الأعضاء الإشتراك و التسجيل

الملتقيات
ADs

طريقة تحويل الفلووس

طريقة تحويل الفلووس


NOTICE

تنبيه: هذا الموضوع قديم. تم طرحه قبل 1826 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. سبق وتم شرح هالنقاط في اكثر من موضوع .. ولو بحثت كان لقيت الجواب ..


    الحد المسموح لك باخذ الفلوس كاش هو 10 الاف دولار .. كما ذكروا لك الاخوان ..
    وتقدر تاخذها معك كاش في محفظتك ..

    اما عن طريقة تحويل الفلوس من السعودية الى امريكا .. فـاقرأ ردي في احد المواضيع :
    المشاركة الأصلية كتبت بواسطة 1OK
    بالنسبه للتحويل من بنك سعودي الى امريكي .. فاللي تحتاجه من معلومات هو :
    - Routing Number
    - Account Number
    - Swift Code

    طبعا بالاضافة الى عنوان فرع البنك الامريكي .. ومعلوماتك الخاصه ( اسمك الكامل + عنوانك ) ولابد تكون مطابقه للمعلومات اللي مسجله بالبنك الامريكي ..

    طبعا طريقة الاضافة بسيطه .. من خدمة الانترنت البنكي .. تقدر تروح الى قسم الحوالات الدوليه .. وتسجل معلومات البنك الجديد الخاص فيك ..
    وبعدها تنتظر الين تجيك الموافقه منهم .. عاد كل بنك له وقته الخاص .. فيه بنوك خلال 24 ساعه .. وفيه بنوك تاخذ بالايام .. لكن ماتتعدى 3 ايام عمل ..

    عمولة التحويل للعملية الواحد لا تقل عن 50 ريال .. والبنوك تختلف بعمولتها .. لكن كلها متقاربه مابين الـ 50 الى 80 ريال للعملية الواحدة ..

    المدة المستغرقه لوصول الحواله الى البنك الامريكي .. تستغرق مابين الـ 3 الى 5 ايام عمل .. واحيانا اذا وافق وقت التحويل بداية دوامات السعودية بالصباح .. يدخل بحسابك المبلغ في ظرف يومين ..
    ( يعني افرض انك حولت المبلغ يوم السبت الصباح بتوقيت السعودية .. تستلم المبلغ يوم الاثنين الصباح بتوقيت امريكا .. ! ) هذي كانت تصير معي كثير ..


    اما اذا كنت تريد حوالات سريعه بنفس الوقت .. فالويسترن يونين موجود .. ولكن مايعيبه ارتفاع عمولته للحوالات ..
    فالويسترن ياخذ بالنسبه .. كل مازاد مبلغ التحويل كل مازادت عمولتهم .. واحيانا تكون عملتهم عاليه لدرجة أنك تحس اخذوا مبلغ كبير من الحواله .. !

    فالافضل انك تستخدمه فقط في حالات الطوارئ وللمبالغ المستعجله وتكون تحت الـ 1000 دولار ..


    ايضا عندك مايسمى السبيدي كاش .. هذا نفس طريقة الويسترن .. لكن التحويل يكون فوري على الحساب البنكي ..
    وعملتهم اقل من الويسترن بكثير .. يعني معقوله نوعا ما ..
    طريقتها انك تسجل معلومات حسابك البنكي عندهم ( نفس المعلومات اللي فوق)) ويعطونك بطاقة عضويه .. ويصير كل ماتجيهم تعطيهم البطاقه ويحولون لك على الحساب المسجل ..
    حد التحويل للحواله الوحده على ما اذكر 7000 الاف دولار .. ويكون المبلغ بحسابك دايركت ثاني يوم الصباح ..
    ( هذي لابد يكون واحد على اتصال معك دائم لان البطاقه بتكون باسمه وهو اللي بيحول لك كل مره ) ..


    فيه عندك اخر طريقة تحويل اعرفها وهي الـ MoneyGram ..
    نفس نظام الويسترن بالضبط .. لكن الفرق انه اقل عمله من الويسترن .. نظام رسومهم تقديريه ..
    يعني كل مبلغ معين له مبلغ رمزي .. واعلى مبلغ رمزي لرسومهم على ماذكر كان 300 ريال اذا ماكنت غلطان .. هذا على 10 الاف دولار !
    الحد الاقصى للعملية الوحده هي 10 الاف دولار ..
    سرعة استلام الحواله ( فورية - عشر دقائق ) ..

    هالخدمه موجوده بالسعوديه فقط عند البنك الاهلي .. ويسمونها الـ QuickPay ...

    تقدر تستلم مبالغ التحويل من الموني قرام .. من اي فرع يقدم خدمة الموني قرام بامريكا .. وعادة تكون مكاتب الـ Express Cash .. اللي تختص بشحن بطاقات الفيزا والماستر كارد مسبقة الدفع و الموني اوردر والشيكات وماخالفها ..


    هذي طرق التحويل اللي اعرفها بحسب تجربتي ..

