تجربتي في السفارة الأمريكية اليوم .. الموضوع بسيييييط
طبعا هالموضوع بيفيد الطلاب المبتعثين على برنامج الملك اما غيرهم مدري وش ظروفهم ولا احد يسألني عن موضوعات شخصية لان حتى الردود يمكن ما ارد >> واحد عجااز ونفسه شينه هههههه
الشي الثاني انا بلحالي وبتكلم عن الي وضعه طبيعي ماعنده مشاكل ، واحد مخلص اوراقه ويبي تأشيره
اول ما خلصت النماذج DS160 وسددت رسوم سيفس ( قد سددت رسوم السفارة من مبطي) رحت لموقع السفارة علشان احجز موعد ، وسددت رسوم الموعد وحددته عقب تعبئة بياناتي بيومين علطول ، وحجزت الموعد الساعة 8 ( افضل كثير انك تاخذ موعد بدري الصبح منها زحمة السيارات وتلقى مواقف وتجي على راحتك) وطبعت الموعد وكل شيء
الاوراق الي لازم تجيبها :
I20 اصلي
وصفحة DS160 الي فيها الباركود وخششيتك طالعه ( ما يفرق ملون او ابيض واسود)
وسجل درجات اخر مرحلة دراسية ( لو صورة تكفي)
وصورة الجواز ( احتياطا)
وايصال سامبا الاصلي
وصورة الضمان المالي حق الوزارة
ايصال سداد السيفس
وايصال سداد المقابلة
وصورة موعد المقابلة
طبعا فيه ناس تقول جيبوا صور 5 ×5 ، بس الصراحة ما نشدوا عنها ولا جابوا خبرها ، بس احتياطا جبها ما يضر وهي بتنفعك عقب في امريكا
المهم رحت للسفارة وكان احس طريق الي هو مخرج عبدالله حذافه السهمي ، تدخل معه ثم تمشي سييييده تتعدى دوارين او ثلاثة المهم في اخر الشارع بتجيك صبات ( السفارة وراها على اليسار) .. خذ يسار بتجيك سفارة تركيا وجنبها مواقف لبق وانزل .. اذا سيارتك وصخة فيه عمال تغسل بس لا تعطيه الا 10 اريل تراه بيقول لك شوي بس ما عليك يكفيهم ، (ميزه انك تجي بدري تلقى هالمواقف متاحة )
تروح للسفارة بتلقى فيه سرا ناس مواعيدهم 7.30 .. انا تكيت لين الساعة 7.50 وصفيت السرا معهم ... المهم فيه شباك بالنص تروح له بتلقى فيه وحده طخمه لبنانية تستلم الاوراق (الزملاء الي يبون ينكرون المنكر ويقولون لها تغطي يا اختاه ترى مهب وقققققته يالحبيب لاتنكب الخلق الي معك)
الاوراق الي تعطيها الشباك الاول: الجواز + ايصال سامبا الاصلي + ورقة الموعد + DS160 ... عاد بتاخذ ورقة DS160 وبتصفطه داخل الجواز .. خذه زي ماهو يا الملقوف ولا تحورف فيه ( ترى له سنع بتعرف عقب) وبترجع لك بقية الاوراق
الشباك الي جنبه تجدع عندهم جوالاتك + ايبود + مفاتيح السيارة الي لها بطارية او ريموت + اي شي تقني معك ... بيحطها بكيس بني ويسلمه لك .. يالملقوف لا تفتحه والا تحورف فيه خله معك وانتظر عند الباب
فيه بابين : باب مكتوب مدخل ، والثاني ممنوع الدخول ، هم مخلين الباب الي مكتوب عليه مدخل للحريم ، والي ممنوع الدخول للرجال ، ولا تقدر تدخل .. تنطق برا ليما يفتحون لك الباب ويقولون خش يا كتكوت
تدخل وتحط في العلبة اوراقك كاملة والي في جيوبك تنفضه ( نصيحة الظرفاء الي يجون ببدلات ويعني اني امريكااان يجون بثياب ازين واخف ما فيه لا حزام ولا قروشه)
تدخل اوراقك بجوالاتك الي بالكيس وكل عفشك على السير ، وتمشي واثق الخطوة من البوابة المعدنية ... تستلم عفشك الا الكيسة البنية الي فيها جوالاتك فيها ورقة حمرا بيقطع جزء وبيسلمه لك ( حافظ عليييه ماراح تستلم جوالاتك الا به)
والكيسة بيقول لك دخلها في الشباك الي وراك
ثم ظف عفشك واوراقك وبوكك لبرا بتلقى طاولة ترتب عليه عفشك ... اذا رتبت امورك رح يسار بتشوف لوحة تدلك على المبنى ، بتلقى عسكري كنه فلبينو معه سلاح لا تستظرف عليه ولا تسلم ولا شيء دز للسفارة
الباب حق السفارة ثقيييل تتمصع وانت تسحبه .. اول ما تدخل بيجيك الكاونتر بيقولون لك اجلس علشان نمشي الي قبلك ... وش تعطيهم ؟!
