باقي على السفر لأمريكا ثلاث ايام بس ثلاث اسئلة في غاية الاهمية

1. Lufthansa ® - Free baggage allowance for tickets issued with effect from 1 June 2012

هذه اذا كانت لوفتانزا

أقتبس

2. أنا رحلتي الاولى رحت بمبلغ 15 الف كاش (حولتها لدولارات طبعا). أنصحك تاخذها كاش و اول ما توصل تفتح حساب بنكي و تحطها فيه.

3. انا في رحلتي الاولى كانت عندي موبايلي شحن و خليتها تجوال و شحنتها ب 200 ريال. وكنت استخدمها في امريكا لين ما طلعت رقم جديد. ايه كانت تسقبل رسائل و مكالمات.


ان شاء الله جاوبت عليى اسئلتك، و أنا بعد رحلتي بعد 3 ايام على لوفتانزا. يوم الاثنين الفجر. معي في هالرحلة أنت ولا؟ :P

السوال الاول : تقدر تشحن شنطه وتقدر تشحن شنطتين اذا كانت شنطه وحده الوزن هو 32 اما اذا كانت شنطتين كل وحده تكون 23 او اقل وبالنسبة في الطياره عادي اخوي شنطه او اثنين صغار
السؤال الثاني : بالنسبة للفلوس حولها على الفيزا بس تاكد من انها ليست فيزا اسلامية لان الفيزا الاسلامية ماتشتغل في كل الاماكن لان لو ماحولتها كل ماتسحب ياخذون عليك عموله
السؤال الثالث : انتبه واتصل من الان على موبايلي وشغل خدمة التجوال الدولي ولمن توصل امريكا حولها على شبكة تي موبيل بس اتاكد قبل ماتطلع من ان خدمة التجووال مفعله لان لو وصلت امريكا واتصلت على موبايلي الدقيقة بسته ريال وبالتوفيق

Me. with love

الله يجزاك خير ماقصرت ياغالي ايه لوفتانزا ورحلتي يوم الاثنين الساعة 2.30 الفجر ان شاء الله انك معي

الحمدالله كذا ارتحت من ناحية الشنطة واليوم راح ابدأ اجهز الاغراض واتأكد من ان الشنطتين اقل من 23 كيلو

بالنسبة للفلوس ماادري احس صعبة كاش بتكون كثيرة وملفته للأنتباة

ويمكن مانفتح حساب الا ثاني او ثالث يوم احس الفيزا اكثر امانا واخف حملا

بسألك يوم حولت الـ 15 الف وين كنت حاط الفلوس ؟؟

انا مشكلتي انسى اخاف انساها في الترانزيت في اي مكان واروح فيها

بالنسبة لموبايلي ذبحوني هل الشركة مايدرون ابدا ماادري وش صار لهم

لي اسبوع احاول فيهم بكرة بأذن الله من الصبح وانا عندهم في الفرع

ماقصرت والله يجزاك خير

......................................

اهلاوي مبتعث

الله يوفقك ماقصرت راح اختار شنطتين كل شنطة 23 كيلو افضل علشان الملابس واغراض القهوة وترمس القهوة والتمر وغيرها

فيزا البلاد الي اسمها مداد نوعها مسبقة الدفع ويقولون مقبوله عالميا عند الالاف الاماكن وجربت اشتريت فيها من موقع ستيم وتمام

بس كنت افكر يمكن البنك في امريكا مايقدر يسحب الفلوس من الفيزا او شئ !

موبايلي من بكرة بأذن الله وانا عندهم في الفرع مايردون خدمة العملاء وان شاء الله يضبطون التجوال لي

بيض الله وجهك

ههههههه بالضبط هذه رحلتي٬ خلنا نشوفك هناك. اذا شفت واحد بس يناظر في أجهزته فأعرف إنه أنا

بخصوص المبلغ. يوم حولته للدولار طلع تقريبا ٤٠٠٠$ و كنت ماخذها في ظرف في شنطي. المره ذي حاط فلوسي كلها في في حسابي البنكي (امريكي) و ماخذ ٢٠٠$ في يدي.

الصدف الجميلة

نشوفك هناك بأذن الله انا مثلك راعي اجهزة بعد بأخذ معاي في الطيارة اللاب توب والكاميرا والجوال

بس للأسف جاني خبر محبط وخرب كل تخطيطي للرحلة

الخطوط الألمانية مافيها شاحن للأبتوب او الجوال يعني ام الطفش في الرحلة

افكر بجهاز بنك الطاقة يفك ازمه في الطيارة

السلام عليكم Alone
و Me. With Love

ان شاء الله انو رحلتكم كانت سهله و ميسره و موفقه.

اخيرا لقيت احد سافر على الخطوط الألمانيه !!

بليز عندي كم استفسار .. و يا رب تقدرون تساعدوني:

١- كيف كانت كراسي الدرجه السياحيه ؟ من حيث الراحه؟ و الآفق تفرق مره عن السياحي فيها؟

٢- أنا سمعت انو مافيها تلفزيون.. صدق؟ (موب أكبر همي.. بس اخاف الوالد يطفش و يطفى ايبادو)

٣- كيف كان الاكل؟

٤- كيف كان تعاملهم؟

٥- هل الطياره واسعه؟

لانو هي الي لقيتها دوليه و دايركت على طول على سان فرانسيسكو..

