السلام عليكم ورحمة الله وبركاته ...
بالنسبه لبطاقة مداد او الراجحي بشكل عام ماقد جربته .. لكن البطاقه اللي كانت معي هي الماستركارد مسبقة الدفع حقت الاهلي .. وكانت ماشيه معي زي العسل ..
حتى اذكر اني دفعت فيها ثلاث مرات للجامعه هذاك الوقت .. وكانت اول الشهور لي بامريكا كنت متلعوز مره ..
انت الان عندك طرق كثيره للتحويل .. تقدر تستخدم نظام التحويل الدولي بين حساب الراجحي وحساب بانك اوف امريكا .. وهذا ياخذ مابين الثلاث الى خمس ايام عمل حتى يتم ايداع المبلغ بحسابك في امريكا ... (هذا غير الثلاث ايام اللي ياخذونها البنك السعودي علشان يوافقون على معلومات حسابك بامريكا) ...
وطبعا لها رسوم تحويل .. وتختلف من بنك الى بنك .. انا اذكر اني كنت احول من العربي الى حسابي بامريكا بـ 50 ريال رسوم العربي واذا وصلتني بحسابي بامريكا البنك اللي انا فيه ياخذون عمولة 5 دولار عمولة استقبال حواله دوليه ..
او انك تخلي احد يحول لك المبلغ على الويسترن .. (يعني تسوي مثل ماقالك اخوي حروف متناثره ) .. ولكن الويسترن راح ياخذ عموله دسمه ...
أو انك تشوف لك احد بالاهلي وتحول له المبلغ وهو يحوله لك عن طريق خدمة الـ QuickPay واللي هي نفس طريقة الويسترن بس خاصه بالاهلي .. يجيك المبلغ خلال دقايق وتستلمه عن طريق احد الاماكن اللي تقدم خدمة الـ MoneyGram وهي كثيره بامريكا ..
والفرق بينه وبين الويسترن .. ان حدهم بالارسال هو 10 الاف دولار للمعامله الوحده .. وعملتهم ماتتعدى الـ 300 دولار كحد اقصى .. لانهم مايخذون بالنسبه بس ياخذون بالقيمه .. كل قيمه معينه لها عموله .. اما الويسترن بالنسبه ...
والاهلي راح يطلب معلومات مستقبل الحواله مثل الاسم والعنوان كامل بالمدينه والمنطقه .. الخ نفس الويسترن ..
لكن هذي المعلومات راح تكون مسجله عندهم بحساب الشخص اللي بيحولها لك بحيث لو جا يحولك مره ثانيه يصير بس يدخل رقم الاختصار لمعلوماتك وتروح لك الحواله ..
والله عارف وضعك الان لاني سبق ومريت بهالامور .. ونصيحتي لك لاتجرب بطاقاتك في صرافات شفاطه (انا اسميها شفاطه) ..
يعني تكون مثل اللي بالسعوديه تحط بطاقتك وتدخل داخل .. فيه صرافات فيها نظام السواب .. يعني تحط بطاقتك وتسحبها .. وتكمل العمليه والبطاقه بجيبك ! استخدم هالصرافات حتى ماتشفط بطاقتك الصرافه مثل ماشفطت بطاقتي ونكبت عفشي !
الله يفرج همك ويسهل امرك ...
محمد فهد .. January 5th, 2013, 08:32 PM
7 " اخوي تقدر تسحبها كلها من نفس البطاقة ولكن على دفعات. انا معي نفس بطاقتك وزي الحلاوة ولا عمرها رفضت. الله يوفقك
يوسف الراجحي January 5th, 2013, 08:55 PM
7 " انا قررت أني اسحب الكاشات من الراجحي .. و أودعها لحسابي الأمريكي .
هل هذه الطريقه مناسبه ؟!
مع العلم أنهم يأخذون عموله بسيطه جداً ممكن من 6 ريال إلى 16 ريال .
Naif.Sa January 5th, 2013, 10:25 PM
7 " انا بقولكم تجربتي من جيت ولله الحمد تقريبا جربت فيزا الراجحي في اغلب الاماكن ومشت
في المطاعم والتسوق والبقالات الصغيره ومحطات البنزين والفنادق وامازون وشراء سيارة والتأمين وسداد الفواتير
الشي اللي مامشت فيه هو لما جينا نستاجر بيت ماقبلوها وطلبوا اننا نسدد عن طريق money order
واذكر مره او يمكن مرتين مامشت واظن وقتها كنت ماشحنتها بمبلغ كافي
بالنسبة لبطاقة الراجحي العاديه شرينا فيها كنب مادري كيف بقدرة قادر مشت!!
