ضاقت فيني و محتاج جامعة بهالمواصفات
السلام عليكم .. شلونكم جميعا .. ان شاء الله بخير و صحة
يا اخوان انا ماراح اطول عليكم و اقولكم معاناتي من البداية لاني بطول كذا http://www.mbt3th.us/vb/images/smilies/frown.png .. لكن صدقوني اني متقروش و لي اكثر من سنة و نص و انا احاول انقل من المدينة و كل مرة
يصير عائق .. يعني مثلا المفروض اني انتقل لجامعة في تيكساس السمستر الجاي لكن تبين اخر شي ان جامعتي الحالية ارسلت الترانسكربت الخطا !! و هذا حالي من
سنه و نص و انا بمدينة صغيرة كئيبة و الله تجيب الهم و الغم مافيها اي شي تسويه الا جلسة البيت و الجامعة مدقرين لي ما اقدر اخذ مواد تخصص لي سنه ونص اخذ
مواد عامة يمكن اغلبها ماراح تتعادل لي .. يعني باختصار قاعد اضيع وقتي !! هذي معاناتي باختصار قلتها لكم عشان تكون عندكم فكرة عامة و لو بقولكم بالتفصيل ماخلصت ابد
الي يقدر يساعدني ياليت مايقصر معي .. تخصصي بزنس ادارة اموال و الي ابيه مدينة وجامعة بهالمواصفات
1- مدينة كبيرة و سكانها اقل شي 500 الف
2- اسعار السكن تكون رخيصة او متوسطة بالنسبة لشقق الغرقة الوحدة .. يعني ما اقدر ادفع 1200 ولا 1400 على ايجار الشقة
3- جامعة سهلة
و ياليت الجامعة يكون فيها سعوديين كثير عشان نساعد بعض تعرفون .. هذا مو شرط لكن ياحبذا لو صار
4- تكون الجامعة غير مغلقة من الملحقية .. و لكن الي يعرف جامعه بهالمواصفات لكن مغلقة يحطها مافيه مشكلة يمكن استفيد منها
ياليت الي يقدر يساعدني و الله بيزيح هم كبيير جدا جدا عني http://www.mbt3th.us/vb/images/smilies/frown.png
:(
رد: ضاقت فيني و محتاج جامعة بهالمواصفات
الله يسهل عليك ويكتب لك الخير
رد: ضاقت فيني و محتاج جامعة بهالمواصفات
رد: ضاقت فيني و محتاج جامعة بهالمواصفات
معقولة 120 واحد و بس واحد رد
يا اخوان ساعدوني اقولكم انا متوهق
رد: ضاقت فيني و محتاج جامعة بهالمواصفات
وعليكم السلام ورحمة الله وبركاته
شف الصراحه مستحيل احد يرد عليك الا مارحم الله ولا تستعجل واقرا ردي كامل
عندك بروفايلك خرابيط يعني ماندري انت جاد ولا تستهبل علينا انت جاي تدرس جد ولا بس جاي وناسه
ثاني شي تقولنا الجامعه لها سنه ونص مواد عامه ولايمكن احد يعادلها
اصلا العاده الواحد مايدرس مواد تخصص الا بعد سنتين يعني شي عادي
ثالث شي انت طالب طلب تعجيزي يعني تبي مديننه كبيره وعدد سكانها مايقل عن ٥٠٠ الف وتبي السكن رخيص
رايع شي ناسخ موضوعك اكثر من مره يعني انك بس تبي رد
لكن شف خيو انا شفت السلام وشفت تمنيك لنا بالخير وهذا يكفينا كلنا ااننا نرد عليك ونتعب لك
لا تزعل مني لكن يقولون الموضوع باين من عنوانه وانا قاعد اشرح لك ليش محد رد عليك
عندك مدينة بورتلاند مدينه زحمة سعوديين فوقها واشنطن ستيت وتحتها كالفورنيا
وعندك مينيابوليس فيها زحمة سعوديين ومدينه حلوه لكن مشكلتها البرد اللي يخليك ماتطلع من الشقه
وعندك تشيكاقو مدينه حلوه وكبيره لكن غاليه حبتين
واعذرني
رد: ضاقت فيني و محتاج جامعة بهالمواصفات
بخصوص البروفايل اتوقع انت الوحيد الي فكر هالتفكير
و بعدين حتى لو انك شاك اني جاي استهبل مع اني مدري وين الاستهبال بموضوعي .. انت رد و احتسب اني صادق و خذ الاجر و منها تكون ساعدتني اذا اني صادق ترى كلها رد مانيب طالب فلوس
عموما بخصوص البروفايل كنت مستعجل و ما ادري وش دخل البروفايل بكون الانسان جاي يستهل او جاد
بخصوص الشروط كلامك بكل تاكيد خطا جملة وتفصيلا و بدون ادنى شك .. للمثال لا للحصر هيوستن اكثر من 500 الف و السكن فيه يتراوح مابين 550 الى 800 كمتوسط اسعار .. و ايضا دالاس و اوستن و جامعة TSU في هيوستن مضرب مثل في السهولة و مليان سعوديين
و لكن الجامعات الي في هالمدن للاسف شروطها ماتنطبق علي او تنطبق لكن مغلقة .. و لكن بتاكد مرة ثانية يمكن انه فاتني شي بالغلط
اقتباس:
رايع شي ناسخ موضوعك اكثر من مره يعني انك بس تبي رد
مدري شلون استنتجت هالشي ياخي
نسخته في قسم الشرق و الغرب
و مالقيت قسم شمال و جنوب فـ حطيته هنا
شكرا على اقتراح مدينة بورتلاند ساعدتني باذن الله بشوف هالمدن الي تقول عنها و لكن هل باقي شروطي تنطبق عليها من سهولة جامعة .. الخ ؟
بخصوص كالفورنيا فهي ولايه مو مدينة و شيكاغو غالية جدا بخصوص مينابوليس عطني معلومات عنها لو سمحت بما انك تمدحها
رد: ضاقت فيني و محتاج جامعة بهالمواصفات
up up up up ..............