    هذا والله اعلم ..,

    ايضا اريد أن اضيف شغله نسيت ان اضيفها .. وهي مسألة الشيكات الدولية .. فهي طريقه مختصره لكامل الموضوع ... ولكن قلة من الطلاب يستخدمونها .. فالاكثريه الان يستخدمون بطاقات الائتمان مسبقة الدفع السعودية .. لشحنها عن طريق استخدام خدمة الاون لاين واستخدامها داخل امريكا في بداياتهم ..
    ولكن الشيكات فعاله ايضا تعطي نفس النتيجة .. وهي تعامل كما يعامل الـ Money Order في امريكا ..
    ومقبوله في جميع البنوك مادامت مصدقة من البنك المصدر لها وموقعه ..

    ولكن يبقى الخيار عائد الى صاحبه ..

    هذا والله اعلم ..
    7 "
  2. المشاركة الأصلية كتبت بواسطة 1OK
    سبق وتم شرح هالنقاط في اكثر من موضوع .. ولو بحثت كان لقيت الجواب ..


    الحد المسموح لك باخذ الفلوس كاش هو 10 الاف دولار .. كما ذكروا لك الاخوان ..
    وتقدر تاخذها معك كاش في محفظتك ..

    اما عن طريقة تحويل الفلوس من السعودية الى امريكا .. فـاقرأ ردي في احد المواضيع :



    ايضا اريد أن اضيف شغله نسيت ان اضيفها .. وهي مسألة الشيكات الدولية .. فهي طريقه مختصره لكامل الموضوع ... ولكن قلة من الطلاب يستخدمونها .. فالاكثريه الان يستخدمون بطاقات الائتمان مسبقة الدفع السعودية .. لشحنها عن طريق استخدام خدمة الاون لاين واستخدامها داخل امريكا في بداياتهم ..
    ولكن الشيكات فعاله ايضا تعطي نفس النتيجة .. وهي تعامل كما يعامل الـ Money Order في امريكا ..
    ومقبوله في جميع البنوك مادامت مصدقة من البنك المصدر لها وموقعه ..

    ولكن يبقى الخيار عائد الى صاحبه ..

    هذا والله اعلم ..

    يعني يالغالي تنصحني بالشيكات أفضل

    مشكور على الشرح
    7 "
  3. المشاركة الأصلية كتبت بواسطة suliman1010
    يعني يالغالي تنصحني بالشيكات أفضل

    مشكور على الشرح
    يعتمد على المبلغ اللي عندك .. وعلى موافقة البنك .. استفسر وشوف كيف طريقتها وكم رسومها .. فشوف المبلغ اللي تحتاجه كم ..
    اذا كان المبلغ فوق الـعشرين الف دولار .. فخذ شيكات دولية وصدقها من البنك .. وخلاص تكون هي مدفوعه بالاساس .. يصير اذا جيت امريكا تروح للبنك وتودع الشيكات بحسابك ..


    اما اذا كان المبلغ لا يتعدى العشر الاف دولار .. فخذ منها النص او خذها كامله كاش معك ..
    واذا وصلت امريكا تفتح لك حساب ببنك اوف اميركا وخلال عشر دقايق يكون جاهز بس تودع الكاش اللي معك بالحساب وتستخدم البطاقه المؤقته اللي بيعطونك اياها ..
    اما اذا كنت ماخذ النص والنص الثاني مخليه بالسعودية .. فبعد ماتفتح حساب في بنك اوف امريكا تربط الحسابين عن طريق خدمة الاون لاين .. وتحول المبلغ من السعودي الى الامريكي ..
    البنك السعودي بياخذ حدود الخمسين ريال على الحواله الوحده .. والامريكي بياخذ عمولته من الحواله .. وهي ماتتعدى الـ 15 دولار ..
    وبكذا تنتهي من سالفة الفلوس .. وبكل الاحوال انت لابد تربط حسابك السعودي بالامريكي .. سواء عندك حواله او ماعندك .. لان مستقبلا ممكن تحتاج تحول مبلغ من السعودية مثلا قول انك دبرت مبلغ السياره ..
    وتبي تحولها من السعودية .. فتقدر تحولها عن طريق البنك افضل لك وارخص .. وكلها كم يوم وهي بحسابك ..

    وبكل الاحوال ترا الشيكات نظام قديم جدا .. ولكن ذكرته للفائده فقط ..
    وتقدر تكلم البنك السعودي اللي انت عندك حساب فيه وتسألهم عن طرق جديده .. مثل بطاقات ائتمان وماخالفها ..

    استفسر منهم .. وشوف اللي يناسبك ..
    7 "
  4. المشاركة الأصلية كتبت بواسطة hennawi
    عندك بطاقة مداد 100 دولار عليها 8 دولار عموله من تجربتي
    أخي حناوي
    هل تقصد ان كل عملية شراء على بطاقة مداد تكلفني ثمانية دولارات كرسوم يستقطعها البنك او قصدك شيء آخر
    ممكن تفصيل اكثر لو سمحت
    وشكرا للتجاوب
    7 "
2 من 2 صفحة 2 من 2 12
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.