يعين ويوفق الجميع

شبلاكم على البنت تبي تكتشف عالمها قبل لاتجي وانا اشوف ان هذا الصح
مو مثلكم تروح وماتدرون وين هي هابه اللي يبي يجاوب ماحد راده اما اللي منزعج انشغلو بنفسكم !

مين قالك انه اكبر همي .... روحي شوفي مواضيعي وتعرفي كمية الهم اللي فيني ..
وموضوع الفواتير اعرف انه هم عظيم , لكني مارح أأجر بيت زي المليونيرات لأن سكني مع عائلة ...

موضوع النظافة مهم جدا بالنسبة لي , لأني تعودت اصلي الفروض الخمسة ولله الحمد والمنة ..
ضروري اكون شخص نظيف في كل وقت ..

عقبال الجميع يارب ..
شكرا لك ..

- - - مشاركة محدثة - - -



هههههههههه يستغربون اهتمام شخص بطهارته واهتمامه فيها

ناس عجيبة صح ؟؟

صحين
شكلهم تعود من الامركن ويمسحون بمناديل هههههههههههههههه

يعني بتسكنين انتي وزوجك مع عائله ؟

اذا هذا صحيح فانا مانصح بهالشيء ابدا ..

بما انك ذكرتيني بالسكن راح افيدك بمعلومه ..

الشقق اسعارها اغلى من اسعار ايجار البيوت ..

بمعنى اخر .. لو كان معدل قيمة الايجار الشهري للشقق في المنطقه اللي تسكنين فيها من 650 الى 1200 دولار شهريا ..
فترا تقريبا البيوت ايجارها الشهري مابين الـ 450 و 600 دولار شهريا ..

وانا اتكلم عن بيت دبوليكس من طابق واحد !

للمعلوميه الان اغلب اللي اعرفهم سواء عوائل او عزاب عندنا بامريكا .. صاروا يدورون البيوت اكثر من الشقق ..
والسبب ان الشقق ياخذون ايجار البناء والتاكس .. الخ يعني يطلعون فايدتهم من المقيم غصب ..

اما البيوت لا فاصحابها عندهم بيت ثاني بس حابين يستفيدوا من البيت .. ولو اعجبوا في شغلك بالبيت يعني كاعتناء فيه وما الى ذلك ..
ممكن ياخذون ايجار اقل وممكن بعد يعطونك شهر او شهرين بدون ايجار مسامحينك فيه ..

انتي وحظك ..

انا عندي اربعه من الشباب في تنيسي .. كانوا يشتكون من مسألة الشقق وايجارها .. فطرحت عليهم فكرة البيت .. ولقوا لهم بيت في مزرعه صاحبه يبي يأجره طابقين وست غرف مع مطبخ واربع حمامات الله يكرمكم وصالتين وحده في كل طابق ..
وغير المزرعه .. وكل ذا خذوه بـ 800 دولار شهريا ! يعني هم اعجبهم الوضع وصاروا كلهم بالبيت .. ومبسوطين على الاخر ..

وايضا واحد كان ساكن بشقه مع اهله هو وزوجته واربع اطفال .. وكان يدفع للايجار مايقارب الـ 1200 دولار شهريا .. على شقه غرفتين ومطبخ وصاله والله يكرمكم حمامين ! ..
والان هو ساكن مع زوجته وعياله في بيت يبعد عن جامعته تقريبا ربع ساعه او اقل بعد .. مطبخ وصاله واربع غرف وحمامين الله يكرمكم وغير الكراج والفرنت يارد والباك يارد والستورج اللي عندهم .. كل ذا لقاه بـ 690 دولار شهريا !
اكبر من شقته وارخص منها !

واللي يقول ان مسألة ان الشقق افضل لان فيها شقق ماتدفع على الكهرب والماء !
فترا فاتورة الكهرب كلها ماتتعدى 100 دولار .. والماء ماتجي اكثر من 30 دولار .. يعني بإختصار هم ساحبينها منك في قيمة الايجار ولا بزياده بعد !
هذا لو كان عزابي ... اما لو كان عائله فترا الفارق بسيط يعني على حسب الاستهلاك ! وماتوقع ان فيه احد بيقعد 24 ساعه مشغل كل لمبات الشقه + الاجهزه الالكترونيه من تلفزيون وغيره طول اليوم بدون مايطفي شي منها !

