الشهادة البنكية بالتفصيل ؟
السلام عليكم
انا الحين بأطلع شهادة بنكية من بنك الراجحي اللي يعرف اي شيء اطلبه منهم عشان تكون كامله الشهادة يفيدني .
عادي اطلع شهادة وحده ومختمه واصورها انا متى ما بغيت ؟
وهل الشهادة لها تاريخ انتهاء مثلا ؟
لازم تكون موجه لجهة معينة (معهد-جامعة-سفارة) ؟
ولا وحده تكفي اصورها وبس ؟
في الانتظار
:)
رد: الشهادة البنكية بالتفصيل ؟
الشهادة البنكية
اذا وافق الموظف خلها مكتوب الى من يهمة الأمر
بس بعض البنوك يقول لك لا لازم تكتب الى جهة معينة
عموماً بما انك رايح لهم خل الشهادة البنكية موجهة للمعهد اللي تبي تقدم عليه ووحدة ثانية للجامعة اللي تبي تقدم عليها
اما التاريخ بعض الجامعات والمعاهد يطلب ان الشهادة البنكية مايكون مضى عليها أكثر من ٣ اشهر ويختلف هالشئ من معهد لآخر
بالتوفيق
رد: الشهادة البنكية بالتفصيل ؟
اقتباس:
المشاركة الأصلية كتبت بواسطة كنت أحبك
الشهادة البنكية
اذا وافق الموظف خلها مكتوب الى من يهمة الأمر
بس بعض البنوك يقول لك لا لازم تكتب الى جهة معينة
عموماً بما انك رايح لهم خل الشهادة البنكية موجهة للمعهد اللي تبي تقدم عليه ووحدة ثانية للجامعة اللي تبي تقدم عليها
اما التاريخ بعض الجامعات والمعاهد يطلب ان الشهادة البنكية مايكون مضى عليها أكثر من ٣ اشهر ويختلف هالشئ من معهد لآخر
بالتوفيق
الله يجزاك خير والله انك ما قصرت في كل مكان احصل رد منك ,
انا بقدم على اريزونا ستيت والمعهد التابع لها مثل ما نصحتني أنت ^^
تقدر تفيدني بمسألة تصوير الشهادة البنكية ؟
والمعهد والجامعة كيف اقدم على لان اول ما اخذ الشهادة بأقدم عليها اليوم ان شاءالله
رد: الشهادة البنكية بالتفصيل ؟
دامك بتقدم على جامعه اريزونا
اطلب الشهادة باسم جامعة اريزونا
Arizona State University
نفس الشهادة تقدم فيها على المعهد والجامعه
لان المعهد تابع للجامعة
طبعاً الشهادة بالأنقلش مو بالعربي
بعد ماتطلع الشهادة تسوي له سكان وترسلها مع ابلكيشن المعهد بعد ماتعبية وصورة جوازك وآخر شهادة دراسية على ايميل المعهد
اما الجامعة بعد ماتعبي الابلكيشن حقهم ترسل لهم الاوراق عن طريق البريد وهي شهادات الثانوية كلها ومعهم الشهادة البنكية
بالتوفيق
رد: الشهادة البنكية بالتفصيل ؟
اسمع مني يالغالي
بنك الراجحي يعطيك على حسب طلبك تبغاها موجهة لجهة معينة أو الى من يهمه الأمر
وكذلك يعطيك شهادتين او ثلاث على طلبك بس يسحبوا عليك رسوم 50 ريال لكل شهادة
أنا من رأيي إنك تخلي وحدة موجهة للمعهد أو الجامعة اللي تبغاها بشرط إنك حددت وتأكدت إنها غير مقفلة او متكدسة
والشهادة الثانية إلى من يهمه الأمر
تحياتي لك ولاتنساني من الدعاء
رد: الشهادة البنكية بالتفصيل ؟
اطلب شهادة بنكية باللغة الإنجليزية و بالدولار الأمريكي
أحضر معك جواز السفر و تأكد من تعبئة الاسم بالضبط في نموذج الطلب
أطلبها بدون توجيه ، و هم لهم صيغة و ما يحتاج تعلمهم ، المهم أنك تقول له أبيها غير موجهة و باللغة الإنجليزية و بالدولار الأمريكي
هم راح يعطونك بالريال السعودي و بما يعادله من الدولار الأمريكي ، و يعطونك بحسب الرصيد بالأمس ، يعني اليوم اللي قبل الطلب ، فانتبه !
إذا كنت عميل تميز ، فلن يطلبوا منك رسوم . اسأل هل أنت عميل تميز أم لا . أنا عرفت بالصدفة أني عميل تميز و بعد سنين . و السبب اني أخذت تمويل شراء سيارة بمبلغ 60 ألف ريال تقريبا من سنين بعيدة .
أحيانا يعطيك إياها بعد فترة نصف ساعة ، و أحيانا يقول لك تعال بعد الظهر . يبدو لي بحسب زحمة الأعمال .
وين تطلب ؟
رح لكاونتر الاستقبال ، و اطلب . يبي ياخذ منك الجواز و يصوره . و صورة البطاقة . و يعطيك نموذج لتعبئته .
الجواز يكون للمرة الأولى ، فإذا سجل الطلب ، فهذا راح يتسجل في النظام و بالتالي ما يحتاج في المرة الثانية إذا احتجت شهادة تعطيهم الجواز .
اطلب العدد اللي تبي ، بس اعتقد بالحد المعقول . لكن كله على حسابك إذا ما انت عميل تميز . مردي الرسم 50 أم 25 ، اسأل .
آسف على عدم الترتيب في الرد
و السلام عليكم
رد: الشهادة البنكية بالتفصيل ؟
الله يجزاكم خير جميعا
ما قصرتوا الله يوفقكم
شككككككرا