عرض للطباعة
السلام عليكم
ياشباب وصبايا والله تقطع شعر راسي وشيبت من التفكير
كلنا نعرف ومن الشباب اللي رجعوا ولا لقوا وظايف ولا توظفوا مع ناس خريجين ثنوي
وحصلت لي وظيفة حكومية "نسبة اني اتوظف فيها 80% وفوق" وعلى المرتبة السادسه "ما شاء الله"
فمحتار هل الوظيفة الحكومية واطور من نفسي بدورات وانتساب ولا اكمل بس
"يبيلي 3 سنوات واخلص وبقي في بعثتي سنتين"
علما بأني متزوج والحمدلله فياليت تنصحوني
والله يوفقنا وياكم ويكتب اللي فيه الخير لنا ولكم ياااارب
وعليكمم السلام ورحمة الله وبركاتهاقتباس:
المشاركة الأصلية كتبت بواسطة الله يعين بس
اخي الكريم ، راح يجيك كثير من المبتعثين الغير متزوجين وراح يقولك وجهة نظر انسان لايعرف مامعنى المسئولية ( اكمل الابتعاث ولاحق على الوظيفة )
لكن انت عندك زوجة وقريبا اطفال باذن الله ، هل فكرت كيف راح تفيدهم البعثه ؟ هل فكرت كيف راح تصرف عليهم ؟ هل ضامن انك راح تحصل على الماجستير وماتواجهك ظروف ثم ترجع وتخسر كلتا الخيارات !! كلنا نعلم ان الرزق بيد الله ولكن الواحد يجب عليه فعل الاسباب ومن ذلك الاسباب الحصول على الفرص الثمينة مثل الوظيفة ، لذلك اخي الكريم انصحك كوني مثلك متزوج وعارف معاناة المسؤلية والارتباط والصرف الي ماينتهي ، انتبه ياخي الكريم ، والله ماراح تنفعك البعثه الا في سالفة اللغة الانجليزية اما غير ذلك فابتعد عنها ، وايضا تستطيع الحصول على البعثه بعد خدمة عمل بفترة معينه وتكون ضامن الوظيفة والبعثه باذن الله ..
استخر واتمنى ماتخاطر بحياتك وحياة عائلتك لاجل ابتعاث ..
الله يوفقك يارب
اولاً عليك بصلاة الأستخارة وكثر منها
ثانياً انا اشوف انك تكمل اذا انت متحمس ومرتاح ولديك القدره وفي الأول والأخير القرار بيدك
اتفق مع كلام الاخ اللي رد عليك بـ الاول قلبا و قالبا
انت عندك مسؤليات و التزامات و اساسا خرجتك من البلد كلها عشان ترجع و تلاقي وظيفة عدلة
وانت جاتك لـ حدك وظيفة حكومية يعني ان شاء الله ثابت فيها الين ما تتقاعد و تبغى تتركها !!!!!!!!
تقدر اساسا تاخذ تفرغ من العمل تبعك و تكمل بعثة تقدر تدرس انتساب او عن بعد تقدر تكمل كورسات في نفس مجالك
يعني لو همك التعلم و تطوير النفس تقدر تسوي هـ الشيء بـ اكثر من طريقة
و في النهاية انت اتزوجت بنت الناس عشان تعزها و تكرمها مثل ما كان ابوها مكرمها مو عشان تشحططها !! وهيه ما قصرت صبرت عليك
هـ الكم سنة فـ جاتك الفرصة انه تعوضها
استخير ربك و فكر في كلامنا كويس و سوي اللي يناسبك
في النهاية انت ادرى بـ ظروفك مننا
اخوي صلي الاستخاره وتوكل علي الله
انا تركت وظيفة حكومية في القطاع العسكري واتجهة للمرافقة زوجتي وناوي اكمل الدراسه
اهم شئ اتخذ القرار الصحيح ولاتندم وبالتوفيق لك
اهم شيء ياخوي الاستخارة والله يكتب لك الخير وين ماكان
ههههههه ضحكتني , واتمنى تقرآ ردي بشفافية وبروح رياضية ,,
اولا اعجبتني ( ما شاء الله ) بعد كلمة ( المرتبة السادسة ) ,, وكانها المرتبة الممتازة < مجرد مداعبة
اخوي الكريم ..
