هذا هو تخصصي من يساعدني له دعوه في أخر سجده من صلاة الفجر .. تكفووووون
السلام عليكم
عمت أوقاتكم بكل خير
اخواني انا معي دبلوم تأمين من السعوديه وحاب أكمل لدرجة البكالوربوس في أمريكا بس أبي أعرف كيف أحصل جامعه عندها هالتخصص أو تقدر تكمله لي للبكالوربوس تكفون ساعدوني
التخصص : تأمين > Insurance
وعندي أستفسار ثاني ..
لو فرضآ حبيت أدرس اللغة في ولاية وبعد ما أخلص أنقل ولاية ثانية أبداء فيها بالجامعه ينفع؟
وايش الاجراءات
وعسى ربي يوفقكم ويجعل النجاح من فالكم
أخوكم : طلال
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
ما عندي جواب للسؤال الاول، لكن الافضل تذكر مكان الشهادة من السعودية و وين؟
بالنسبة للثاني، ما عندك مشكلة اذا تدرس اللغة في مكان و الجامعة في مكان لكن بشرط ان المعهد ما يكون متكدس "شل من بالك فلوريدا" :)
لكن نصيحة و بتحصل كثير من الاعظاء يتفق معي
حاول انك تحصل قبول في جامعة مشروط و يكون المعهد تابع للجامعة
فأول ما تخلص من المعهد دايركت على الجامعة
كذا بترتاح من مشكلة الاختبارات و التنقل من مكان لمكان
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
الله يجزاك خير يارب
تخصصي Insurance من الاكاديمية الدولية للعلوم الصحية تحت إشراف هيئة التخصصات الصحيه
طيب تنصحوني ابحث لنفسي واخاطب بنفسي
ولا اروح لمكتب واقول له السالفه وهو يبحث لي
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
بالنسبة للسؤال الأول .. ابحث بنفسك بالمنتدى والنت عموماً لمدة أسبوع وان شاء الله بتطلع بفايده ، وهالشي بيغنيك عن المكاتب باذن الله
بالنسبة للسؤال الثاني .. أنا اؤيد كلام الأخ محمد ، أفضل لك تبحث عن جامعة تدرس بمعهدهم وتدخل دايركت للجامعة بدون اختبارات لغه ووجع راس
وفقكـ الله
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
بالنسبة لسؤالك الأول أفضل حل برأيي أنك تلجأ لمكاتب القبول تسألهم عن جامعات تقبل بالدبلوم اللي معاك على أساس انك تكمل عليه بكالوريوس ويعادلون لك ساعات
لأن أمريكا فيها لا أقل عن 3000 جامعة مستحيل أنك تراسل كل جامعة لسؤالهم عن تخصصك برأيي المكتب أفضل حل
بالنسبة لسؤالك الثاني لا مانع ابدا بأنك تدرس اللغة بولاية و دراستك الأكاديمية بولاية أخرى
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
مشكورين على المعلومات القيمه
شكرآ لمروركم العطر
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
أخوي بالنسبة لتخصصك موجود بأمريكا بحثت ولقيت لستة جامعات وتعطي بكالوريس insurance
لكن بالاول لازم تسوي معادلة لشهادتك وابحث وانشالله تلاقي تقدر تبحث بنفسك تدخل موقع الوزاره > التعليم في الخارج > الجامعات الموصى بها
سهله تكتب اسم الدوله والتخصص والدرجة العلمية وتطلع لك الجامعات انت اقراء شروطها حاول تترجمها ..
بالنسبة للسؤالك الثاني عادي جداً تدرس بولاية لغه وتحصل قبول جامعة معترف فيها من اي ولاية و حتى بعد تقدر بعد تحول بعثتك من دولة لدوله لوحصلت قبول جامعه مووووفق ولاتنسانا من دعواتك ... موفق
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
اخت شتات انثى مشكوره من القلب
وجزاك ربي كل خير لبحثك ومعلومتك القيمه
الله يوفقك ويبارك لك بكل خطوه تخطينها ويبعد عنك عيال الحرام ويجعل النجاح من فالك في كل مكان وبكل خطوه
شكرآ
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
انت متخرج من الاكاديمية الدولية للعلوم الصحية حسب كلامك ..
يعني انك دارس health insurance مو insurance as business track ..
انصحك تكمل health care administration (ادارة صحية) ..
رد: هذا هو تخصصي من يساعدني له دعوه في أخر سجده من صلاة الفجر .. تكفووووون
اقتباس:
المشاركة الأصلية كتبت بواسطة Abadi 177
انت متخرج من الاكاديمية الدولية للعلوم الصحية حسب كلامك ..
يعني انك دارس health insurance مو insurance as business track ..
انصحك تكمل health care administration (ادارة صحية) ..
أتفق مع الأخ عبادي 100%