تعطيهم الجواز + DS160 الي مصفط جواته ( عرفت ان له سنع يالملقوف ههههه )
بيشيك ثمن بيطبع لك ورقة وبيلزقها على الجواز .. وبيعطيك رقم الانتظار ( رقم الانتظار ذا تحافظ عليه لانه هو رقم تسليم الملف ونفسه رقم المقابلة
تروح في الممر بيجيك اول مكتب على اليمين فيه ثلاث مكاتب ارقامها 1 2 3 ، ويفضل تجلس فيها وتتابع رقمك في الشاشه الحمراء الي تبين لك تسلسل الأرقام ، طبعا المكاتب الي من 4 الى 8 في الصالة الي جنبهم .. اول ما يطلع الرقم تروح لهم ، بس يفضل تجلس بهالغرفة وتشوف التلفزيون مشغلين لك فلم السفير يطلع فيه ويهلي ويرحب بك ويعلمونك الاجراءات الي تسويها
اذا طلع رقمك تروح للشباك تعطيها : I20 الاصل + DS160 + الجواز + الضمان البنكي حق الوزارة + السجل الاكاديمي حق اخر مرحلة بالانجليزي طبعا + ايصال سامبا ( وقالت لي اكتب ايميلك وجوالك عليه ، فيفضل انك تكتب ايميلك وجوالك عليه من قبل علشان الوقت والا ترى ما يضر)
المهم بتسألك وتقول : هل سافرت لأمريكا من قبل يا ضيف الرحمان >> ضيف الرحمان من عندي هههههههه
عقب هالاجراءات بتقول لك التبصيم
وطريقته هو:
اليد اليسرى ، الاربع اصابع جنب بعض بدون الابهام ( الاصبع الدبي) ، ويفترض انك تنفخ هوا على الاصابع مهب تتفل عليها يا الوصخ لا بس هوا ، ثم حطها على الشاشه ورص على كل الاصابع باصابع يدك الثانية بتشوف على نفس الجهاز حق البصمة 4 لمبات صفرا تنور .. الاصبع الي لمبته الصفرى ما نورت معناته ما لقطوه مضبوط ، فادعس عليه باصابعك الثانية بقوة ليما يطلع صوت وتقول لك خلاص
اليد اليمنى نفس الطريقة
همن الابهامين جنب بعض
وعلى كذا تخلص
بتروح هي وتحط عفش في كيس بلاستك وتاخذه معك ( يفضل تطلع DS160 من الكيس ما يحتاجونه في المقابلة بس بتحتاجه تعطي فيدكس علشان ارسال الجواز ، فاذا حطته بالكيس انت اسحبه عقب)
تروح عاد تطلع من هالغرفة وتجلس في الغرفة الكبيرة الي جنبهم والي فيها درايش 4 - 8 ، وفيه من 9 إلى 13 الظاهر ..
