حنا يالسعوديين نكتة, يجيك الواحد يسأل عن العنصرية في بلد, وبنفس الوقت عن نسبة السود!!

ونقدر كمان نقول انه اغلب الافلام الكوميديه الناجحه والمحببه لدينا ابطالها سود


ويانبض المشاعر شكلك رضيت والدين.....الحمدلله انك لحقتي على الاختبار


ولو انا مكانك بروح ادورها من تحت الارض وارجع اتشكرها ثاني


الصراحه موقف لايمكن يتنسى


الله يوفقك

لوفر .. كلمتين عن ألف مجلد .. تعبير عميق جداً الله يعطيك العافية على هالمرور الرائع .. دمت بود .


دلع ماله سنع .. الله يبرد عليك ان شاء الله .. ترى مافهمت القصد لكن المهم انها مدحة وهذا اللي يهمنا ههههههههه ( سعودي ) المهم الف شكر لك على طيب المرور وفعلاً كلامك في محله حنا شعب رهيب مايدري وش يبي مرة مابي عنصرية ومرة كم نسبة السود .. دمتِ بود .


نبض المشاعر .. صراحة موقف يسيّح المشاعر بقوة .. عاد كيف يسيحها مدري .. المهم موقف تاريخي والله ما ينسى فعلا ً .. للدرجة هذي ! صراحة يستحق هالموقف يكون مقطع من فلم سينمائي .. راح يكون مؤثر جداً وياخذ جائزة الاوسكار لاكثر مقطع مؤثر .. مادري اذا فيه اوسكار لمثل هالامور او لا وان كان مافيه ممكن يسوون عشانه بس .. من جد موقف مبكي صراحة واتوقع انها ما سوتها الا بعد ما شافت دموعك اربع اربع يمين يسار هههههههههههه يالله اعترفي وش قلتي لها وكم دمعة نزلتي ههههههه الله يوفقك .. والحمدلله انك لحقتي عالامتحان .. ألف شكر لك عالمرور اثريتي الموضوع الله يعطيك العافية .


بديروو .. هلا بك والله .. وابشرك ما جابتهم لسببين .. الاول انهم ما ردوا على اتصالاتها .. والثاني اني حطمت معنوياتها وخليتها تبطل تتصل .. خليتها تقتنع انها هي الغلطانة .. لانها كانت ماخذتها العزة بالاثم ومقفلة التفكير ومتحمسة ومعصبة مرة فما تدري من الغلطان من الاساس .. ودخلت في عينها .. قلت انتي الغلطانة , الادمي جا طلبك باحترام .. وقال لك لو سمحتي .. وابتسم .. وبصوت منخفض .. يقول ممكن تقدمين شوي ؟ ليش ما قدمتي ؟ وكفى الله المؤمنين شر القتال ! قالت لا .. ذولا عبيد وكلاب ومادري وشو وبأي حق يهينني في بلدي .. و و ومن هالكلام .. قلت اقول اهجدي بس .. وخلي الكبر عنك .. انتي مسلمة .. واي اسلام هذي اللي تعلمتيه يخليك تنظرين للانسان بلونه .. وتقولين العبيد كلاب ومدري وشو .. طالما ما غلط عليك واحترمك ليش ما تعاملينه بالمثل ؟ المهم جلسنا في نقاش حاد لمدة ساعة .. حتى ما رجعنا بتاكسي رجعنا مشي .. اكثر من كيلو للمكتب وحنا في مرافعات وقضايا ومحاكم ههههههههه في الاخير سكتت وبطلت تتصل .. بس حقدت علي حقد مو طبيعي ههههههههه .. بديرو .. سعدت بمرورك الله يسعدك .. مشكور ودمت بصحة وعافية .


mmudhyan .. اتوقع محمد مضيان ؟ .. المهم .. حياك الله .. والف شكر لطيب مرورك .. وفعلاً قد يكون هناك نسبة من السود لديهم بعض الصفات او يصدر منهم تصرفات تنفر الناس منهم .. البيض والسود الطيبين .. كلهم .. لكن لا اعتقد ان كل السود هكذا .. واتمنى ان تعطينا امثلة على هذه الصفات .. حتى تتضح الصورة اكثر .. ألف شكر لطيب مرورك ودمت بكل خير .


جمال الثاني .. حيا الله استاذنا .. مشكور حبيبي على هالمرور والتعليق .. وصدقني ذكرت سالفة الصينيين مع السود بدون غرض معين .. انما عفوية صدرت وربما لانها اكثر المواقف التي مررت بها وعايشتها تعكس مدى الاذلال والاحتقار الذي يلقاه السود في التعامل مع البيض .. او بعض البيض .. وفي كل مكان عنصرية .. حتى في البيت الواحد قد تجد خالد عنصري وفهد غير عنصري .. وهم اخوان في بيت واحد .. يعطيك العافية واطيب تحية لك .

