هـداية الله وشوووركم :..! لحظه من فضلك

تبادل؟ عطني وظيفتك واعطيك بعثتي

يا ابن الحلال انا مثلك متزوج والحين ندمان اشد الندم اني طلعت بعثه العالم توظفوا وخذوا خبرات وعلاوات وانا للحين بقيلي سنتين واخلص ولو جتني وظيفه براتبك سحبت على امين البعثه

ياخي ادرس عن بعد ومن جامعة امريكيه بعد بس انك تترك الوظيفه لا وألف لا

معك فوق ميتين الف ؟ اذا ايه .. توكل على الله

ما بقدر أفيدك إلا بخصوص حجاب زوجتك ..
مستحيل تلاقي هناك محجبات سعوديات لابسين عباية و نقاب كالحال بالسعودية .. المهم تلبس لبس ساتر لجسمها وتلبس فوقه بالطو أو جكيت طويل أيا يكن وحجاب لشعرها فقط
لا بأس إن كان وجهها مكشوفا لأن بالنقاب رح يكون شكلهاا شاااذ جدا و ملفت للانتباه !! .. وأكيد ما بتخليها عرضة لهالشي
وإذا عن الحرام والحلال كشف الوجه لا بأس به وهناك أدلة من السنة على ذلك .. وخصوصا أنها مضطرة والظروف قادتها للكشف فليس عليها شيء .. وبخصوصك إنت أنصحك ما تربي لحية
احرص تروح لولاية خالية من العنصرية ضد المسلمين لأن البعض أو القلة يعتبرونهم ارهابيين .. ما أعرف بالضبط ايش هي الولايات بس أعرف أوكلوهوما .. لأن أخوي كان هناك وتعرض لعدة مضايقات وللدقة كان يرى بعض الناس يلحقوه سواء بالسيارة أو مشيا بسبب صديقه الملتحي ! .. لأن أعتقد هناك متعقدين من الإرهابيين بسبب حادثة هجوم إرهابي كبير حدث قبل 17 سنة تقريبا بأكلوهوما
الأفضل ولاية كاليفورنيا و ماساتشوسيتس ع حسب بحثي عنهم مررة كويسات وآمنات ومافيهم أي عنصرية أو مضايقات والشعب فيها فرندلي .. فيه كثيييير ولايات كويسة بس هذي الي أعرفهم يعني ههه
وبسسس أتمنىى تكووون استفدت من كلامي هذا الي أعرفه من هالناحية ^^"

اختي اللحيه ماهي مصدر مضايقات بامريكا ..
انا ملتحي وصارلي سنوات في امريكا والحمد لله لم يحصل لي اي مضايقات ..
وبالعكس حتى الامريكان نفسهم فيه منهم من لحيته واصله لسرته ! .. والوضع جدا طبيعي ..
واكثر الاشياء اللي تصادفني بخصوص اللحيه هي سؤال دايم يقولونه لي " ليش مربي لحيتك ؟ " .. وانا اقولهم لاني مسلم !
وبعضهم يسأل سؤال فكاهي مثلا .. يقول " اللحيه ماتضايقك وقت النوم ؟ ." او " ماتتضايق من اللحية وقت الاكل ؟ " .. وعادي اجاوبهم وانا مبتسم والامر طبيعي ..
والامر متقبل عندهم يعتبرونه حرية شخصيه ماحد له شغل باحد ..

صحيح احيانا ادخل مثلا بالسوبرماركت او بعض الاسواق وتكون الاعين علي .. بس عادي خلك بدربك وابتسم ولا عليك خلاف باذن الله ... والنظرات هذي ماهي الا نظرات استغراب وتعجب !

وازيدك من الشعر بيت .. هناك ناس سعوديين ملتحيين في ولايات متعدده ومرتاحين ولا عليهم اي مشاكل لله الحمد بسبب اللحية ..

والشعب يحترم من عندهم مبادئ وقيم بشكل عام .. لان المبادئ والقيم مفقوده عندهم .!

اما من ناحية الحجاب .. فنعم الحجاب جائز شرعا .. واللبس لابد يكون محتشم .. يعني البالطوات الطويله التركيه تجي في محل الجلباب وتاخذ تحتها ملابس فضفاضه مثل التنناير الطويله وماخالفها .. وتكون محتشمه ..
واما من ناحية النقاب .. ففيه ولايات فيها نسبة كبيره من المنقبات .. وهذا يبعدها عن الشذوذ بوسط المجتمع او لفت الانظار ..
وفيه ولايات لا تعتبر لفت للانظار .. لقلة المنقبات فيها ..