9 -13 هذي حقت المقابلة الشخصية
فيه وحده تنادي على الارقام ( الي هي نفس رقمك الي رحت للشباك من شوي ، هماي اقول لك حافظ على رقمك )
بتضطر تنطق شوي على حسب الزحمة همن تروح للقنصل او حق المقابلة
سلم عليه وخله يحاكيك عربي اذا ما تعرف هم في الغالب يسألونك قبل ، بس لا تصير تمون مررره وتنشد عن احواله ، خلك رسمي ، ومبتسم
عطه كل الاوراق الي بالكيسة البلاستك ، وبيسألك اسئلة من مثل: رحت امريكا قبل ؟ وش الدول الي سافرت لها أخر 5 سنين ، وش بتدرس هناك ؟ ، في اي ولاية بتجلس ( وممكن يسألك ليش خذت هالولاية)
اهم شي خلك مجهز الاجابات في راسك ، وتكلم وانت واثق ومبتسم
شوي بيطقطق على الجهاز ويرجع اوراقك ويقول لك : خلاص يالذيب فيزتك مقبولة وما شفنا منك الا كل خير >>> لا لا الصدق بيقول لك الفيزا مقبولة وعلى حسب بعضهم يقول لك المدة كم ، وفي المجمل بيقول لك اسبوعين او ثلاثة ، وممكن تخلص عقب
اذا خلصت من هالشباك تفك سبرنت جااامد لفيدكس ، وانت معك ورقة DS160 تروح تعبي اسمك وجوالك وتوقع ، يفضل تكتبه بالانجليزي وجوالين احتياطا اذا كانوا لك
وتنق له 65 ريال وبيعطيك الايصال
وبكذا يا شنب تكون خلصت كلش
تطلع مع بوابة الخروج تروح للشباك الاول الي جيت له في البداية ( انت بتقدم على الشباك الي في النص وبتحط جوالاتك في الشباك الي على اليمين ، لا هذا اول شباك الي على اليسار) وبتعطيهم الكرت الاحمر حق الظرف ثم يرجع لك جوالاتك
وتكون بكذا خلصت كل اجراءاتك
ونصيحة ماعليكم من أحد والي يخوفكم والي يقول رعب ومدري وشو
الامور ممتازة وبسيطة ، واهم شيء مجهز كل اوراقك من قبل ومتأكد من البيانات الي معبيها
ودرب السلامة
رد: تجربتي في السفارة الأمريكية اليوم .. الموضوع بسيييييط
لازم i20 اصلي؟؟؟؟
في ناس قالوا عادي صورة او سكان من الاصلي
رد: تجربتي في السفارة الأمريكية اليوم .. الموضوع بسيييييط
اقتباس:
المشاركة الأصلية كتبت بواسطة R.a.q
لازم i20 اصلي؟؟؟؟
في ناس قالوا عادي صورة او سكان من الاصلي
طيب يا أختي، قولي له شكراً على الموضوع في البداية، وبعدين اسألي عن اللي تبين.
عز الله لو أنا مكانه، راح أراهن على يديني بالقطع إذا كتبت موضوع ثاني، إذا كانت هذي طبيعة الردود!
فيه بعض بنات فاهمة الرسمية مع الشاب السعودي خطأ
أنا بنفسي ألاحظ في المنتدى خصوصا في تجمع اللغويات أحياناً أتعب في الرد على بعض البنات
تجي مباشرة بعد الرد تسأل سؤال ثاني، بدون حتى كلمة "شكراً" على خطبة الجمعة اللي أنا كاتبها
وكأني أنا Google، وهذي للأسف مو رسمية، هذي لها اسم ثاني ما دوي أقوله وتزعلين.
المهم:
يا صاحب الموضوع ألف شكر لك عل جهدك، والإخوان والأخوات اللي للآن ما سافروا أكيد راح يستفيدون من موضوعك.
أما بالنسبة لسؤالك أختي حول الآي توني الأصل، حسب الموظف اللي ينسق لك الأوراق
أذكر أني لما طلعت فيزا، كان زميلي اللي طلعها قبلي بيومين جايب معه صورة فقط، ومشت الآمور ما طلبوا الأصل
ولما جيت أنا أطلع فيزا، ترددت وقلت وش يضرك خذ الأصل معك، وفعلاً قدمت له صورة قال لي ما تكفي وين الأصل؟
تحياتي،،،
رد: تجربتي في السفارة الأمريكية اليوم .. الموضوع بسيييييط
يعطيك العافيه موضوع قيم وصياغه موفقه
رد: تجربتي في السفارة الأمريكية اليوم .. الموضوع بسيييييط
الحمد لله ان المكتب بيضبط ذي كلها لي !!!
