أحتاج موجه أو قائد (أكاديمي) وينورني بحكمه!

عزيزتي ..ا انتي ماستر او بكالوريوس
اللي فهمته انك ماستر .. فبكلمك على هذا الاساس

اولا .. انا مو فاهمة ليش انتي تبغي تاخذي مواد من الالكتف بس.. اذا انتي ناوية تحولي على نفس التخصص بالعكس الافضل انك تاخذي مواد كور ..عشان تتعادل لك..
وعلى اي حال اذا كنتي ماستر فحتى موادك الالكتف لازم لها علاقة بتخصصك ..هذا على حسب تجربتي ..
وانا اشوف انك ما تاخذي مادة اونلاين في هذي الجامعة طالما انك بتحولي لانه احتمال تحتاجي مادة اونلاين في الجامعة الجديدة وتكوني خلاص استنفذتي حقك من الساعات الاونلاين اللي تسمح فيها الملحقية..

هذا رأيي و فيها النهاية انتي تختاري اللي تشوفيه بمصلحتك ..

بالتوفيق

هلا عزيزتي .. أنا أبغى تخصص Biotechnology or Molecular

لذلك االمواد الركواير مختلفة عن التخصص اللي أبغاه ..بالنسبة للاحصاء ..كنت أبغى أضيفو ع اساس هي المادة الوحيدة اللي ممكن الجامعة اللي بحول عليها تقدر تعادلها لي ..

عشان كذا أنا متورطة لو حذفت الاحصاء .. ما عندي خيارات ثانية والهولد يطاردني!

أنا ماستر ,,,,,,,,,,,,,,,,

عليكم السلام ورحمه الله وبركاته ،.

حياك الله أختي الكريمة ، يمكنك التوجه إلى رئيس القسم والتحدث معه بخصوص مشرفتك ، فالذي أعرفه في بعض الجامعات أن الطالب يمكنه تغيير مشرفه إذا لم يكن مرتاح معه ، وكذلك يمكنك التحدث مع رئيس القسم لحل مشكلة التسجيل مع الأخذ بالاعتبار أنه يجب التقيد بأنظمة التسجيل بالجامعة حيث لكل جامعة قواعد ومراجع لتسجيل المواد.

أما تسجيل المواد الـ Elective ، فعلى حد علمي أن لطالب الماجستير عدد ساعات محدد مالم تتم معادلة المادة بمادة رئيسية بموافقة رئيس القسم ، ولذلك فالآفضل لك التوجه إلى رئيس القسم ، وإذا لم يكن ، فلك الحق بالتوجه لمكتب العميد مع أنني أذكرك بقراءة قوانين التسجيل لطلاب الماجستير بالجامعة من خلال زيارة مكتب التسجيل ، وكذلك القسم للتعرف أكثر على طريقة تسجيل مواد الـ core و مواد الـ Elective .

بالتوفيق ،.

أخوكم
بــن نيـــاز

هلا أخوي بن نياز .. أنا قصدت مشرفة الملحقية اللي رافضة أضيف هذه المادة .. بالنسبة للادفايزر اللي في قسمي .. فهو الوحيد اللي ماسك طلاب الانترناشيونال

هو طيوب ..بس تارك لي حرية الاختيار في مواد الايلكتيف لذلك أنا متوهقة ف موضوع الاضافة ..

ما برد قلبي .. قلت يمكن أضفتوا مواد ايلكتيف وتنصحوني فيها .. بجد ضايعة !

ممتنة لك أخوي ..

حياك الله أختي ، اعتذر لك ظننت أنك تقصدين مشرفتك الدراسية بالجامعة ، ومع ذلك أي مادة اون لاين من حقك تسجيلها لآنه لديك 6 ساعات بالحد الاقصى بمرحلة الماجستير ، ويمكنك التوجه إلى مشرفك في الجامعة وطلب خطاب خاص يوضح أنك في حاجة لهذه المادة ، ثم ارساله مع طلب تسجيل مادة اولاين بالبوابة ، وإن أصرت المشرفة بالملحقية على ذلك ، فعليك مخاطبة المشرف الأقليمي أو رفع شكوى من خلال النموذج التالي :
http://egov.sacm.org:1234/sites/egov...etracking.aspx

أما مواد الـ Elective ، فهي تختلف من جامعة لآخرى حسب التخصص ، ولذلك يا حبذا بذكر المواد لنا وسنساعدك باختيار المواد المناسبة من خلال الطلاب الدراسين بمثل تخصصك.

وبالتوفيق ،.

أخوكم
بــن نيـــاز

الله يسعد قلبك وينور بصيرتك .. المشكلة أنا دوبي واصلة مدينتي والمشرفة مو راضية ترفع الهولد الخاص بانتهاء مدة اللغة بسبب ذا الشي ..

وحاطة أخر موعد لرفع الجدول يوم 15 ..

متى يمديني أجيب الخطاب وارفع طلب .. أخاف بجد تديني هولد ثاني قد وجهي وأتورط!


بالنسبة لمواد ايلكتيف .. النظام حقهم غريب .. مو منزلين لي المواد وانا بنفسي اختار .. لا

أنا لازم اروح لأي قسم واشوف المواد بنفسي .. فهمت علي! .. يعني كيف أعرض لك وهو مفتوح لي كل الأقسام!

هل من الممكن ذكر اسم الجامعة مع التخصص ؟

أخوكم
بــن نيـــاز

التخصص Environmental Science

University of Colorado Denver