فيزا الأهلي مسبقة الدفع والاسم مطبوع ،،، تمشي في امريكا ولا لا ؟

شوف تقدر تستخدمها عادي بالمشتريات .. لكن كسحب ماسبق وجربتها .. لكن تقدر تسحب ببطاقة الصرافه حقت الاهلي عادي ..
بس اذا انت عندك مبلغ في حسابك يعني قول فوق الـ 2000 دولار .. تقدر تستخدم خدمة الاهلي QuickPay وتحولها باسمك على امريكا ..
بس لازم تدخل بياناتك الخاصه عندهم عن طريق التلفون او النت .. وبعدها تحولها ويعطونك رقم الحواله تروح تدور على اقرب محل فيه خدمة الـ MoneyGram ..
وتسحبها .. ومحلات الموني قرام بامريكا كثيره ... عادة تلاقيها بالمحلات اللي تصرف الشيكات والموني اوردر وطقتها ..

تمشي
انا معاي الاهلي مسبق الدفع
وانصحك تخلي في مبلغ لانك بتحتاجه ببعض الفنادق ما يقبلون كاش.

تمشي في أماكن و أماكن ما تمشي <<< بخصوص المشتريات

و السحب شغالة

شباب أحتاج تأكدوا لي هالشي :

انا ممكن اودع فيها تقريبا مبلغ وقدره 3000 دولار

بمجرد وصولي هناك راح افتح حساب في بنك اوف اميركا

هل أقدر اسحب المبلغ كامل ؟ او الموظف يحوله لي ؟ او اسحبه دفعات ؟ او كيف ؟

هل اقدر استخدمها في السحب من مكائن الصرف ، الاسواق ، الفنادق

لاتودع فيها ..
اذا الـ 3000 دولار هذي هي راس مالك اللي تبي تروح فيه لامريكا .. اسحبها من حسابك وحولها من عند العمودي الى دولارات ..
وخذها معك كاش لامريكا .. وخلها كلها لارج بيلز يعني كلها ميات اوراق ...
بس اصرف ميتين منها خلها عشرينات .. هذي حق الرحله .. واول ماتوصل امريكا افتح لك حساب في بانك اوف امريكا واللي يفتحه لك وانت واقف .. وتستلم بطاقة مؤقته فيه ..
راح يسألك كم تبي تودع بحسابك .. علمه بالمبلغ اللي بتودعه بحسابك .. (طبعا هو المبلغ اللي كله ميات) .. اما اللي صرفتها عشرينات خلها معك (الفكه) .. هذي راح تحتاجها بالتكاسي وغيره ..

ولا تحتاج كل هالزحمه ..

انا في بالي انك تبي تحول مبلغ فوق الـ 5000 دولار .. يعني كايد شوي .. بس مادام الوضع كذا سو اللي قلت لك عليه ولا عليك خلاف باذن الله ..
ومستقبلا لو عندك حوالات استخدم البنك الاهلي QuickPay روح دق عليهم اسألهم وشلون طريقتها وكيف وتعلم واعرفلها .. لانها بتنفعك باذن الله بالحوالات الكبيره ..
او استخدم الحوالات الدوليه بين حساب الاهلي وبانك اوف امريكا .. اربط الحسابين بالنت .. وراح تكون فيها عموله بسيطه للبنكين .. لكن راح تاخذ ثلاث الى خمس ايام عمل علشان توصل بالحساب الامريكي ..


هذا والله اعلم ...

1ok

اخي

انا مستحيل اخذ مبلغ معايه الا شي بسيط زي ماقلت حق ابو 200 ولا 300 دولار ويكون مصروف اما باقي الدراهم بحطها في الفيزا واذا فتحت الحساب الامريكي بحولها له

هذي اللي انا مقرره

الان محاتجك وباقي الاخوه تعلموني عن هالشياء اللي ذكرتها في مشاركتي الساابقه

سؤالك في السطر الأخير جاوبت عليه

موضوع السحب كامل أو دفعات ما عندي فكرة

أنا أقول خليهم في الحساب الجاري .. و إذا فتحت حساب في بنك أمريكي حولهم بالنت من حسابك السعودي إلى الأمريكي

يمكن ياخذون على العملية 100 ريال و ياخذ التحويل ثلاثة أيام

أنا جربتها من سامبا إلى The Bank of America

شوف يالغالي



نصيحة حط في بطاقة الالي مسبقة الدفع ٥٠٠ دولار فقط
والباقي خله في الحساب العادي واسحب عن طريقة البطاقة العادية
الماستر كارد والفيزا أفضل للمشتريات فقط وياخذون عليك رسوم على السحب
بطاقة الحساب تقدر تسحب فيها هنا يومياً ٨٠٠ دولار

بالتوفيق

ههههههه اجل لو عرفت كم اخذت معي كاش اول ماجيت امريكا يمكن تنصدم ...
انا جيت امريكا ومعي مايقارب الـ 5000 دولار كاش .. < باع اللي وراه ودونه قبل يجي ..
وكنت شاري حزام حاط فيه الفلوس والجوازات ...
وكان في محفظتي مايقارب الالف دولار من المبلغ اللي معي .. حاطها لحالها بالمحفظه لانها هي اللي كنت اصرف منها ...
ولا ما استخدمت من هالالف الا مايقارب الـ 200 دولار صرفية مطاعم وتكاسي لما وصلت ...

وبعد ماوصلت بكم يوم رحت وفتحت حساب وحطيت المبلغ بحسابي .!

يارجال والله انا مثلك يوم جيت اروح كنت ماعرف وش اسوي ومتخوف من سالفة الفلوس وكيف احول ووش اسوي ..
كنت على حسابي واكثر شي مخوفني كان مصروف الجامعه .. علشان كذا جيت بنص المبلغ معي كاش .. والنص الباقي حولته عن طريق الحوالات الدوليه ..


لكن انا اقولك من باب تجربه .. لاتجازف وتحط المبلغ كله بالماستركارد .. لان مو كل المحلات تمشيها لك احيانا تدقر كذا بدون سبب يذكر ..
فانت خذ المبلغ اللي تشوفه مناسب لك معك كاش وخل الباقي بحسابك .. وحط المبلغ اللي بتصرف منه في محفظتك والمبلغ الثاني خله معك في محفظه خاصه ..
يعني من باب الحرص .. مثل ما كنت انا مسوي .. كنت حاط المبلغ بالحزام داخل سحاب .. والمبلغ اللي اصرف منه حاطه بمحفظتي الثانيه اللي فيها بطااقاتي ..


عموما انا بس اعطيتك اللي عندي من باب تجربة وفائده ياغالي ..

عسا الله يسهل لك امرك وويسر لك دربك ..