-
تأجيل/الغاء البعثه
السلام عليكم
باختصار انا قد أجلت بعثتي من قبل والان ابغا أأجل مره ثانيه هل اقدر او لا؟ خصوصا ان العذر بيكون سببه الجامعة نفسها ونصبها علي
وان كان لأ انا بقدم على الغاء البعثة لأن حصلت لي مشاكل مع الجامعة "بكتبها للي يبي يقراها اخر الرد" سؤالي.. هل لازم ارجع المبالغ اللي صرفوها لي في حال الغيت البعثه او لا؟ وشكرا!!
مشكلتي مع الجامعة هي انهم قالو لي بيسوون ترانسفر ل26 ساعه اي مايعادل سنه او اقل شوي يعني مع الاترام الصيفيه بقدر اخلص في سنة ونص وهي المدة اللي بقت لي من البعثه
الجامعة يوم وصلت لهم قالوا لي يبيلك تدرس 3 سنوات ونص يعني ماعادلوا لي الى 3 مواد بس يعني 9 مواد من اصل ال26 اللي قالوا بيعادلونها واصلا حتى الجامعة ماتعرف وش بتعادل لي من المواد وباين شغلهم مرمطه وتحصيل فلوس وبس
الله يجزا اللي بيجاوبني خير الجزاء
-
رد: تأجيل/الغاء البعثه
آلله يعينكـ لكـــن إستخير إن شآء الله في الأمر خيرهـ ,,
أبدآ مآترجع للدوله ولآ دولآر وآجد لأنه كآن من حقكـ .. بس رآجع نفسكـ شوي ترى أمريكآ مليآنه جآمعآت لآ تيأس وبهآلحآله شوف لكـ مكتب رغم إني مآ أأيد آلمكآتب
بس إنت إستشيرهم وحآول تعرف منهم آلجآمعآت آلموثوقه أللي تعآدل آلسآعآت وقدم عليهم بنفسكـ ..
وأرسل لمشرفكـ أكيد بيعرف جآمعآت . بس حرآم وآلله تدرس وتلغي بعثتكـ .. إستمر فيهآ لين آلله يفرجهآ عليكـ ..
أو حول على دوله ثآنيه ترى بريطآنيآ تعآدل بآلسآعآت ..
موضوعكـ ترى له حلول كثير بس إنت وصلت لمرحلة آليأس يمكن لأن صدمكـ ردهم .. تمسكـ بآلبعثه بقدر آلمستطآع ..
موفق خير ,,
-
رد: تأجيل/الغاء البعثه
حروف متناثره
اشكر لك ردك الجميل ولكن انا ماعندي الى حل من اثنين
بالنسبة للتحويل ماراح يوافقون لأني محول انا وخالص من كندا لامريكا
واذا بدور جامعة ثانيه اتوقع مافي جامعة تقبل طلبات للترم هذا واذا جبت للترم الجاي راح اضطر ارجع والملحقيه ماراح توافق لأني توي جاي مالي شهر ولاراح تعوضني بشي
وانا مابي اضيع سنه كاملة على مواد راح تتعادل يعني دراستي مامنها اي فائدة
يعطيك العافية على ردك وانا بحاول اني أأجل ولكن اذا ماسمحوا لي مالي الى الالغاء