رايحة ولاية الاباما ومحتارة في الرحلة

اي مدينة في الباما؟

عندك مطارات تكساس الدولية قريبة لولاية الباما
والاماراتية تطلع لتكساس مباشرة من دبي ومن تكساس خذي طيران داخلي لمدينتك

يا اختي المدينة مافيها مطار دولي; لكن على حسب الخطوط اللي انتي بتجين عليها بتنزلين في مطار دولي الاقرب لموبيل عشان تخلصين اجرائات الجمارك. بعدها تطلعين رحله ( داخلية ) الى Mobile, Airport .

اما انك تطلعين دايركت من السعودية الى موبيل شيلي من بالك الفكره. لان مطارات دولية محددة اللي مصرح للرحلات الدولية النزول لها. عشان تستقبل غير الامريكيين و تخلص اجرائاتهم الجمركية. انتي كونك بتجين موبيل، ((على حسب الخطوط)) غالبا بتنزلين اما في مطار هيوستن او دالاس او اتلانتا. من بعدها راح تطلعين رحلة داخلية مدتها ساعه تزيد او تقل الى موبيل.

ممكن انك تطلعين رحله من السعودية دايركت الى و اشنطن او نيويورك (( الخطوط السعودية )) خصوصا اذا كنتي من سكان الرياض او جده. بعدها راح تاخذين رحله داخلية متعبة جدا لانك بتوقفين باكثر من مطار امريكي عشان توصلين الى موبيل. بالنسبة لي ما افضل خط السير هذا ابدا لكن يعتمد على رائيك و اللي ترتاحين له.

بالنسبة لي افضل الخطوط الامراتية كوني من سكان المنطقة الشرقية و خط سيرها غالبا كذا:

خيار ثاني وهو الخطوط الهولندية KLM لكن راح توقف في مطار امستر دام قبل ما توصلين امريكا و غالبا يكون الانتظار طويل يوصل الى 7 ساعات و وبعدها راح تنزلين في مطار اتلانتا وهي نقطة وصولك لامريكا ومن بعد اتلانتا دايركت الى موبيل .

الخطوط القطرية ايضا خط سيرها مشابه للامراتيه لكن بدل مطار دبي يكون مطار الدوحة.

كله يعتمد على نقطة الانطلاق و نقطة الوصول، بناء عليه يتحدد خط سير رحلتك وكونك جايه لموبيل الافضل و غالبا مثل ما قلت لك بيكون وصولك اما لمطارهيوستن او اتلانتا او دالاس لانها (( الاقرب )) لموبيل لكن مشكلتهم كل الرحلات اللي تنزل للمطارات هذي تخالف رغبتك وهي ( الدايركت من السعودية الى امريكا ).

اتمنتى اني فدتك باللي اعرفه و الله يوفقك..

اختي ,,,خذيها نصيحة من مجربة ,,,اذا كان بامكانك تغيير الولاية فلا تتردي ابدا,,عشت في ولاية الاباما وتحديدا مدينة موبيل المعهد سيء جدا وتعاملهم سيء الى ابعد الحدود ولايوجد تقدير للطالب حتى في حالاته الطارئة عوضا عن التدريس السيء السيء السيء الذي وصل لالغاء فيز الكثير من الطلاب بلا سبب ,,, المدينة جدا كئيبة والولاية كذلك اكثر,,لاتكرري خطأي وتعيدي الكرة في نفس المكان ,,عشت في هذه الولاية لمدة 18 شهرا ولم اعرف طعم امريكا الا بعد الخروج منها..

المدينه بالفعل لايوجد بها شئ لكن ماهي سيئه ابدا خصوصا للي جاي بقصد جدي وهو الدارسة. بالنسبة للمعهد فهو بالتاكيد كان سئ جدا جدا. لكن حسب علمي ان ادارته تغيرت وحتى عدد طلابه السعودين قل.

بالنسبه لي انا ما احب المدينة اطلاقا لكني مبسوط. موبيل سيئه صحيح لكن مدن كثيره حولها جميله يعني ممكن الواحد بالويك اند يغير جو و يتمشى.

باختصار لا تحكمين على المدينة بناء على خبرتك انتي. لان الناس رغباتهم تختلف من شخص لاخر يمكن المدينة اللي تعجبك ما تعجيب غيرك و العكس صحيح. الافضل تعطينها الايجابيات و السلبيات و تخلينها تدرس الموضوع بناء على رغبت الشخص المقابل.


شكرا..

والله يا اختى اذا عزمتى على الذهاب الى الاباما ابعدي عن مدينة موبيل ، انا ما درست فيها بس واحد من الزملاء كان معاي واعرفه جيدا ، وكان عندي امس في فرجينيا ، قالي انه درس في موبيل وجدا الدراسه سيئه في المعهد ، فنقل على مدينة تستوليكا معهد جدا ممتاز جدا جدا جدا ، لان الولد تغير 180 درجه في اللغة وصار عنده الكتابه قويه جدا واللغة عنده ممتازه ، الولد درس معاي في معهد في فرجينيا قبل سنه وكان الولد جدا جدا سيئ في اللغة مررره مررره ، امس لما قابلته جدا جدا تغير بشكل كبير بس قالي انه يذاكر في اليوم ما ينقص عن 5 الي 6 ساعات مذاكره . بس مذاكر ما يدخل فيها سواليف جوال ولا واتس اب ولا بلاك بيري .

مدينة موبيل

مافيه مطارات دولية في فلوريدا
بحكم انها اقرب لولاية الاباما وتحديدا موبيل؟؟

بارك الله فيك على الرد التفصيلي
والشرح الكافي

الخطوط السعوديه مافيها لولاية تكساس
كان سمعت انها تودي بس لواشنطن او نيويورك؟؟

بحكم اني من الاحساء بختار القطرية على الاماراتية لو السعودية مافيه لهيوستن

ااااه >> من قلب طالعه هالكلمه
تمرمطت مع هالمعهد شهر كامل وانا ابغاهم يرسلون لي الايتوني وهم مطنشين
وبعد ماارسلوا لي قالوا هذا اخر ايتوني نرسل لك !
حتى لويكون تدريسهم من احسن مايكون طابت نفسي منهم وكرهت تعاملهم
سمستر واحد وبنقل من الولاية
حاليا مجبوره عليهم لان الفيزا باسمهم

المدينه موقعها حلو لانها قريبة من فلوريدا
وعدد السعودين فيها كبير وحاليا المعهد متكدس
اشوف كثرة السعودين ايجابي ماشاء الله والنعم فيهم متعاونين الله يكثر من امثالهم
تنفع جدا للدراسه مافيها مغريات تشتت الانتباه
العله في هالمعهد وتعامله

- - - مشاركة محدثة - - -

سمستر واحد وبنقل من المعهد
لسى مارحت لهم وتعاملهم كذا فشلون لو رحت !!