كفايه تضيع وقت من بعثتي

السلام عليكم

ياخوان انا جالس في مكان مو مرتاح فيه ابداً لا كمنطقة ولا دراسه لي حول 6 اشهر هنا بأمريكا ولغتي للحين ضعيفه لدرجه اروح مطعم اتلعثم ماعرف أطلب بالرغم اني عديت ليفلين ولا رسبت ولا مرة ! المشكله هنا ان محد يعطي وجه ماقدر امارس اللغه الا في الوول مارت ومافيه اماكن اروح لها ، قاعد على طول بالشقه لحالي واطقطق على النت (بالعربي طبعاً) واسولف سكايبي مع الاهل والاصدقاء

اليوم خلاص ضاقت الوسيعه راح اغير الولايه ، لاني اذا استمريت كذا خلاص ماراح اخلص اللغه ولا بعد مليون سنه وراح ارجع البلد خالي الكفين لا لغه ولا شهاده

اتمنى انكم تشورو علي بمعاهد تابع للجامعه تعطي قبول مشروط في اي مكان يكون فيه سكن عائلة والمنطقه تكون كبيره وغير متكدسه لاني راح اطلب تغير الولايه

راح ادرس بالكالريوس التخصص ماليه

عموماً التحدث مع الوقت يفك لوحدة, انا خذ لي اكثر من 10 شهور بأمريكا وفجأه فتحت لساني وصرت اتكلم وسولف وووآلخ... لدرجة اني قبل هل 10 شهور حاولت بكل الطرق ماكو فايده وكنت متعقد من هذي السالفه, وكنت انجح بدرجات عاليه بالمعهد لاكن للأسف التحدث عندي دمااااررر.. مع الوقت كل شي انفتح.

وبما ان وضعك كذا, انصحك تشوف افلام كثير وتردد وراهم.

في مقطع حلو باليوتيوب لفلمها, يعلمك طريقة كيف تمارس اللغة حتى لو مافي احد حولك عن طريق الافلام.
‫فلمها - الحلقة السابعة Fallimha 7 Toy Story‬‎ - YouTube

موفق

عجبني المقطع شكلي ببدا اتابع فلمهاا حسيته مفيد وممتع

السلام عليكم ورحمة الله وبركاتة

الله يجزاك خير اخوي al-wed على المقطع جدآ جدآ رائع

شكلك من موري ستيت

الله يوفقك , تدرين وش يعجبني في الاشخاص الي مثلك؟
انه مهما صادف قدامه جدران يحب يكسرها ولا يوقف ويبحث عن حلول ويسأل ويستشير لأجل يعدي هذي الجدران ويوصل لهدفه.

هنيئاً لك فهناك القليل من امثالك... بالتوفيق وعقبال مانسمع الاخبار الزينه عنك.