وش رئيكم في فكرة الزواج

على حسب .. أي نوع من الشباب انت؟
اذا في بالك وحده تحبها وتحبك ومقتنعين في بعض .. انا اقول تزوج والله يبني بيتك
اذا تبي الراتب اللي يجي من وراها وورى عيالها .. انا اقول ترى الفلوس وسخ دنيا وانت كذا راح تدمر
مستقبلك ومستقبل البنت ..
واهم شي ماتكون عيونك طويله وراعي خرابيط لان اصعب شي على النفس هو الاحساس بالنقص .. لا تحسس
زوجتك انها ناقصه جمال او اسلوب .. (( رفقاً بالقوارير))

اصلح نفسك قبل انت تتزوج فالطيبون للطيبات والخبيثون للخبيثات .. لعلك تكتب من الطيبين ويرزقك الله بانسانه طيبه مثلك .. اذا تبي زواجك تتوفق فيه اصلح نفسك قبل ان تتزوج وكثف من الدعاء .. الله يوفقك وتكمل نصف دينك ويلحقني معك وكل المبتعثين يارب .. وخل في بالك الزواج كله بركه ولا تلقي نظر لمن يصعبون موضوع الزواج خاصه ان كان زواجك لوجه الله وصون نفسك

توكل على الله وصن نفسك واستر على بنت من بنات المسلمين والغربه مريره ... الله يوفقك

الزواج خير وصيانة للنفس ولكن في نفس الوقت مسؤولية كبيرة وخصوصاً مع الأطفال.

ولذلك توك صغير وأنصحك بالتريث، لاتتوهق وتوهق معاك بنت الناس.

أفصل شي أنك تروح دار الغربة وتشوف الوضع هناك، ممكن تتغير وجهة نظرك بعد ماتشوف الحياة والمبتعثين ومنها تكسب وقت سنة أو سنتين وبعدين تقرر تتزوج.

وعليك في هذا الوقت بالصحبة الحسنة والأصدقاء المؤمنين ومن يساعدك على الحفاظ على نفسك ودينك.

بعد ماتشوف الوضع أنت من سيقرر أنك تتزوج بعد سنتين مثلاً أو بعد التخرج حتى.


أسأل الله لك التوفيق .. وسؤالك للزواج يدل على حرصك على نفسك ودينك ..