بروح امريكا ومستوى سيئ باللغة .وتنصحوني اسافر قبل الدراسة بكم يوم؟

السلام عليكم

موعد دراستي بعد 40 يوم تقريبا يعني تنصحوني اروح قبله بكم يوم ؟؟

2-مستوي باللغة سيئ جدا يعني فقط اعرف الاحرف وكم كلمة صغيرة سؤالي هل معهد الجامعة يبداء من الصفر ولا كيف افيدوني

أنصحك تجي قبل بدء الدراسة بأسبوع
عشان ترتب أمورك من ناحية السكن وغيرة

أما بالنسبة للغة لاتخاف المعهد بيسوي لك اختبار تحديد مستوى
وبيحطوك في المستوى اللي يناسبك قدراتك في اللغة الأنجليزية

وعليكم السلام
اخوي اذا انت جديد على السفر وما عندك ترتيب معين للسكن وللمواصلات
انصحك انك تجي قبل موعد دراستك بيومين او ثلاثه تقضيهم بفندق وأول ما تبدأ الدراسه تتواصل مع مسئول الطلاب الدوليين حتى يأمن لك سكن أو تستفيد من الاخوه اللي سبقوك
وبعد السكن يعرفونك على المواصلات انا انصح الاسابيع الاولى انك تستخدم الباص، وبالنسبه للغه أنت جاي تتعلم زيي بالظبط فلا تشيل هم أنك ما تعرف تتخاطب باللغه ، ادخل على هذا الموقع
www.ca.gov حاول تترجم المعلومات اللي تحتاجها المطاعم الفندق القريب من الجامعة اقرب مسجد، طبعاً الموقع عبارة عن معلومات عن الولايه هو موقع امريكي ان شاءالله يفيدك ، اذا كنت في غير ولاية كالفورنيا
غير اختصار الولاية " ca " حسب ولايتك.

دام باقيلك 40 يوم انصحك تدخل معهد لغه وتحاول تفكك العجز اللغوي الي عندك ويأهلك قبل لاتروح هناك ومنه تستفيد نصيحه لوجه الله وبنسبه لوقت سفرك خلها قبل الدراسه بـ 5 ايام وقت حلو دعواتك

هناك كتب تباع لدى مكتبات الكتاب المستعمل عن اهم المفردات والجمل الإنجليزية التي تدبر بها امورك وكاتبين لك بالعربي كيف تنطقها .. ضروري تشتريها وتتعلم منها .. وبتلقى بعضها عند محلات الكتاب المستعمل اللي عند المخرج اللي شمال جامع الراجحي على الدائري الشرقي بالرياض

روح قبل الدراسة بأسبوع أفضل , وحاول تشتري كتب تعليمية قيل ما تسافر

أنا جيت قبلها بشهر ومع ذلك تبهذلت بالسكن كان مرا زحمه ومكافئتي ما نزلت إلا بعد شهرين تقريبا لكن مو شرط تكون تجربتك نفس تجربتي أحس أنسب وقت هو قبلها بعشر أيام تسكن بهوتيل لين تكمل كل أمورك وتشوف لك سكن وأفضل السكن هو السكن الجامعي
إذا جيت راح تقعد كم يوم وبعدين تلاحظ إنك بديت شوي شوي تفهم وشوي شوي تبدأ تتكلم وتقدر تخارج نفسك المعهد يبدأ من الآي بي سي ون تو ثري يعني عادي وبتلاقي ناس في نفس مستواك وأقل بعد ولاقي ناس في آخر مستوى باليالله تفهم عليهم هي قدرات بالنهايه

اقتباس:

---

المشاركة الأصلية كتبت بواسطة خطاب2

هناك كتب تباع لدى مكتبات الكتاب المستعمل عن اهم المفردات والجمل الإنجليزية التي تدبر بها امورك وكاتبين لك بالعربي كيف تنطقها .. ضروري تشتريها وتتعلم منها .. وبتلقى بعضها عند محلات الكتاب المستعمل اللي عند المخرج اللي شمال جامع الراجحي على الدائري الشرقي بالرياض

---

وأفضل منها مكتبة الزهراء بالرياض .. وتقع على طريق خريص .. وبالضبط بين تقاطع طريق خريص وشارع العليا العام وتقاطع خريص وشارع الضباب .. فيها قسم كامل لكتب اللغة الإنجليزية وفيه عدد كبير من الكتب الموجهة للمبتدئين وبشرح باللغة العربية بعد

وانا اخوك اذا فلوسك واجد نعال بدري واذاا يعني ماودك تطقر بسرعه تعال ثبلهاا بيومين ويمديك فيها تقنح حساب بالبنك وتشتري شريحه وتخلص امورك بس حاول تضبط امور السكن بالنت من السعوديه

بحكم ان لغتك ضعيفه أنصحك تروح قبل الدراسة بيومين او ثلاث... وان شالله مع الدراسه تروح المعهد وتتعرف لك على السعوديين الي هناك وتسألهم عن افضل الاماكن للسكن والمواصلات ووو

ان جيت أسبوع قبل الدراسه ولغتك ماتمشي احتمال تستوحش وحس بوحده وضغط تغير المكان ..