اذا كان طموحك المرتبة السادسة , فدعك من هم وعنا الدراسة واذهب لذلك الكرسي , واهلا بالبواسير " آسف على الوصف "
انت تعلم اكثر مني بأن الترقيات والتطوير في القطاع الحكومي ( مثل القطارة ) يعني عشان نشوفك ان شاء الله في المرتبة السابعة , حيكون ولدك ان شاء الله يفكر بالبعثة :)
غير كذا انت في منتصف الطريق , حتى ولو تبقى من بعثتك سنتين والمتبقي لأنجاز الشهادة الي تدرس في طياتها 3 سنوات , بأمكانك تشد على نفسك شوي و تختصر المتبقي لك في نطاق سنوات البعثة المتبقية ,
واعتقد في السنتين القادمة فيه فصلين صيفية وغيرها من الحلول الي تساعدك تخلص ..
وحتى وإن اضطررت لدراسة سنة خارج البعثة , حتتمكن منها ان شاء الله بأي حل , ما عتقد تقف الدنيا على هذه السنة ,,
غير كذا , انت ما شاء الله ضامن الوظيفة 80% , ليه ماتخر ضمانها لبعد تخرجك وتكون 100% وممكن تكون في مرتبة اعلى من السادسة !!
وغير كذا فيه 30% احتمال انك ماتحصل على الوظيفة !! فلوا فرضنا انك لم تحصل عليها , ( ماذا استفدت يَ بطل !؟ )
ولو كملت انتساب !! هل هناك وجهمقارنة بين خريج امريكا في تخصص ادارة الاعمال وبين خريج ادارة اعمال فرضا انتساب ! ( اعتقد لا )
البركة ياخوي في العلم والتجربة ولقمة العيش سهلة والحمد لله بس حنا ماندور عليها !!
, والدنيا ياخوك ماهي طايرة ولا هي فانية , والرزق بيد الله عز وجل , وانت اسعى وخليك يَ سيدي ( عاطل بشهادة ) ولا ( عاطل بدون شهادة )
ع الاقل تكون في عين نفسك ذو قيمة ,, وصدقني لما ترجع ان شاء الله راح تلقى مجالات كثيرة امامك خصوصا في القطاع الخاص ! وبرواتب اعلى من راتب موظف حكومي في المرتبة السادسة
والي يقول لك مافيه وظائف كذاب ,, لكن هي النفس ومبتغاها , نبي الراحة والكرسي الدوار ومانبي ننتج ابدا ,, نبي نكون عالة على انفسنا وعلى غيرنا ,
اخيرا , الاستخارة هي الحل الاخير ..
الله يعطيكم الف عافية على الردود وان شاء الله اني راح اترك البعثة اذا ضمنت الوظيفة
اخوي باسم كلامك صحيح ولكن بالنهايه انا مبتعث اجيب شهادة لأتوظف فيها والراتب في هذي الوظيفه الحمدلله بيكون مكفي وزيادة "يوصل 10 الاف"
وطبعا انا خريج التقنيه يعني اقدر اقول معي ربع شهاده هههههههه
تمنياتي لك بالتوفيق
من ناحيتي : حصلت لي وظيفة مترجم بوزارة الصحة ولا بعد بالديرة جمب بيتنا 200 متر راتب حوالي 9000
والله واستخرت ولا ارتحت لها ، وعزمت على الابتعاث لاستكمال الدراسة
فأنت استخر ثم استخر ثم استخر
وعزم على أي شيء وخربها ولا تتردد ، ولا على مايقول الكفار "look 4 a sign "