رد: وش رئيكم في فكرة الزواج
اهم شيء انك تكون صريح معاها من البدايه وتقولها راتبي 1850 وفيني كذا وكذا وكذا واعيش في كذا وكذا ووالخ
اذا وافقت على ظروفك وشروطك ووافقت انت ايضاً على شرطوها وظروفها
وكان فيه تقارب في الافكار راح تعيش مرتاح وراح تنبسط اهم شيء التوافق بينكم اهم شيء التوافق بينكم وعشان يكون فيه التوافق لابد من الصراحه من البدايه حتى لو راتبك 100 دولار وبينكم توووافق راح تعيشوون مرتاحين
ولاتستعجل في اختيار العروس
اهم شيء انها تخاف الله
اتمنى لك التوفيق
رد: وش رئيكم في فكرة الزواج
كمل نصف دينك, واحسن الاختيار.
رد: وش رئيكم في فكرة الزواج
أنا أؤؤيد الفكرة تماما , خاصة اذا كنت انسان واعي وفاهم و مستعد للزواج من الناحية المعنوية .
أنا الان خاطب وبإذن الله انتظر قبول جامعي و راح انزل اتزوج واجيب المدام معايا . انت اكيد عشت هنا و شفت الضغوط النفسية , الواحد يتزوج اكيد بيستقر نفسيا و يركز على دراسته وما قصروا الاخوان قبلي
بس حاب أأكد على نقطة الزوجة تكون فاهمة وضعك تماما و مستعدة لتقبل المعيشة هنا بكل ظروفها .
الله يوفقك و يسهل علينا و عليك ^__^
رد: وش رئيكم في فكرة الزواج
على فكرة !! راتبكم سوى يطلع 1847 + 900 = 27447$
بالتوفيق
رد: وش رئيكم في فكرة الزواج
توكل على الله واعقلها وتوكل ,,,, وماراح ازيد على كلام الاخوان الي سبقو الرد من قبلي ,,
انا وزوجتي عايشين على المكأفاة 2825 دولار ,, راتب مبتعث ومرافق ,, والحمدلله عايشين في نعمة نصرف على قد راتبنا ,,
توكل على الله ,, واسال الله انو يوفقك ,, ويوفق كل ما اراد اكمال نصف دينه
ابو سعد
رد: وش رئيكم في فكرة الزواج
الله يكتب لك اللي فيه الخير
بس نصيحه حاول ترتبط بمبتعثه أو ع الاقل تدرس جامعة ف السعودية وعندها استعداد للإكمال هناك
بكذا راح تضمن انها فاهمه وضعك ووش لك ووش عليك وبتشاركك مسؤليات الغربه
لان كثرو بنات الثانوي المغتربات !!
رد: وش رئيكم في فكرة الزواج
والله يخوك .. شوف انا انسان ماني متزوج .. لكن الكثير ينصح بالموضوع هذا .. تزوج وتوكل ع الله وخذها معاك
واذا كانت متعلمه .. تقدر تخليها تدرس هناك بكالوريوس او ماستر .. ومكافاتك ع مكافتها راح تعيشكم بخير ان شاء الله
وشوف حبيبي .. اذا خايف او شي .. اطلع اول سنه وخلص اللغه وإذا خلصت اللغه ودخلت الجامعه تزوج .. ^_^ انا راح اسوي كذا :)
رد: وش رئيكم في فكرة الزواج
ممكن المتزوجين المبتعثين لهم الرأي الأصوب بما انهم عايشوا الغربة والزواج معاً
ولكن من وجهة نظري _أنا_ ان الزواج مسؤولية ليست سهلة .. ضف على ذلك ان الامور هناك ليست كما هنا
والواجب على المبتعث ان يكون همه الأول الرجوع بما أراد ان يحصل عليه قبل التغرّب
الزواج مطلب .. والغريزة الجنسية في كل شخص
ولكن من حاول جاهداً التفرغ لدراسته وأقول هنا التفرغ التام .. فلن يجد وقتا لغير ذلك (باستثناء الاجازات)
برأيي ان الزواج *ملحوق عليه* ولن يفوتك القطار
ولكن الندم كل الندم ان تعود خالي الوفاض او حتى بشهادة لاتفخر بما هو مدون بها .