فانا دايم انصح العوائل بان يسكنون في بيت ايجار وكلما صار التعامل دايركت مع الاونر صاحب البيت كل ماصارت قيمة الايجار اقل .!

هذي مجرد نصيحه وفائده علها تفيدك وتفيد الاخوان ..

طيب كيف ممكن أسكت في بيت و نسبة الأمان تعبانة في المدينة اللي أنا رايحة لها
على الأقل الشقق فيها سيكيورتي سستم طيب و البيوت ؟
جد كلامك غيّر كل تخطيطي

ردك خلاني اعيد تفكيري ...

خليك قريب الله يعينك على اسئلتي ...

جزاك الله خير ..

اذا انتي بتسكنين لحالك فلا خليك بالشقق على الاقل تكونين حول صديقاتك والجو آمن لك اكثر ..

اما اذا كان معك محرم .. فهذا شيء راجع لك ..

مسألة الامان بالنسبه للمناطق .. غالب المناطق جيده للسكن .. وكل ما ابتعدتي عن الداون داون كل ما ارتفعت نسبة الامان ..
والسبب أن المناطق اللي تكون بعيده عن الداون تاون عادة تكون مناطق سكنيه صغيره وغالب الناس فيها يعرفون بعض ..

فبالتالي تكون المناطق هذي هادئه ..

انا سبق وسكنت فيها كانت تبعد عن جامعتي مايقارب النصف ساعه .. قعدت فيها سنه تقريبا .. ولا شفت اي مشاكل لله الحمد ..
على ان الشارع اللي كان خلف شارع البيت اللي كنت ساكن فيه كان شارع سود وكنت اسمع اغاني عاليه هالسود مستنزلين بهذاك الشارع ..
ومع ذلك لله الحمد السنه اللي سكنت فيها هناك ماشفت اي مشاكل ولله الحمد ...
ونقلت منها لان صاحبي نقل فتثيقلت مسألة النصف ساعه رايح جاي للجامعه .. خصوصا ان الصباح الخط زحمه عندنا لان الخط نفسه يلتقي عليه اربع مناطق او خمس ..
فدايم مزدحم .. فقررت اني انقل في شقه لحالي قريب من الجامعه .. وهذا انا بشقتي صارلي الان فيها مايقارب السنتين ونص تقريبا وايضا ماعندي اي مشاكل لله الحمد تذكر ..


وطبعا السيكوريتي حق الشقق اللي تتكلمين عنه .. ترا ماحولك احد .. بوابه مسكرينها وسكيورتي بالمكاتب ..
اما الشقه نفسها ماعليها سيكوريتي .. فبالتالي بإمكان اي احد يدخل الاسكان ويسرق ويسوي اللي يبي ويطلع ولا احد درا عنه حتى مع وجود سيكوريتي ! ..
اما البيوت .. فتقدرين تحطين سيكوريتي داخله اجهزه متصله مع الشرطه والاسعاف والمطافي بعد .. (نفس اللي بالافلام) ..
وهذي لها رسوم شهريه ..


وعلى حسب اللي شفته من السكن .. فيه شغله مهمه تعلمتها ..
مهما كنت تحتاج سكن .. لا تسكن ابدا في الاسكان اللي يكون حول الجامعه او في سكن الجامعه !
ودائما ابتعد عن الشقق الرخيصه خصوصا اللي يقدمون عرض شقق مشتركه ! ..
لسبب واحد .. كل هذي دائما تكون فيها تجمعات والتجمعات هذي تجمع الصالح والطالح ..
وغالبا تلقون فيها مشاكل بشكل يومي .. وطلق ناري على الاقل بالاسبوع مرتين !
لانه يكثر فيها تجار المخدرات ومستمعلينها ..


هذا مايعني ان مافيه مناطق حول الجامعه كويسه .. بالعكس .. فيه .. لكن انت وشطارتك ..

مثلا بإمكان الواحد يعرف مستوى السكن من خلال سيارات سكانها !
فمثلا لو شاف غالبية السيارات قديمه ومكسره وحالتها حاله .. معناته السكن تعبان جدا !

اما لو شاف السيارات كويسه ولاباس فيها .. فهذا سكن جيدجدا ومعقول ...

يعني مثل هالشغلات ترى تخلي الواحد يعرف وش قدامه ! ..



بالخدمه اختي ..