مساعدة أسألكم بالله تساعدوني خلاص تعبت..معهدي متكدس

ياخوي اولاً اشكرك جددددا ع هذا المجهود الكبير
وثانياً الحكايه مو حكايه احب ومااحب المرض يحتم علي كذا
وثالثاً والاهم خذيت الولايات بعين الاعتبار واريزونا قد شفتها ولكن للاسف معهدها متكدس
وارجو تذكر لي المدن في الولايات الله يعطيك العافيه ويعطيك اجر الي قدمته لي


اشكرك ياخوي للغايه
ولكن للاسف المنطقه الي ذكرتها مافيها اختصاصي الي ابغاه جزيت خيراً اذا عندك مدن في ولايه كالفورنيا غير الي ذكرتها ارجو انك تشير لها
والله يعطيك العافيه

اشكرك جداً وجزيت خير الجزاء
انا قد شفت اريزونا والمكان ممتاز وكل شي فيها ممتاز بس الجامعه الوحيدة الي فيها التخصص الي ابغاه معهده متكدس
وشفت تكساس ولقيت مدينة اوستن فيها جامعه ومعهد تابع لها
اما من ناحية كالفورنيا لقيت جامعات كثيره بس مو عارفه اي مدينه هي الادفى اذا ماعليك كلفه تسأل صاحبك اختار اي مدينه بالزبط
والله يعطيك العافيه

جزاكم الله الف خير بس ارجوكم اذا تعرفون اي معلومه عن كالفورنيا ومدنها عطوني فكره
وانا افضل تكساس مدينة اوستن ابغى اعرف اذا الاجواء فيها اوك او لا
جعلها في ميزان حسناتكم وشكرررا لكم كثير

اولا /اسأل الله رب العرش الكريم ان يشفيك ويسهل امورك

اغلب ولايات كاليفورنيا ماينزل علينا ثلوج وفي الشتا صح بارده بس الصباح جوها تقدري تتحمليه اذا لبستي كويس وفي الليل الحمد لله ان في اختراع اسمه دفايه ولاكان رحت فيها لاني ماتحمل البرد

من الولايات ( سان ديغو / ايرفاين / لوس أنجلوس/ سان برناندو /سان انتونيو/غلندورا/سانتا مونيكا)

وسان فرانسسكو بس يقولو مره بارده بس كل هذي المدن ماينزل عليها ثلج وكلها في كاليفورنيا ..

ابتعدي عن إلينوي وبنسلفانيا وأنديانا وواشنطن كلها بارده جدااااا ثلوج

بالتوفيق ..*

إنتي بنفسكـ لقيتي نآس أصدروآ قرآرآت إبتعآث وآلوزآرهـ رفضوآ ؟! ولآ بس سمعتي من آلنآس "يقولون" إنه في نآس ردوهم !!
ترى هو مو لعب بزورهـ يجيني موظف مآيسوى يحوس أموري كلهآ !! أقدم على فيزآ وإنتظآر وآخر شي يقول وآلله آلمعهد متكدس !!
طيب وين أروح للأسكآ ولآ هآوآي !! مو معقوله يآخي أجل وقفوآ أمريكآ أو نضموآ آلمبتعثين بنسب معينه تروح لأمريكآ ..

إذآ عني خلآص مآعآد تلزمني آلقآئمه حقتهم وآلله آلمعهد أللي إخترته متكدس أهم شي مو مغلق ولآ معلق ,, وبروح وبنشب لهم يعني وش بيقول لي غير آلفيزآ !!
مستحيل أغيرهآ ..
وبعدين لو رحتي لبلد الإبتعآث تتوقعي آلملحقيه يقولون لكـ غيري معهدكـ !! طيب نظآم الأمقريشن الأمريكي يقول لكـ لآزم تدرس بآلمعهد أللي إنت رحت له لو سمستر وآحد على الأقل ..

وآلله حآله !!

صح نسيت أقولكـ .. ترى تقدري تكملي بتخصصكـ أللي تحبيه أللي هو إنجليزي ,, لأني أعرف أكثر من شخص طلعوآ للمآستر وكآن تخصصهم ريآضيآت ودرس مآستر تربيه خآصه ..
رجع للسعوديه وعآدلوآ شهآدآتهم ,,
وأختي نفس تخصصكـ وبنفسي رآسلتهم على تخصص يتعلق بآلأخصآئيه الإجتمآعيه وتخصص يتعلق بآلأمور الأنثويه أو شي زي كذآ وآلله نسيته لأني زمآن رسلت لهم ..
قآلوآ مآيمنع بس أهم شي مآيكون في نسبه كبيرهـ من عدد آلسآعآت آللي تدرسهآ قبل دخول آلمآستر .. إن شآء الله بشيكـ على إيميلهم وأرد لكـ خبر لأن آلكلآم هذآ زمآن رآسلتهم فيه ..
مآعليكـ منهم .. إنتي إذآ بتروحي تستلمي قرآر الإبتعآث لآ تسلميهم قبول آلمآستر في آلتسويق إذآ كآن عندكـ ..
روحي لدولة الإبتعآث وأدرسي ترى أذكر زمآن غيرت رأيي عن آلمحآسبه أكثر من ثلآث مرآت كل بعد فترهـ أجيب قبول لتخصص معين ..
أهم شي إذآ قدمتي تخصصكـ للملحقيه بعدين يكون هو آلتخصص أللي ترغبيه وتدرسي فيه ..

لو غيرتي تخصصكـ مرهـ مآبيكلموكـ بس لو أكثر من كذآ ,, بيكون فيه إشكآليه ..

وآلله يشفيكـ ويجعل آلعآفيه لكـ وآلسعآدهـ لكـ رفآقه ..

