درجاتي ممتازه هل فيه امل يتساهلون معي في القبول المشروط
بسم الله الرحمن الرحيم
شباب اخباركم
انا عندي ولد اخوي تخرج من الجامعه بمعدل عالي 3.65 مت 4 (امتياز)
تخصص محاسبه و ناوي يكمل ماستر في تخصص الادارة المالية في جامعة Utah State University
التساؤل هو ::
من ضمن الشروط لازم يجيب درجه في الجيمات و التوفل او الايلتس هل هذا الزامي له و الا فيه امكانيه يتغاضون عنه؟؟
هل سبق و تم قبول احد في هالجامعه مع التغاضي عن بعض الشروط ؟
الولد ملزم ما يدرس في غير هذي الجامعه حتى لو اضطر لالغاء بعثته
و اخيرا ابغا من طلاب هالجامعه معلومات عنها و عن مستوى كلية الادارة و الاقتصاد
و اعذروني على الاطاله و لكم مني جزيل الشكر
اخوكم // طالب يوتا
رد: درجاتي ممتازه هل فيه امل يتساهلون معي في القبول المشروط
اذا الجامعة تعطي قبول مشروط،يعني تدرس في معهدها ويتنازلون لك عن التوفل او الايلتس،،،،فراح يتنازلون
الجيمات انت وحظك،ساعات المشرف يقتنع فيك اذا كان عندك سيره ذاتيه جيده ويقولك راح اختبر وخذ اي درجه مو مشكله،،،لكن هذي نادرا تصير،،،شوف جامعة ولاية اوكلاهوما، راسل واحد من المشرفين وان شاء الله يتنازلون عن الجيمات،،،،واذا تبي نصيحتي لا تطلع من السعودية الا وانت محضر للجيمات كويس والايلتس برضو، يعني تعطي نفسك فتره لا تزيد عن اشهر تعلم لغة وتقدر تاخذ فيها الايلتس والجيمات
رد: درجاتي ممتازه هل فيه امل يتساهلون معي في القبول المشروط
أجل ملزم يلغـــي بعثته لو مآدرس بهآلجآمعه بآلذآت !! ونآس ميته تبي آلبعثه ,, وطوآبير صآفين لجل ينضموآ !!
سبحآن آلله ..
أمآ آلشروط تختلف من جآمعه لجآمعه في إمكآنية آلتسآهل ,,
أحسسن حل له يرآسل آلجآمعه ويكلمهم عن وضعه وأتوقع آلجآمعه مآر عليهآ نآس كثير إمتيآز من قبل ,, أكيد عندهم آلعلم الأكيد ..
آلله يوفقه ويفقنآ أجمعيــــن ,,
رد: درجاتي ممتازه هل فيه امل يتساهلون معي في القبول المشروط
الله يعافيكم على الردود
ودي احد من طلاب هالجامعه يشاركنا لعل و عسى انقل لولد اخوي الصورة الصحيحه
الادمي الله منعم عليه و راح لامريكا كثييييييير و عارف باغلب جامعاتها بس الجامعه هذي ليه مقتصر عليها انا ما ادري ليه ؟؟؟؟؟
و الله يعين و يوفق الجميع
رد: درجاتي ممتازه هل فيه امل يتساهلون معي في القبول المشروط
أنت في العنوان تسأل عن نفسك وفي الموضوع تسأل عن ولد أخوك، والمهم هو:
هل أنت تبيهم يتعاضون نهائياً يعني ما يطلبون منه؟
أو تبيهم بس يعطونك قبول مشروط؟
رد: درجاتي ممتازه هل فيه امل يتساهلون معي في القبول المشروط
خطا مطبعي مو اكثر لا تدقق
المقصود من تساؤلي انهم ما يطالبون بالدرجه اللي محددينها
و يرضون باي درجه في الجيمات
اما استفسارك الثاني فغريب كيف فصلت القبول المشروط عن التغاضي عن الشروط المطلوبه
مو هم لو تغاضوا عن شرط اختبار الجيمات فاكيد ان المساله تيسرت و جاء القبول المشروط
اللي ولد اخوووي يبيه << مو انا ولد اخوي
هو قبول مشروط مع تغاضي عن شرط درجة الجيمات
اتمنى وضحت الصورة
رد: درجاتي ممتازه هل فيه امل يتساهلون معي في القبول المشروط
مسال. عدم مطالبتهم بالاختبار نهائيا هذي ما ات.قع صارت للامريكان احصاب البلد فما بالك بنا نحن
رد: درجاتي ممتازه هل فيه امل يتساهلون معي في القبول المشروط
اقتباس:
المشاركة الأصلية كتبت بواسطة طالب يوتا
خطا مطبعي مو اكثر لا تدقق
المقصود من تساؤلي انهم ما يطالبون بالدرجه اللي محددينها
و يرضون باي درجه في الجيمات
اما استفسارك الثاني فغريب كيف فصلت القبول المشروط عن التغاضي عن الشروط المطلوبه
مو هم لو تغاضوا عن شرط اختبار الجيمات فاكيد ان المساله تيسرت و جاء القبول المشروط
اللي ولد اخوووي يبيه << مو انا ولد اخوي
هو قبول مشروط مع تغاضي عن شرط درجة الجيمات
اتمنى وضحت الصورة
لا والله سؤالي مو غريب، لكن أنت الظاهر عندك لبس في مفهوم القبول المشروط.
إذا تغاضوا عن الشرط جاك قبول غـــيــــــــــر مشروط.
إذا أعطوك قبول مشروط معناه أنت مقبول لكن بعد سنة أو سنتين لازم تجيب لهم الدرجة.
رد: درجاتي ممتازه هل فيه امل يتساهلون معي في القبول المشروط
لا إله الا انت سبحانك اني كنت من الظالمين
كفارة المجلس
سبحانك اللهم و بحمدك لا اله الا انت استغفرك و اتوب اليك
رد: درجاتي ممتازه هل فيه امل يتساهلون معي في القبول المشروط
هلا اخوي
اولا الله يزفق ولد اخوك القبول
بخصوص هالجامعه انا شيكت على موقع الوزارة اشوف هالتخصص (
غير معترف فيه لمرحلة الماجستير
لكن ما يمنع انه يراسل الملحقية ويطلب ضمان بغرض القبول اذا عطوه زين على زين بعدها ينتقل للمرحلة الي بعدة
انا شيكت على موقع هالجامعه مو مبين انهم يطلبون درجة معينه بالجيمات لكن يقولك متوسط درجات الي تقدموا لنا الترم الماضي 640 تقريبا لكن يطلبون 6 بالايلتس او 79 بالتوقل
لكن ترا ما يمنع انه يراسلهم ويقدم لهم درجة الجيمات الي قدر يجيبها ( اياً كانت ) ومع معدل الجامعه ( بما انك تقول معدله عالي ) والقسم يدرس الطلب ويمكن يوافقون
الي اقصده لا تنتظر وتشاور عب الابلكيشن وقدم رسمي وان شاء الله تتيسر الامور