الموظف المالي يرفض التعويض عن رسوم دراسية !!!

January 26th, 2013, 08:24 AM

السلام عليكم

طبتم و طابت أوقاتكم بكل خير


اخواني .. إليكم الوضع :

أنا مرافق و أختي مبتعثة .. أكملنا السنة في أمريكا.. و انهينا دراسة المعهد في 11 شهر يعني أقل من سنة

آخر ضمان مالي لنا كان ينتهي يوم 31 ديسمبر 2012 اللي كان يوم اثنين في أسبوع دراسي
المعهد قال لي لابد تمدد معنا شوي عشان ترفع حضورك .. و بعدها نحول الآي توني تبعكم للكية

طبعا المعهد نصاب و حضوري كان مرتفع وقتها .. لكن هم عرفوا إني رايح الكلية بتاريخ 22 يناير 2013 .. فحبوا إنهم بحلبوني لآخر قطرة

عموما

مددت اسبوعين مجبرا أخاك لا بطل .. على أن ينتهي الدوام في المعهد 14 يناير 2013

الأسبوع الأول من فترة التمديد غطاه الضمان المالي نفسه .. لأن مثل ما قلت إن آخر يوم للضمان كان بداية أسبوع دراسي .. فدفعت الملحقية عن طريق الضمان من 1 يناير الثلاثاء إلى 4 يناير الجمعة

حلووو .....

أنا قلت يا ولد ألحين مقبلين على طلب ضمان كلية و طلب تغيير مرحلة و هالكلام ........ ليش ما أدفع من عندي و بعدين أطلب تعويض من الملحقية عن الرسوم الدراسة .. بما أن وضعي سليم تماما
من ناحية البعثة .. و من ناحية الصرف .. و من ناحية عدم تجاوز فترة اللغة .. و أيضا كنت أقدر أطلب ضمان لمدة أسبوع واحد و أدفع منه للمعهد و بعدين ألغيه ؟

لكني دفعت رسوم أسبوع لشخصين .. 532 دولارا (266 دولار للشخص) .. بدون زيادة أي كورس على الكورس الأصلي .. بالعكس كنسلت الإليكتيف اللي بعد الظهر


و يوم أرفع طلب تعويض .. إلا يجيني الموظف المالي مطفي النور .. و يقول لا يمكن التعويض لأن فترة الدراسة بعد انتهاء الضمان المالي .. و أن هذي قوانين الابتعاث طبعا الفواتير و كل شيء جاهز مجهز ما يحتاج

رجعت سويت طلب جديد و شرحت له بالتفصيل الممل .. و بينت له وضعنا كمبتعثين و أننا لدينا قبول جامعي نهائي و توفل و شهادة تخرج من المعهد مسجل عليها التاريخ و هو آخر يوم لفترة الدراسة .. و يرجع يرد نفس الرد مع الرفض

و أرجع اسوي طلب استفسار مالي .. يرد علي و يقول لي ارجع للمشرف و اطلب ضمان مالي ... و الحين المشرف جديد غير الأول لأني سويت طلب تغيير مرحلة و حصلت على ضمان مالي نهائي للكلية

ألحين شلووون أطلب ضمان مالي بتاريخ قديم ؟؟؟؟؟؟؟؟؟؟ صاحي هذا و لا وشو ؟؟؟
ليش يرفض طلبي بدون مسوغ مقنع ... يا بني آدم أنا كنت أقدر أطلب ضمان وقتها لكن ما طلبت خوفا من حصول تعارض في الطلبات
ثاني شيء كيف تبي الضمان المالي يكون ساري المفعول وقت الدفع من عندي ؟؟ مين المجنون اللي يروح يدفع رسوم دراسة من عنده و هو معه ضمان مالي من الملحقية يغطي الرسوم ؟؟


بالله عليكم أفيدوني الله لا يحيركم

• نشر عبر تويتر
• نشر عبر فيسبوك
• نشر عبر جوجل