هذا والله اعلم .,

الافضل تظل بوظيفتك لان الابتعاث على حسابك مو سهل يحتاج مصاريف كثيره وبعدين الوظايف الحين مي مضمونه ونسبة البطاله كل مالها ترتفع والاستقرار والزواج والوظيفه نعمه من الله وفكر كثير بكل جوانب الموضوع وبأدق التفاصيل قبل لاتقرر وبالتوفيق

بالنسبة للحجاب والنقاب ولله الحمد ماصادفت احد تعرض لي صحيح فيه نظرات واحيانا تضايق بس لمن افكر اقول اللبس حرية شخصية ومالاحد حق انه يتدخل بخصوصياتي مثل ماهم يلبسون لبس غير لائق ومحد تدخل فيهم
وعموما مادامك مقتنع بالشي اللي تسويه رح تسويه بكل فخر والعكس صحيح

بالنسبة للحية مافيها اي اشكالية مع ملاحظة انها صايره موضه عندهم بهالموسم

بالنسبة لوضعك انا اقترح عليك انك تاخذ اجازة وتطلع تاخذ لغة وتشوف وضعك ان ارتحت وتحمست تقدر تقدم على هالخطوة وانت مرتاح وان شفت ان الوضع مايخارج فوظيفتك موجودة وعلى الاقل جربت واخذت لغه وبالنهاية رح يكون قرارك النهائي قائم على قناعة تامه

أختي
كلامك فيه نوع من الفوبيا
أنا شايف رجل سعودي مع زوجته في تورنتو كندا و زوجته منقبة كأنها بالسعودية و هذا كان قبل حوالي سنة
و لا ، من ثقة الرجال ( و لو أني ما حبيتها منه ) داخل بها مطعم لبناني مزحوم بكافة الأجناس
و قديما كنت في الشانز إليزيه في باريس و شاهدت سعودية منقبة و متحجبة بعباءة الكتف
و أخرى لابسة العباءة السعودية التي على الكتف و لكن كاشفة وجهها
أما اللحية ، فطبيعي جدا ،
كنت أنا و رئيسي في العمل و زميل آخر ، و كانوا اثنينهم لحاهم طويلة ، كنا في الشانز إليزيه بعد تفجيرات 11 سبتمبر بحوالي أربعة أشهر ، و الله ما أحد يطل فينا ، لا الناس اللي في الشارع و لا الموظفين في الفندق و لا الشرطة و الجوازات في المطار
فالمسألة ليست بهذه الفوبيا ( الرهبة و الخوف ) ،
لكن في نفس الوقت ، من غير المستبعد أن فيه ناس ما يعجبهم النقاب ، أو ناس أول مرة يشوفونه و مستغربين منه ، فخلهم يناظرون وش المشكلة ، في الأساس هم عندهم طبيعة عدم التدخل و احترام الخصوصية ، و لكن حتى لو فيه نسبة منهم يبحلق ، ما بيده يسوي شي ، القانون يحميكم

وفقكم الله لكل خير

أكيد كلامكم صحيح و مبدأهم هناك أنت حر مالم تضر ..
ولكن ما ينكـر إن بعض الولايات وبعض الناس متعنصرة ضد المسلمين أو العرب البعض يراهم كارهابيين .. ولكنهم يشكلون القلة القليلة
بس يعني الواحد يحتاط أفضل .. وأنا ذكرت من واقع تجربة أخوي مع صديقه الملتحقي والمطاردات الي تعرضها لها مرتين .. مادري عن التفاصيل بس جد رعب -.-"
وبخصوص الحجاب عفووا لم أعلم بأن هناك من يتحجب ويلبس العباءة ! .. إذا كانت ترضى تلك النظرات فلتتحجب .. بالنسبة لي شي يضاايق وغير مريح ههه
عموما مجرد نصايح والواحد ماعليه إلا يختار ولاية كويسة وإن شاءالله ما يشوف إلا الخير =)

وعليكم السلام ورحمة الله وبركاته
بالنسبة للعمر فأنت لازلت في العشرينات وليدك طفله واحدة فهناك من هو في الثلاثين ولديه من الأطفال 4 وأكمل دراسته.
أمام قرار ترك الوظيفة فهذا يحتاج منك مشاورة من لديهم خبرة في مجال عملك ما هو الأنفع والأصلح بحسب رأيتهم ، وحط في بالك أنه طلب العلم مختلف عن السعي في لقمة العيش
خصوصاً لمن لديه أطفال وأسرة ، في الولايات المتحدة رسوم تسجيل الأطفال في الروضات جداً مرتفعه ، ولا خاب من إستشار.
هداك الله لا تجعلنا لله أنداداَ. هداية الله قبل وبعد كل شي أما المشاورة أخذ بالإسباب

اذا أنا بمكانك أقول لك لا تضحــــــــــي وخصوصاً أن عندك عائله

لكن اذا تقدر تدبر لك اجازه باي طريقــــــــــه وتطلع هناك وتشوف الوضع واذا جاتك البعثه برضوا يكون أفضل لك لكن حاول ما تضحي بالوظيفـــــه

لانك ما شاء الله بشركة كبيره وراتبك ماشاء الله تبارك الله معقول لكن برضوا السفر فيه فوائد كثيره وأنا يا محدثك أستفدت منه الشي الكثير

مع العلم أني خريج جامعه ولم أقدم على الخدمه المدنيه للوظيفه لإني ما حبيت أضحي لكن حالياً راح أقدم أن شاء الله والارزاق بيد الله


أستخيــــــــرر أخوي