ونصيحة اخويه اول ماتجون لامريكا لاتعتمدون على بطاقه وحده ضروري تفتحون لكم حساب ببنك امريكي وتعطون قرايبكم رقم الحساب ويسوون لكم حواله خلال يومين ثلاث بالكثير ويصير المبلغ بحسابك
اما السحب بالصراف العادي من اي صراف ببطاقة الراجحي والله حرام لان البنك ياخذ بحدود 50 ريال على كل سحبه واذا انت مضطر فاسحب اكبر مبلغ ممكن واظن انه 400 دولار
one way January 5th, 2013, 10:32 PM
7 " انا أسحب 200 دولار ماكسيموم .. يعني كـ حد أقصـى .
بخصم 2.50 دولار على كل سحبه .
أمس سويت ممكن 6 سحبات 200 دولار .. اخذوا تقريباً 15 دولار .
Naif.Sa January 5th, 2013, 10:54 PM
7 " اخوي اسحب من الصراف الي داخل البنك لانه يسحب اكثر. واسحب من بنك City Bank
يوسف الراجحي January 5th, 2013, 11:06 PM
7 "
بالنسبه لبطاقة مداد او الراجحي بشكل عام ماقد جربته .. لكن البطاقه اللي كانت معي هي الماستركارد مسبقة الدفع حقت الاهلي .. وكانت ماشيه معي زي العسل ..
حتى اذكر اني دفعت فيها ثلاث مرات للجامعه هذاك الوقت .. وكانت اول الشهور لي بامريكا كنت متلعوز مره ..
انت الان عندك طرق كثيره للتحويل .. تقدر تستخدم نظام التحويل الدولي بين حساب الراجحي وحساب بانك اوف امريكا .. وهذا ياخذ مابين الثلاث الى خمس ايام عمل حتى يتم ايداع المبلغ بحسابك في امريكا ... (هذا غير الثلاث ايام اللي ياخذونها البنك السعودي علشان يوافقون على معلومات حسابك بامريكا) ...
وطبعا لها رسوم تحويل .. وتختلف من بنك الى بنك .. انا اذكر اني كنت احول من العربي الى حسابي بامريكا بـ 50 ريال رسوم العربي واذا وصلتني بحسابي بامريكا البنك اللي انا فيه ياخذون عمولة 5 دولار عمولة استقبال حواله دوليه ..
او انك تخلي احد يحول لك المبلغ على الويسترن .. (يعني تسوي مثل ماقالك اخوي حروف متناثره ) .. ولكن الويسترن راح ياخذ عموله دسمه ...
أو انك تشوف لك احد بالاهلي وتحول له المبلغ وهو يحوله لك عن طريق خدمة الـ QuickPay واللي هي نفس طريقة الويسترن بس خاصه بالاهلي .. يجيك المبلغ خلال دقايق وتستلمه عن طريق احد الاماكن اللي تقدم خدمة الـ MoneyGram وهي كثيره بامريكا ..
والفرق بينه وبين الويسترن .. ان حدهم بالارسال هو 10 الاف دولار للمعامله الوحده .. وعملتهم ماتتعدى الـ 300 دولار كحد اقصى .. لانهم مايخذون بالنسبه بس ياخذون بالقيمه .. كل قيمه معينه لها عموله .. اما الويسترن بالنسبه ...
والاهلي راح يطلب معلومات مستقبل الحواله مثل الاسم والعنوان كامل بالمدينه والمنطقه .. الخ نفس الويسترن ..
لكن هذي المعلومات راح تكون مسجله عندهم بحساب الشخص اللي بيحولها لك بحيث لو جا يحولك مره ثانيه يصير بس يدخل رقم الاختصار لمعلوماتك وتروح لك الحواله ..
والله عارف وضعك الان لاني سبق ومريت بهالامور .. ونصيحتي لك لاتجرب بطاقاتك في صرافات شفاطه (انا اسميها شفاطه) ..
يعني تكون مثل اللي بالسعوديه تحط بطاقتك وتدخل داخل .. فيه صرافات فيها نظام السواب .. يعني تحط بطاقتك وتسحبها .. وتكمل العمليه والبطاقه بجيبك ! استخدم هالصرافات حتى ماتشفط بطاقتك الصرافه مثل ماشفطت بطاقتي ونكبت عفشي !
الله يفرج همك ويسهل امرك ...