الأعضاء الإشتراك و التسجيل

الملتقيات
ADs

ينتابني خوف من الفراق للاهل والسفرة باقي عليه اسبوعين!

ينتابني خوف من الفراق للاهل والسفرة باقي عليه اسبوعين!


NOTICE

تنبيه: هذا الموضوع قديم. تم طرحه قبل 4091 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع


  1. أنصحكـ بأمرين تسويهم بقدر الإمكآن ,,
    أخــذ عمرهـ وآلدعآء بآلطوآف وآلسعي ,,
    آلشيئ آلثآني
    زيآرة قبر آلرسول صلى آلله عليه وسلم .. وتصلي ركعتين في آلروضه آلشريفه قبل شروق آلشمس
    وآلدعآء فيهآ بركــــه ..

    آلعآطفه هي سمة آلشخص بس لآزم شوي تبعدهآ عنكـ هآلفترهـ هو صحيح صعب عليكـ لأنكـ تعودت عليهم ..
    لكن إن شآء الله تتأقلم وتتعود .. بس نصيحه مني لكـ لآ تكثر إتصآلآت على أهلكـ لدرجة تعودهم لو بيوم مآتتصل يحسبوآ إنكـ إنخطفت أو قتلوكـ عصآبه ...
    من جد أكلمكـ عن تجربه سآبقه ,,
    إتصل بس مو لدرجة تعرف آلتفآصيل آليوميه عندهم وتتمنى إنكـ معهم .. الإتصآل خليه بقدر معين يعني تطمنهم إنكـ بخير وعآفيه ..

    بضرب لـكـ مثآل شفت يوم كنت بآلثآنوي أيآم الإختبآرآت ,, أي شي بآلتلفزيون وأي شي بآلمطبخ وأي صوت تسمعه برآ .. ودكـ تتلقف وتروح تتفرج وتسمع وتلفلف شويتين بآلمطبخ ..
    لأن هآلشي مآيحلى إلآ بهآلوقت لأنكـ تحس نفسكـ شوي محروم منه ..
    نفس آلوضع بعدين رح تشتآق للبيت وآلجلسه معهم ,, وتقول أنآ وش أللي جآبني هنآ !!
    لكـــن مع الأيآم تحس إنكـ إكتسبت خبرهـ تمكنكـ من إجتيآزهآ ..



    وآخر شي بقوله لكـ تأمل هآلأيه وإعمل بهآ ,,

    "وَمَنْ يَتَوَكَّلْ عَلَى اللَّهِ فَهُوَ حَسْبُهُ"


    موفق خير ,,
    7 "


  2. تأكد أخي أنت بالوضع الطبيعي لأنه مفترض تحزن وتبكي لأنك مفارق أهلك الله يطول بعمرهم ويجعلك قرة عينهم

    بأعطيك أهم النصائح من خلال 8 شهور بالبعثه :

    قبل سفري أو بالأصح الليلة الأخيرة قبل السفر كنت بالحرم دعيت الله من كل قلبي وأستخرت وسقيت قلبي بماء زمزم كنت أقول يارب أربط على قلبي وقلب أهلي وإذا مالي خير أصرفها عني وإذا لي فيها خير تممها ..

    بحكم أني البنت الكبيره بعد زواج أختي منذ سنوات, أمي جداً قريبه مني ماشاءالله أختي الصغيره متعودة كل صباح أجهزها للمدرسة وأخواني الصغار حبايبي وقرة عيني عندي بالدنيا ولازم يوميا قبل نومي أطل عليهم اللي نايم وهوا يضارب واللي يزعق ( اللي متأثره بالمباريات واللي بالسوني ) وبالنسبة لأبوية مستحيل ما أفطر معاه كل صبح ونقرأ عكاظ ونتناقش .. يعني تقدر تقول متعلقين فيا والعكس الله لا يحرمني منهم ما كان سهل علي إطلاقاً السفر ولكن طريق أخترته بكامل إرادتي وأستخرت الله والطريق ماهو وعر ولكن فيه صعاب وعقبات وفيه لحظات جميله ونهايته بإذن الله إنجاز وطالما عندك طموح ماشاءالله وهدف واصل وتوكل على الله .. أنصحك تاخذ عمرة وتدعي من قلبك لنفسك ولأهلك صدقني بترتاح نفسياً ..

