Pump Up Your English - أرفع مستوى لغتك بالكتابه بمشاركتك مع الاعضاء.

الله يعطيك ألف عافيه ويوفقك ربي ان شاء الله على كل حرف كتبته . . وانا ان شاء الله بكره بعد اختباري برجع لنفس الموضوع واحاول اغير بعض الجمل وصياغتها زي مانصحتني . .

اما على كلامك الأخير ما اقولك الا الله يجبر بخاطرك ويسلمو ياخوي على تشجيعك . . اما اني اصير احسن منك واصححلك بعد فترة فهذي قوية شوية ^_^ ماشاء الله تبارك الله مو محتاج شهادتي بكتابتك وخبرتك . .

ألف شكر ثاني . . ومع خالص تحياتي . .

بالعكس اختي .. انتي عندك تدفق بالتعبير وواضح انك تحبين تكتبين كثير ...
وهذا الشيء جدا ممتاز لتقوية مهاراتك بالانجليزي ..
وعندك امكانيات عاليه .. لكن ينقصها قليل من الخبره ..
علشان كذا صار فيه فرق كبير بين القطعه الاولى اللي قدميتها قبل فتره .. وبين هالقطعه ..
وفرق واضح ماشاء الله عليك ..

وانتي الان وجميع الاخوه اللي في فترة اللغه .. المفروض انهم ياخذون هذه الفرصه في تطوير لغتهم لاقصى مستوى ممكن ..
لان هذه الفتره فرصه لاتعوض .. بكره تدخلون بالجامعه والله حتى المنتدى تنسون اهله .. ماتدرون انتوا تذاكرون او تحلون الاسايمنتس او ترتاحون !
فبالتالي ماراح يكون فيه وقت كافي لتطوير مهارات اللغه .. والتركيز داخل الجامعه بيطور اللغه ولكن بشكل بسيط وغير ملحوظ الا بعد فترات متباعده ..


اسأل الله التوفيق لي ولكم ...