اعوووووووووووووذ بالله !! ستين لفة !!
رد: تجربتي في السفارة الأمريكية اليوم .. الموضوع بسيييييط
اقتباس:
المشاركة الأصلية كتبت بواسطة R.a.q
لازم i20 اصلي؟؟؟؟
في ناس قالوا عادي صورة او سكان من الاصلي
الي اعرفه انه لازم أصلي ، وهو الي ينرسل لك بالبريد من نفس المعهد
واليوم سألتهم وقلت عندي كوبي له قالت لاااا نبي الاصلي
- - - مشاركة محدثة - - -
اقتباس:
المشاركة الأصلية كتبت بواسطة ابن بيت آل هليلة
طيب يا أختي، قولي له شكراً على الموضوع في البداية، وبعدين اسألي عن اللي تبين.
عز الله لو أنا مكانه، راح أراهن على يديني بالقطع إذا كتبت موضوع ثاني، إذا كانت هذي طبيعة الردود!
فيه بعض بنات فاهمة الرسمية مع الشاب السعودي خطأ
أنا بنفسي ألاحظ في المنتدى خصوصا في تجمع اللغويات أحياناً أتعب في الرد على بعض البنات
تجي مباشرة بعد الرد تسأل سؤال ثاني، بدون حتى كلمة "شكراً" على خطبة الجمعة اللي أنا كاتبها
وكأني أنا Google، وهذي للأسف مو رسمية، هذي لها اسم ثاني ما دوي أقوله وتزعلين.
المهم:
يا صاحب الموضوع ألف شكر لك عل جهدك، والإخوان والأخوات اللي للآن ما سافروا أكيد راح يستفيدون من موضوعك.
أما بالنسبة لسؤالك أختي حول الآي توني الأصل، حسب الموظف اللي ينسق لك الأوراق
أذكر أني لما طلعت فيزا، كان زميلي اللي طلعها قبلي بيومين جايب معه صورة فقط، ومشت الآمور ما طلبوا الأصل
ولما جيت أنا أطلع فيزا، ترددت وقلت وش يضرك خذ الأصل معك، وفعلاً قدمت له صورة قال لي ما تكفي وين الأصل؟
تحياتي،،،
الله يرحم والديك عن النار على هالتعزيز الطيب ورفع المعنويات ههههههه واشوى اني باخص المنتدى وكاتب باول الموضوع منيب راد ههههه
وأؤكد على كلامك أن العادة في I20 هو الأصل ، وفي موقع السفارة يكتبونك تعهد أن معك I20
رد: تجربتي في السفارة الأمريكية اليوم .. الموضوع بسيييييط
ماشالله شرح وافي وواضح
شكراً
ماأقول إلا الله يعيين اهل سياتل على هبالك :gap:
رد: تجربتي في السفارة الأمريكية اليوم .. الموضوع بسيييييط
آلله يعطيكـ ألف عـــآفيه .. تعجبني آلموآضيع أللي مثل موضوعكـ لأنهآ تجي بوقتهآ وتفيـــد كثير غيركـ ..
وشوف كم دعوهـ في صآلحكـ بتجيكـ ..
يآخي وآلله إنت كفووووو ..
إذآ عني حفظت آلموضوع بآلمفضلــــه ..
وتسلم الإيدين .. وربي يحميكـ ويخلي لكـ وآلديكـ .. إن كآنوآ من الأحيآء .. ويغفر لهم إذآ هم عند رب آلعآلمين ..
رد: تجربتي في السفارة الأمريكية اليوم .. الموضوع بسيييييط
انا عطيتهم نسخة من الايتوني والاصلي عندي ..
و سالتهم تبون الاصلي قالو لا مايحتاج
رد: تجربتي في السفارة الأمريكية اليوم .. الموضوع بسيييييط
الله جزاك خير ,,
جا بوقته ..
إذآ عني حفظت آلموضوع بآلمفضلــــه ..1+