    أثناء السفر لا تبكي قدام الوالده الله يفرح قلبها بشوفتك متخرج ومتعافي سلم على يدها ورجلها وراسها وأطلب رضاها وطمن قلبها بأنك بترجع رافع راسها .. الأم ايش تبغي من الدنيا غير شوفة عيالها بخير وتعبها ماراح هدر.. وأخواتك أسألني أنا .. أنت سندهم وتاج راسهم بإذن الله مجرد ما تكمل دراستك تلاقيهم بكل موضوع ماشاءالله أخونا كمل دراسته بأمريكا في جامعة .. بتخصص ... ورافع راسنا ))

    فكر بالجانب المفرح أكثر من المحزن فكر أنه بتبسطهم بنجاحك .. المهم لا تحزنهم وطمن قلبهم وخلي بشنطتك اللي معاك بالطيارة مصحف وكتاب أدعية أنت في فرصة عظيمة لا تنسى دعوة المسافر مستجابة أدعي لنفسك ولأهلك وبكل شي تتمناه وأدعي لأمتك وموتاك وأستغفر وسبح وكبر وأقرأ قرآن وأستهدي بالله ولا تفكر أنه حالياً أهلك منهارين شي طبيعي حيبكوا فكر بالنتيجة النهائية : )) النجاااااااااااح .. الدنيا فررررص وهذه فرصتك ..


    1) بمجرد وصولك أحمد الله الذي أتم عليك سفرك فكم مبتعث حصلت له ظروف ولم يصل .
    2) صلاتك .. وردك اليومي والتحصين .. برك لأهلك ( بالبداية كلمهم بكثره عشان أنت وهما ترتاحوا نفسياً ) .
    3) أختار رفقة طيبة صالحه تعينك على طاعته وطلب العلم .. لم تجد رفقة صالحه من بني جنسك أختر رفقة مجتهدين المهم فر كفرارك من الأسد من رفقة السوووووووء.
    4) إذا وصلت المعهد لا تسمع لمن كانوا قبلك البعض منهم متحطم ويحطمك ويقولك اللغه صعبه أنقل من المعهد والخ والبعض بيقولك اختبارات اللغه أنت جديد ماعليك من إحد المهم أنت بمعهد جامعي فلا تقلق ما تبقى على إجتهادك بعد توفيق الله كل النصائح ممن سبقوك من معهد اللغه نتيجة تجاربهم لا أكثر .. أنت غير وهم غير ولا تشتت نفسك بالمواقع والأوراق أمشي خطوة خطوة وتصل بإذن الله
    5) بقدر ما تختلط بالناس بقدر ماتحذر ( لا تعط أي شخص ( أقصد مو كل شخص تعطيه منت بالسعوديه خليك حريص )رقمك, عنوان بيتك .. ) لا تعطي تفاصيل حياتك خليك سطحي مهما كانت علاقتك بالآخرين .
    6) أنا ضد مقولة اهرب من السعوديين أنا ما ستغني عنهم والناس للناس ولكن أنت جيت لهدف سامي ولا تنسى أنت بنفسك قلت كيف افارق أهلي فمن المفترض رد الجميل وتطييب خاطرهم بالشهادة العالية والسمعة الحسنه الناس للناس لكن أن يكون كل وقتك معاهم وهرج ومرج وضياع وقتك ما أنصحك .
    7) شارك بالأنشطة والرحلات ولكن في إيطار الجامعه ومو بأي نشاط خارجي خليك نبيه .. ولا تتكلم بالسياسة ولا الدين ومالك ومال العالم الخارجي خليك بكلاسك وفي همك .
    8) الدعاء وذكر الله وسماع القرآن تريح النفس ولا تسلم أذنك لا لشياطين الأنس ولا الجن وخليك مع الله بيكون أقرب لك من نفسك وأرحم بك من أمك .


    ذكرتني بنفسي قبل 8 شهور كل ما بكيت بعض الأحيان ووحشوني أقول يارب أجعلني أبدل دموعهم بالمطار يوم وداعي لدموع فرح يوم استقبالي وكل كلمة أحفظها وكل سطر أكتبه لأكون خليفة لله صالحة في الأرض ولأم وأب طول عمري ما أجازيهم ولأخوان سند لي في الحياة بعد الله ))


    توكل على الله وأحفظ الله يحفظك أستودع الله دينك وأمانتك وخواتيم عملك زودك الله بالتقوى وغفرذنبك ورافقتك السلامة ويارب نسمع عنك أخبار طيبة

    دعواتك لي ربي يسهل لي ولأخوي ماتبقى من اللغه ونفرح أمي وأبويه وأخواننا ويهدي أخوي ويسخره له رفقه طيبه ويثبته على الخير ( محرمي المصون الله يحفظه ويحميه )


    أختك : مياسين
    7 "
3 من 3 صفحة 3 من 3 ... 23
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.