اخوي mofk .. صراحة اتعبت من بعدك .. ردك لو الامر بيدي خليته موضوعي وموضوعي خليته رد .. اسماء ومعلومات جديدة علي واهمها ان السود هم من ادخل الاسلام لامريكا .. هذي بحد ذاتها شيء عظيم وكبير يحسب في صالحهم ويزيدهم ثقة وفخر .. ويمكن يكون اللي مروا فيه من اضطهاد وتعذيب وبيع وشراء واذلال في السابق خير لنا وللاسلام .. فلو بحثت في الاديان والدول والانظمة والدساتير لن تجد مثل الاسلام انصافاً وعدلاً وعزة كرامة في كل شيء ولكل شخص .. فلربما لو لم يحصل لهم ما حصل لما بحثوا عن الاسلام الذي انقذهم وعزهم وكرمهم ورفع قدرهم .. فالحمدلله على كل حال .. اثريت الموضوع حبيبي mofk الله يعطيك العافية ويشرح صدرك ويوفقك .. تحياتي لك .


حبيبي الفيتو .. رحت قوقل اشوف من هالي بيري هذي هههههه شوف وش طلع لي اول نتيجة ( سر جمال بشرة هالي بيري ) .. وعرفتها .. المهم انت صراحة انسان عظيم .. وهذي الكلمة لازم تقتنع فيها .. بالنسبة للعنصرية فهي مثل ماقلت في كل مكان نعم حتى في امريكا الامريكان نفسهم ادخل منتدياتهم اشوف كلامهم احصل الاسمر اللي يدور سكن يسأل عن المنطقة هل فيها عنصرية ضد السود او لا ؟ يعني حتى في امريكا ارض الحرية والحضارة والرقي على قولهم فيه مثل هالامور .. المهم بقول لك موقف حصل لي اليوم الصبح نزلت اجري وخلصت وانا راجع البيت صادفت في طريقي اثنين سمر توهم صاحين من النووم وجيههم باقي مقفله هههههههههه طالعت في اللي قريب من جهتي وابتسمت و ( اومأت ) براسي يعني (تحية).. وما كنت متوقع انه بيحرك ساكن .. لانه مقفل وتوه صاحي وياادووب يمشي لكن تفاجأت انه والله عصر نفسه بقوة وابتسم حتى الابتسامة حسيتها طالعه بالغصب اهم شي انه ما يكسر بخاطرك ويطنشك .. وترى للأمانة والله ما عمري حييت اسمر او ابتسمت له الا يرد بالمثل او احسن .. اللي ابغى اقوله انه مثل ما تعاملهم راح يعاملونك ومثل ما تنظر لهم راح ينظرو لك ان احتقرتهم احتقروك ولا تحاول تظهر لهم شي وتبطن شي يعني اذا كنت تحتقر السود من كثر ما تسمع عنهم وقابلت واحد منهم يوم من الايام فتأكد انه راح يحس انك تحتقره مهما تصنعت المودة والمحبة والابتسامة .
وراح يعاملك بالمثل .. وبرضه اذا كنت تحتقر السود "طبعاً عذرك انه الناس تقول انهم كذا وكذا .. وانت ماشفت منهم شي " انت يوم تحتقرهم وتخالطهم .. راح تكرههم اكثر .. وبتواجه مشاكل معهم .. لانهم بيحتقرونك .. وما بتقدر تخدعهم وتضحك معهم وانت تكرههم لان انت حاط في راسك فكرة .. راح تظهر الفكرة هذي في كل تصرف لك معهم وبتكون مفضوح وبيحسون بهالشي ويردون عليك بالمثل ويكرهونك فيهم اكثر واكثر .. الخلاصة .. غير نفسك انت من داخل .. انظر لهم باحترام واقتنع انهم طيبين وعسل وحبوبين وراح تشوفهم في الواقع كذا .. لانهم بيحسون من تعاملك معهم .. وبرضه بيردون عليك بالمثل .. وهذي القاعدة مع كل البشر وليس السود فقط .. ومن تجربة .. عذراً على الاطالة والف شكر على طيب المرور وتحياتي لك .

نايف آل مداوي .. من اعظم المواقف والقصص التي عرفتها في الاسلام هو ذلك الموقف الذي كان فيه بلال وابو ذر معاً ومعهم من معهم .. كان يتحدث ابو ذر فقاطعه بلال .. فقال اتقاطعني يابن السوداء !! يا إلهي كم تكسر القلب وتقصم الظهر هذه الكلمة .. ذهب بلال الى النبي عليه الصلاة والسلام واخبره بما حدث .. فقال الرسول لابي ذر .. أعيـّـرته بأمه ؟! انت امرؤ فيك جاهلية .. او كما قال عليه الصلاة والسلام .. فما كان من ابي ذر .. الا ان ذهب لبلال رضي الله عنه .. وانزل رأسه للارض عند قدميه ووضع خده على التراب وقال .. اقسمت عليك ان تضع قدمك على خدي حتى يزول خطئي !


كم هو راقي هذا الاسلام .. وكم هو عظيم هذا النبي ..

ألف شكر لك اخي نايف على طيب المرور .. ودمت بكل خير .

وريف .. فعلاً , احب الكوميديين لدي هم السود .. لهم قدرة عجيبة على اضحاك الناس واسعادهم .. سبحان الله ..
شكراً لك .