انا الوحيدة ف الكلاس

الزحمه دائما تأثر على الشخص وماياخذ راحته سواء في معهد جامعه مكان عمل مطعم مكتبه ..... إلخ

بالنسبه لقلة السعوديين فأشوف أنه افضل عشان مايكون لك مجال تتكلمي عربي وتنجبري تتكلمي انقلش مع العالم اللي حولك

وفقك الله على كل حال ..

وين المعهد هذا ...........

انا في أوهايو مدينة أدا تابع لجامعة أوهايو نورثن

خذيها مني هذا افضل لك وراح تلاقي اهتمام اكثر من التيتشر احسن مايكون تكدس وزحمه وتبدا المنافسات وتحسين نفسك غريبه مع ناس مبتعثين مثلك

مع احترامي لك اخوي كلامك صح لو كان زحمة بس انا اتكلم عن عدد مثلا 10 او 5 بس بالحالها يعني تدرس 24 ساعه دوامها ثقيل بتزهق ممكن احس مافي انترتيمنت نهائياً

دامك اعلتني عن المعهد فاصبري يومين تلاقيه متكدس سعوديين ههههههه

الله يوفقك ويوفق الجميع لما فيه الخير يارب ..

ان شاء الله خير شكرًا لتفاعلكم

شي عجيب والله ماني مستوعبه حاولي تتاكدين الجامعه معتمده من الملحقيه ولا هذه اهم نقطة دامها خاليه على عروشها

الله يوفقك اختي

شئ ممل ..

........

اهلين سارووووووونة لك وحشة مفتقدتك في البيت كثيررررررررررر الكل بيسلم عليك
حبيبتي ربنا هو اللى بسخر لك الطريق وهو اللى مقدر انك تكوني لحالك وهذا منيح لك ولازم تقبلي بالمكتوب لو شو ماكان ..
والجامعة معتمدة من الملحقية بس الحمدالله مو موجودة في قائمة المعاهد علشان مايصير تكدس وغير كذا الملحقية بتلاقي صعوبة عن اعلان الجامعات الخاصة هذا اللى سمعته .. لان الجامعات الخاصة غالبا تقبل سعودين من 4 الى 7 لان ماتحب الانترنشونال كثير .. غالبا تكون امريكان اكثر وعساكر اوربا ومن الطبقة الراقية ..
وزي مانتي شايفة كيف استقبلوك ايش عزايم في المطاعم وايش جوالات وكفاية مستر راين كلمك وطمنك وقلك لا تخافي لو فيه شئ ارجعي له .. والتيتشر قالت راح اشوفك لو مستواك كويس راح يلغو لك المستوى الخامس وهذا خير وغير كذا بعد كل مستوى اختبار توفل يعنى كل شوي راح تتقوي فيه اكثر واول ماتجيب الدرجة بترويح ع الجامعة دغري
حبيبتي سارة اللى بدي اقوله لك لا توتري نفسك ولا تحطي في بالك انك لحالك .. لان احيانا بتكون نفسيات وحقد زي ماشفتي في عزوز وانتي مو ناقصة .. ابغاك تأمني بكل شئ يصير لك .. شوفي ماشاء الله الكل يحكي ع شجاعتك ..سافرتي لحالك وانتي بهذا العمر من جدة إلى تركيا ومن تركيا الى واشنطن ومن واشنطن الى كومبولس ومن كومومبولس إلى ادا .. ويومين قضيتها لحالك تعب من طيارة الى طيارة بدون نوم والله سخر لك الرجل الامريكي المسلم اللى ساعدك ..وكل اللى في مطار واشنطن كان يشكرك ع شجاعتك وثقتك بنفسك.. بيكيفيك ياختي هذا داعم قوي انك تكملي مسيرتك ووتثبتي للعالم انه المراة فيها تعمل كل شئ لحالها بدون خوف عليها .. وانك تقدر تسكر فم الناس اللى وقف ضدضنا في السفر واثبات طموحنا

اخير .. روحي وقلبي ونبضي دير بالك ع حالك كل قلوبنا بتدعي لك في الغيب .. وابعدي كل السلبية منك واستغلي النقاط الايجيابية في دعمك .. وموعيب انك تستشير كل اللى حولك علشان تزودي معلوماتك حبيبتي وان شاء الله الحقك ..اول ماتتحسن ظروفي الصحية انا وابوي يا عسل

تحياتي العطرة حبيتي لك وللجميع
وبشكر الجميع اللى اعطاك إيجابيات الله يجزاهم الف خير ويجعله في ميزان حسناتهم ويسر لهم كل طريقهم .. واي احد اعطاك سلبية هذا مو عيب بالعكس اعتبرها نقاط حذر وانا من جهتي بنصحه يجعل نسبة التفاؤل عنده عالية علشان تتطغى ع السلبية


والله يوفق جميع المبتعثين ويردهم سالمين غانمين بشهاداتهم وكل خير لأهليهم