مشكلتين أتمنى منكم المساعدة !!!!

السلام عليكم جميعا

أخواني أبا عندي مشكلتين الأولى أنه حسابي البنكي مو راضيه الملحقية تقبله ماني عارفه وين المشكلة
الشيك كتوب عليه ملغي و رقم الحساب مضبوط يعطوني السبب التالي :
We do not accept blank check or handwritten name on the check
.Please provide check that has your information printed from the bank or direct deposit letter

المشكلة الثاني أني بنقل من معهدي ارسلت للمشرف قالي جيبي تقرير درجات
و أنا عندي بس درجتي اللي فيها نتيج اختباري أول ما وصلت للمعهد
و جيت قبول من المعهد الثاني و عبيت وقت نقل من معهدي للمعهد الثاني
و كاتب لي المشرف أني لازم اكتب تعهد و مع هذا كله كاتب ترا مو أكيد نوافق
التعهد لازم عليه توقيعي لأن ماعندي طابعه أو سكانر

وش السواة أخاف أني طلعت من هذا المعهد و ما احصل هذاك و الله أني مرعوبة الآن
أتمنى منكم المساعدة بأسرع وقت ممكن
و اللي يرد لي أتمنى يكون متأكد من الطريقة
جزاكم الله خير و الله ما بنساكم من دعائي

وعليكم السلام ورحمة الله وبركاته ..

بالنسبه للمشكلة الاولى .. فالظاهر ان معلوماتك على الشيك مكتوبه بخط اليد .. وهذا خطأ ..
الشيك المصدر من البنك لابد يكون فيه معلوماتك مطبوعه كمبيوتر على الشيك .. الشي الوحيد اللي يمكن ان يكون مكتوب بخط اليد اللي كلمة " VOID " او ملغي ..

اذا كان الشيكات اللي عندك ماعليها معلوماتك "واللي عادة تلاقينها في الزاويه اليسرى العلوية من الشيك".. فاطلبي من البنك انه يصدر لك دفتر شيكات .. او اطلبي منهم انهم يصدرون لك شيك ملغي ..


اما بالنسبه لمشكلتك الثانيه .. فالتعهد اللي راح تكتبينه اذا كان على مسألة النقل .. فهذا عادي ..
هم يعطون الطالب فرصة نقل واحده للمعهد .. والتعهد ماهو الا بس اجرائات ..
وياخذون من الطلاب تعهد في حالة النقل من معهد الى معهد .. بانهم يثبتون بالمعهد الثاني لحتى يخلصون من دراسته ..

انتي توكلي على الله وعبيها .. وعلمي المشرف بوضعك وراح يقدر يفيدك اكثر بهالامور ويساعدك على حل المشكله ..