رد: ضاقت فيني و محتاج جامعة بهالمواصفات
و عليكم السلام
السكن في المدن الكبيره نادر ما يكون شامل للخدمات . مثالك هيوستن 550 كحد ادنى تضيف عليه كهرب و مويه و انترنت متوسط الاضافه يكون 150 شهريا , يكون ايجارك الفعلي 700 . 700- 950
كل ولايه فيها مدينه كبيره على الاقل و السعوديين في كل ولايه كثير . ممكن تتواصل مع شخص في كل ولايه وهو يدلك على المدينه و الجامعه حسب معرفته . ولا تنتظر و تضيع وقتك.
ملاحظه بسيطه:
لو كتبت معلوماتك في البروفايل حقيقه راح تلقى تجاوب اكثر و مساعده , ممكن تجيك نصيحه لمدينه اسوء من مدينتك , ممكن تجيك جامعه سهله في تخصص و لكن في تخصصك تفكك مخك ما خلصت فيها ترم واحد .
لو اني منيب في هيوستن كان قلت انك في الارجنتين وكاتب موضوعك في قسم غلط .
رد: ضاقت فيني و محتاج جامعة بهالمواصفات
denver, colorado
هالمدينة فيها كل شي تبغاه
سكانها يمكن 700 الف
فيها سعودييين كثيييييييييييييييييييييييييييييييير مررررررررررررررررررررررررررة
الايجار للنفر متوسط يعني تلقى بـ 900 و كذا
و فيها اكثر من جامعة بس شيك عليهم مقفلين او لا
و يمكن اصلن قفلوا كولورادو بكبرها ما عندي فكرة
رد: ضاقت فيني و محتاج جامعة بهالمواصفات
شوف ياغالي .. مسألة كبر المدينه او صغرها ممكن انها ماتساعد الشخص بوناسته اذا كان فعلا جاي للدراسه ..
يعني مثلا .. انا على سبيل المثال في اوقات الدراسه نادرا ما اطلع .. جدولي من الجامعه للشقه .. والويك اند سوبرماركت اتقضى للشقه ..
حتى نادرا اجتمع مع السعوديين ..
كل طلعاتي وتمشياتي ووناستي .. تكون بالعطل الرسميه .. اللي لاتقل عن شهر ! .. اروح افر الدنيا ومافيها .. واكون مخطط قبلها حاطلي جدول معين امشي عليه ..
حتى احيانا اطلع طياره مثلا من ولايتي الى ولايه ثانيه متفق مع ربعي انزل عندهم كم يوم وبعدها نطلع مجموعه نتمشى بين الولايات الثانيه .. يعني نسويها رحلة وناسه ..
وهذا نظامي من يوم جيت امريكا صارلي عليه سنوات ..
انا كنت مثلك سابقا اول ماجيت امريكا .. كنت مخطط على كذا ولايه منها تاكسس اوستن وبوستن ... بس قعدت فتره احاول اقرر واقلب الموضوع براسي ..
قلت اعطي نفسي سميستر لحتى اشوف الوضع .. وفعلا كملت سميستر ومشيت فيه لله الحمد وكانت الامور بسيطه بالجامعه ومتساعدين ومافيها تعقيدات ..
فقلت في نفسي اذا الجامعه كويسه يعني بالتدريس ماعليك من المتطلبات كل الجامعات تطلب نفس المتطلبات .. فليش اضحي بجامعتي الحاليه بجامعه مادري وش وضعها بالضبط ..
ممكن المدينه تعجبني بس الجامعه ماتكون كويسه مثل الجامعه اللي انا فيها حاليا ! ..
فقررت اني اكمل بالجامعه اللي انا فيها واخلي وناستي بكل عطله .. حتى سفراتي انا والشباب تكون لها ميزانيه اجمع لها من قبل العطله .. يعني اكون مضبط وضعي فيها .. لا اضغط على نفسي ولا هم يحزنون ..
وتبي الصراحه .. انا ما اشوف التعقيدات اللي تجيك الا هي خيره من رب العالمين لك ! .. لانك انت ماتدري يمكن وضعك يسوء هناك .. يمكن المدينه اللي انت فيها حاليا خيره لك .. ممكن لو رحت لمدينه كبيره يصير فيك شي لا سمح الله ولا شي ! ..
اذا تبي تنقل .. قبل لا تنقل شوف انت ليش تبي تنقل هل علشان الجامعه او علشان الغلاء المعيشي او ايش ! ..
يعني حدد نيتك بالبدايه ليش النقل .. وحط قدامها اللي بتكسبه واللي بتخسره بالنقله هذي ..
واستخير رب العالمين اولا واخيرا .. وادع الله ان يكتب لك ما هو خير وويسر لك امورك ..
وان شاء الله الامور راح تزين باذن الله ..