لقيت كمان الخطوط الفرنسيه.. بس بابا قال يبغا ترانزيت بفرانكفورت..

و سمعت انو الطيارات الداخليه الامريكيه صغيره و ضيقه و متعبه..

عشان كذا ما ابغا الترانزيت يكون بنيو يورك او واشنطن..

يا رب اسمع ردودكم،، او ردود اي احد ثاني سافر عليها

و جزاكم الله خير الدنيا و الآخره

السلام عليكم
بالنسبة للسؤال الأول
هذي نسخة من قواعد الشنط نسختها من تذكرتي على الخطوط الألمانية لوفتهانزا

Baggage rules
The following baggage rules apply per passenger:
in Economy Class:
Weight / Pieces Dimension (width+height+depth) Fee
1st checked bag up to 50lbs up to 62“ free of charge
2nd checked bag up to 50lbs up to 62“ EUR 75.00 / USD 100.00*
Carry-on baggage max. 1 piece up to 18lbs up to 22+16+9” free of charge
*depending on the country of travel commencement
in Business Class:
Weight / Pieces Dimension (width+height+depth) Fee
1st checked bag up to 70lbs up to 62“ free of charge
2nd checked bag up to 70lbs up to 62“ free of charge
Carry-on baggage max. 2 piece up to 18lbs up to 22+16+9” free of charge
in First Class:
Weight / Pieces Dimension (width+height+depth) Fee
1st checked bag up to 70lbs up to 62“ free of charge
2nd checked bag up to 70lbs up to 62“ free of charge
3rd checked bag up to 70lbs up to 62“ free of charge
Carry-on baggage max. 2 piece up to 18lbs up to 22+16+9” free of charge
Irrespective of the cabin class, one piece of up to 50lbs and one collapsible buggy can be checked free of charge for infants under the age of 2.
Extended free baggage allowances
apply on Lufthansa and selected partner airlines operated flights to/from Brazil, Canada, Japan, East, West and
Central Africa as well as for status customers and are granted upon validation at check-in.
In case your checked baggage exceeds the free baggage allowance or standard dimensions,
excess baggage charges will apply. Please also
acknowledge the regulations for
sport and special baggage.
You will find detailed baggage information on our
Gepäckübersichtsseiten.
Over and above the regulations displayed, which may already include status-customer benefits, other status-dependent benefits may be granted.
These will be granted at check-in after validation

المصدر: http://www.mbt3th.us/vb/newreply.php...#ixzz2Owz38WC0
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook

إذا انت في الدرجة الاقتصادية

الشنطة الأولى : إلى حد أقصى 50 lbs ( شف عاد التحويل إلى الكيلوغرام ) ، الحجم الأقصى إلى حد 62 بوصة أو إنش ، و هذي مجانا
الشنطة الثانية : نفس مواصفات الأولى لكن بـ 100 دولار
الشنطة اللي تشيلها بالطيارة : حد أقصى شنطة واحدة ، بوزن 18 lbs ، و حجم ( 22-16-9) بوصة ، مجانا

بالنسبة للسؤال الثاني
أنا أخذت كاش 5000 دولار و يوم وصلت هنا فتحت حساب في بنك أوف أمريكا و حطيته فيه
لما فتحت الحساب ، أعطاني ورقة معلومات من ضمنها رقم سويفت ، و قال هذا للي يبي يرسل لك من الخارج
صراحة لو كنت أعرف ما كان شلت الكاش ، أو كان شلت شي بسيط ( مثل الـ 400 دولار ) و الباقي أخلي أي واحد يرسل لي من هناك على حسابي هنا
لأنه بصراحة الكاش الكبير هذا بلشه
و أنا بعد سويت نفسي ذهين ، وحطيت الكاش هذا كله في علبة و حطيته وسط شنطة اللابتوب و اللي على طول في يدي و على كتفي ، و السبب لأن الكاش مكبر محفتي بدرجة غير طبيعية فصعبة كل ما أجي أشتري شي أفتح هذي المحفظة و أصير ملفت للنظر للي ما يتسماش
و هذي بصراحة كانت غلطة كبيرة ، لأني في مطار فرانكفورت ، يوم طلعت من الطيارة و طلعت من التفتيش الأول علشان أروح لمكان طيارة الذهاب لأمريكا ، اختاروني كذا و انا ماشي لتفتيش ثاني ، دخلت التفتيش ، فواحد فيهم قاعد يفتشني و الثاني راح لشنطة اللابتوب يفتحها ، و فتح العلبة و شاف الفلوس ، فقلت له هذي 5000 دولار كاش ، فسكر الشنطة .. فبصراحة حسيت بغلط كبير ، لأنه لو طلع هذا هو واخوياه نذل و سحب من الفلوس ، هيا خذ حقك منه إن كنت رجال .
فـ عموما ، الكاش الكبير هذا و الله هم و قلق و ما ارتحت إلا يوم دخلته في حسابي .. و فتح الحساب مل شربة الموية ، ربع ساعة تقريبا و انا مخلص ، من يوم دخلت على الفرع إلى ما طلعت منه بس بدون انتظار

تحويل المبلغ من السعودية لأمريكا عليه رسوم واحدة للمبلغ الواحد بـ 35 ريال . من أمريكا للسعودية نفس الشي لكن بالدولار ( 35 دولار )