كل التوفيق
رد: وش رئيكم في فكرة الزواج
اقتباس:
المشاركة الأصلية كتبت بواسطة dead n gone
على فكرة !! راتبكم سوى يطلع 1847 + 900 = 27447$
بالتوفيق
ماشاء الله تبارك الرحمن 27447$ هههههههههههههه والله حلوه
رد: وش رئيكم في فكرة الزواج
شوف يا اخوي انا رح اكون كاش و بـ قوة معاك عشان ما تضيع مع كلام الاغلبية اللي ايدوا السالفة
اولا : انت ليش تبغى تتزوج ؟!
اذا هدفك استقرار و بناء بيت و اسرة ,, اقول لك اتوكل على الله و ربي يوفقك
اذا هدفك انه و الله ما تلجأ لـ الحرام و تستغني بـ الحلال ,, فـ معليش يا اخوي بس حاليا انت غير مؤهل لـ الزواج
لانه اللي ما يقدر يسيطر على غريزة فيه ,, اضعف من انه يسيطر على حياة زوجية كاااااااااااااااملة و معاها حياة دراسية
وبنت الناس رح تتحمل اي مصيبة يكون فيها زوجها ,, تتحمل فقر و تتحمل غربة و تتحمل تعب و تتحمل شحططة بس اللي ما فيه حرمة
تقدر تتحمله انها تحس انه زوجها مجرد ذكر و ليس رجل ,, وانها فقط شيء يلجأ له وقت الحاجة و غير كذا ما يعرفها
الزواج مسؤلية
و مش مسؤلية مادية و بس ,, بـ العكس ممكن المادة و الفلوس تكون اهون شيء في الموضوع لانه لو المكافأة ما كفتك تقدر تغير لـ ولاية رخيصة وانتهينا
لكن مسؤلية حرمة ,, لازم تتحملها و تقدر مشاعرها و تراعيها و تخاف الله فيها لانه مالها بعد الله الا انت
و مسؤلية بيت ,, انت ملزوم انك تراكض وراه و تلبي طلباته و تشوفي الاعطال اللي ممكن تصير فيه و تشوف السكن الانسب لكم
ومسؤلية عيال اذا الله رزقكم ,, عاد هذولا بـ لحالهم يقصوا الظهر
و زيد عليها مسؤلية دراستك ,, من دوام و ضغط و اخلاق خربانة
اذا ما تعرف تفصل بين دوامك و بين بيتك اصرف لك خليك عزوبي ,, لانه رح تتعب و تتعب البنت معاك
على فكرة ,, أنا هدفي مو انه اخوفك ,, بـ العكس انا من اشد المؤيدين انه المبتعث يتزوج
لكن هدفي انه الصورة تكون واضحة قدامك
صح الحرمة توفر لك الاستقرار النفسي ,, بس انت برضوه مطالب بـ نفس الشيء
صح انها رح تغسل لك و تكنس و تمسح و تطبخ ,, بس انت مطلوب منك انه تراعي و تقدر و تساعد
صح انها رح تكون سند لك في وقت الضيق و الشدة و تلاقي من يطبطب عليك ,, بس برضوه وقت الرخاء لازم ما تقصرمعاها
يعني من الاخر
الموضوع مو يعتمد عليك انت و بس ,, يعتمد عليها هيه كمان فـ لو ما احسنت الاختيار من البداية رح تتوهق
ولو نصبت عليها من بداية خطوبتكم و بزعم انك الولد الحبيب اللي يحط لها الشمس في يد و القمر في اليد الثانية رح تاكلها بعدين
خليك معاها واضح و فهمها الهرجة كلها ,, فهمها انه هذي قدراتك المادية ,, و هذي طبيعة حياتك في الغربة ,, و هذي شخصيتك
اذا قبلت فيك زي ما انت بدون اي اشتراطات فـ ابشر بـ المرة السنعة اللي تبرد على الخاطر
اذا تأتأت و وطت راسها و بدات تقول لك يزينها ربك و ما ادري ايش اعرف انه السالفة مو عاجبتها من الاساس و على الاغلب ما رح ترتاح
و لا رح تريحك
فكر في السالفة زين ,, ترى الزواج مو بس طق طيران و وناسة و هيصة و فلة و شهر عسل