تممنعي من السفر لأمريكا في المطار

اليوم كان موعدي بالسفارة من اجل اصدار فيزا جديدة..
كل شيء تم على مايرام لكن في النهاية اعطاني الورقة الصفراء مع الجواز وقال لابد نتحقق اولا عن سبب إلغاء الفيزا وهذي امور ادارية قد تأخذ بعض الوقت،
وسنتواصل معك لاحقا..
عسى الله يأذن بفرج من عنده

كان الله في عون الجميع.

في واحد من الزملاء سار له نفس الكلام
سار له مده هو وزوجته واطفاله في امريكا
اخد الباكلوريوس وبدا في الماستر وله ترمين رجع للسعوديه اجازه ولان زوجته كويتيه كانت اخر محطه لهم قبل الرجوع لامريكا هي الكويت وحصل معهم نفس الشي قالولهم انتو ممنوعين من الرحله هذي وبعد ما كلمو السفاره قالولهم انو الفيز ملغيه
قدمو علا فيزه جديده والان ينتظرون الرد
لهم حوالي ١٠ ايام من تاريخ التقديم

ان شالله تساهيل للكل .. ويوفقنا بدراستنا ولايضيع لنا تعب ..

الله يسهل اموركم وترجعوا تكملوا دراستكم..

بالنسبه للاخت لولوة عمور اذا اللي باقي ترم تحملي هالصيفيه وخلصي دراستك..

الله يستر وتتسهل الامور..

دائما لما تتطلع امور الشخص يردد دعاء ( اللهم لا تقدمنا لـ شر و لا تؤخرنا له )
سبحان الله الواحد ما يدري ايش الخير فيه ,, و ان شاء الله انه ربي يكتب لك اللي فيه الخير و الصالح يا اخوي
ودي انك قبل ما تقدم على الفيزا لـ المرة الثانية انك استخرت و شفت ايش يصير معاك
و في اسوأ الظروف تقدر تغير بلد الدراسة من امريكا لـ كندا او استراليا او اي مكان ثاني ,, و السالفة كلها قبول جديد و فيزا جديدة

امشي جنب الحيط يحتار عدوك فيك - حكمه مصرية
انتبهوا من مخالفة الانظمه وابن امه يكنسل فيزكم ..
للأسف بعض الشباب يسحب على الاجار ولا يسدد مخالفات ويسحب على البنك اذا صار حسابه بالماينس
انتبهوا من ذا الاشياء .. وبالتوفيق

صادق .. هذي اهم النقاط اللي اعرفها مع اللي تكنسلت فيزهم لما راحوا السعوديه ..

اخر واحد الفصل اللي راح .. رجع السعوديه وتكنسلت فيزته على طول ..

صدق كان يدفع السكن بانتظام .. مايتاخر عليهم ..
لكن كانت عليه مخالفات مروريه كلها بالجامعه ..
وايضا كان يسحب بالماينص بشكل شهري .. اكثر انسان شفته مطنش على اني سبق ونبهته ..
وهو ماشي بدراسته ولا عليه اي مشاكل اخرى بس كانت هذي مشكلته ..
وحتى الماينص كان يسدده على كل راتب .. يعني من الراتب للراتب ..

والفصل اللي فات لما جا يسافر كان حتى مجهز عفشه وحاجز بشقه جديده على اساس اذا رجع ينقل من شقته القديمه ..
دفع كل المستحقات اللي عليه ( مخالفات + بنك + الشقق ) .. وراح للسعوديه ..
ولما جا يرجع منعوه وقالوله فيزتك مكنسله ! ..


ففعلا هالامور خصوصا " البنوك والماينص " .. هذي تدمر الكريدت حق الامريكي فما بالك بالطالب اللي معه فيزا ؟

خصوصا الطلاب اللي يفتحون حسابات ويتركونها تقفل بالماينص ويفتحون حساب ثاني غيره ولا يسددون الحساب الاول !

هالامور كلها تنرفع للجهات المختصه .. حتى لو ماكلموك ولا قالولك شي .. خلاص توصل للامقريشن .. واذا وصلت عرفوا كيف يتعاملون معك ..

قبل شوي اتصلت على الامقريشن في امريكا وشيكو على فيزتي قالولي فيزتك سليمة وشغالة إلى 2015 كيف اتمنعت ومين منعك ؟؟

وقالو في فيزا جديدة مقدمة باسمك وهي تحت الاجراءات الادارية ,, ليه تقدم على فيزا جديدة وانت عندك وحدة شغالة

قلت لهم السفارة في بلدي نصحوني اقدم على فيزا جديدة ,, قالو كيف يخلوك تقدم على فيزا جديدة وفيزتك سليمة وشغالة

قالو عموما مدام قدمت على فيزا جديدة فيزتك القديمة ماتقدر تستخدمها ,, والتقديم الجديد حيلغى أي مشكلة قديمة عليك ,, اصبر لفيزتك الجديدة الين تطلع

هاللحين مو المفروض يكون عند القنصليه ان فيزتك فعاله ؟ اذا الامقريشن في امريكا قالوا انها سليمه ؟
ليش الامقريشن لحال والقنصليات لحال ؟ اخبر النظام متصل ببعض .. مايصدر شي الا هم عندهم خبر فيه الطرفين .!

فكيف تكون سليمه ويخلونك تقدم على جديده ؟ وليش مايلغون الجديده ويكملون على القديمه ؟ ليش الغوا عنك القديمه علشان الجديده ؟
اختصار للوقت !.

سبحان الله .. ولله في خلقه شؤون !!!

لا السفارة قالولي فيزتي مهي ملغية لكن لمن ماعرفو ايش المشكلة قالو خليه يقدم على فيزا جديدة ,, مدير الامن القومي في القنصلية عمل معاي انترفيو ساعة وقالي انت ماعليك شي فيزتك سليمة وماعندك اي مشكلة في امريكا لكن المنع غريب ,, والسفارة في الرياض نفس الشي قالولي فيزتك مهي ملغية لكن قدم على فيزا جديدة

تساؤلات في محلها ,, ليش ما يكون كل شي واضح لنا ؟؟ ما الوم السفارة الامريكيا ,, لو مواطن أمريكي يسير فيه زي الي سار فيا حتقوم كل الجهات الامريكيا المسؤولة وتحلله مشكلته ,, مدام سلمنا الامريكان رقابنا الله يخلف