اهلين اختي ..
بالنسبه للولايات ..
فأي مدينه فيها يكون موقعها جنوبي او وسط الولاية تكون فيها درجة البروده اقل ..
كل ما اتجهتي شمال كل ما ارتفعت درجة البروده ..
ولكن هذه الولايات اخف بروده من غيرها .. والمدن الجنوبيه بداخل هذه الولايات او الوسطى تكون اجوائها مناسبه ..
فقط ابتعدي عن الشمال بقدر الامكان ..


ايضا حاب اقولك ان في امريكا انظمة التدفئه عاليه .. ماهي مثل اللي عندنا بالسعودية ..
يعني لو برى درجة الحرارة 20 تحت الصفر .. وانتي مشغل التدفئه بالبيت .. صدقيني ماراح تعرفين ان برى برد !


لان المناطق البارده جدا يستخدمون تدفئه بالغاز وهي اعلى كفائه من تدفئة الكهرب .. اما المناطق الوسطى والجنوبية
فالاغلبيه يستخدمون تدفئة بالكهرب ( عن طريق المكيف ) .. وهي كافيه لتدفئة شقة كامله في غضون عشر دقائق ..


ولكن مايهم بالامر هو نظام التدفئه اذا كان مرتبط بالكهرباء .. فلابد انك تحطين بعين الاعتبار مسألة انقطاع الكهرباء في وقت الشتاء بسبب تساقط الثلوج ..


لان احيانا يكون مثلا فيه يوم بالسنه تهب عاصفه ثلجيه بكثافه .. واليوم الثاني خلاص توقف ..
بس هاليوم هذا يسبب انقطاع بالكهرباء وتعطل سير .. الخ


انقطاع الكهرباء لحالها اذا كانت التدفئه عن طريق الكهرباء .. بحد ذاتها مشكله ..
لان مو على كل حال يضبطون الكهرباء في نفس اليوم ..


مثل ماصار معي قبل تقريبا شهر بالضبط .. انقطعت الكهرباء على ولايتنا وعدة ولايات مجاوره بسبب عاصفه ثلجيه ..
وانتظرنا مايقارب السبع ايام حتى ردت علينا الكهرباء .. مع العلم ان الكهرباء ماتنقطع من الفنادق والمراكز التجاريه الكبيره .. فقط الإنقطاع على السكان < مثل ماقال المثل حنا عيال البطه السودا ! ..


واما تاكسساس .. فاجوائها صحراويه مثل اجواء السعودية .. ووقت البرد لابد يكون فيه ثلج لكن على حسب الجو وقتها ..
احيانا يطول واحيانا لا ... بس انا افضل ان الثلج يتساقط بشكل دائم بالشتاء لو كان فيه برد افضل من الجليد .. والسبب ان الثلج يقلل من برودة الاجواء .. خصوصا لو كان فيه هواء قوي بارد ..
اما لو كان بس جليد وهواء بارد .. هذا الهواء يدخل بالعظم دايركت ( نفس برد السعوديه ) ..


وبكل الاحوال .. اذا كان البرد يأثر عليك في مرضك ..
فانا انصحك اول ماتوصلين هناك بشراء منتجات الـ Hikers ..
وهي ملابس مخصصه لمتزلجين الثلوج تكون مصنوعه من فراء ..
انا استخدم الجرابات حقتهم اخذها من ول مارت .. ورخيصه .. لكن تدفي تدفئه مو طبيعيه ..
الجراب نفسه من داخل صوف ..
حتى ارسلت كمية للاهل بالسعوديه السنه اللي راحت .. لان عندي الوالده الله يحفظها تتاثر من البرد ..


ايضا فيه مايسمى بالـ Heated bags ...
هذي ايضا تجدينها بالول مارت .. وهي عباره عن اكياس حرارية تدوم لساعات معينه (فيها توصل الى 12 ساعه) ..
مخصصه لبعض اماكن الجسم مثل اليدين والرجلين وما الى ذلك .. وتقدرين تستخدمينها وين ماتبين ..


انا احيانا اللبس الجرابات هذي واحط داخلها الاكياس الحراريه تكون تحت باطن القدم .. واقعد مده طويله بالثلج .. ودرجة حرارة جسمي تبقى ثابته ..


اتمنى اني افدتك بهذه المعلومات .. علما بانها ممكن بدري عليها .. لكن فضلت اني اشارك فيها حتى تكون عندك خلفيه .. وممكن تكون حل مناسب لمشكلة البرد معك .. !

كاليفورنيا بشكل عام جوها حلو على مدار السنة

و اي مدينة منها تفي بالغرض بس تراها غالية

عندك سان فرانسيسكو اسعارها خيالية بس احلى مدينة زرتها بـ امريكا...روعة

سان دييقو حلوة...سانتا مونيكا حلوة...سكرمانتو حلوة

مادري اذا كنتوا تقصدون قرار الإبتعاث " ماقبل الابتعاث " ..
فالوزارة ماترفض اصدار القرار الابتعاث بسبب تكدس المعهد الا لأمر واحد !
اذا كان تاريخ القبول يكون بعد تاريخ اصدار "ايقاف المعهد" ..


اما اذا كان تاريخ قبول المعهد قبل تاريخ إيقاف المعهد بسبب التكدس "..
فلا .. يقبلونه ويصدرون قرار الابتعاث بدون اي مشاكل باذن الله ..


فهي المسأله بس بالتاريخ .. تأكدوا من تاريخ القبول انه يكون بس قبل تاريخ ايقاف المعهد ..


وتوكلوا على الله .. والامور تتيسر باذن الله ..