والله طفشت من الرياضيات كل شوي ارسب الحللللل؟؟؟؟؟؟؟

السلام عليكم
يا شباب والله طفشت من الرياضيات الله يقطعها من مادة لي 3 سمسترات وأنا ارسب زهقت والله لاحد يقولي رح ذاكر والله العظيم اذاكر بس بعدين ارسب ياليت تشوفون لي حل
يعني اقدر أخذ الرياضيات بالأون لاين واجيب احد يحلة بدالي حتى لو ماتدفع الملحقية للأون لاين أنا مستعد ادفع والي مجرب ياليت احد يفيدني هنا أو بالخاص
شكرًا لكم والله يوفقنا يارب :mad:

Me 2 please help:crazyeyes:

الرياضيات مثل كرة القدم كل ما تدرب عليها بشكل جدي راح تبدع فيها وراح تحبها ونصيحة مني لو تخصص الساعات القادمة في مراجعة اساسيات الرياضيت :d

شوف يا سيدي انا تخصصي مش علمي و مع ذلك عندي مواد تعتمد اعتماد كلي على الرياضيات
مثل الاحصاء و المحاسبة و الادارة التشغيلية .... الخ
و محاكيتك ما تعرف تمسك الالة الحاسبة ,, يعني طبيعي اجيب العيد
ومع ذلك كثرة الممارسة و التدريبات تجيب نتيجة
بـ امكانك تكلم البروفيسور تبع المادة انه يعطيك هوم ووركات اضافية تشتغل عليها و هوه يصحح لك هيه
اذا عندكم في الجامعة لاب مخصص لـ المادة هذي رح يفيدك كثير سواء بـ حل الهوم ووركات او حتى بـ شرح الاشياء اللي مافهمتها
الزق بـ اي احد تحسه فاهم المادة و خليه يشرح لك سواء كان امريكي او غيره
على فكرة الطلاب الامريكان تقدر تقول لهم رح اعطيك فلوس على الساعة اللي تدرسني فيها و يمشي لك شغلك زي الحلاوة و يشرح لك تمام

شد حيلك ,, مو معقولة انه تاخذ مادة ثلاث مرات و فيها كلها ترسب ,, لازم تضغط على نفسك شوي
صحيح رح تتعب فيها اكثر من غيرها بس تعب مؤقت و بعدين تفتك منها

انا رديت عليك رد عام لانه اتكلمت عن الرياضيات بـ صفة عامة
بس ياليتك حددت ايش نوع الرياضيات اللي معقدتك سواء كانت جبر او هندسة مثلا

- - - مشاركة محدثة - - -

شوف يا سيدي انا تخصصي مش علمي و مع ذلك عندي مواد تعتمد اعتماد كلي على الرياضيات
مثل الاحصاء و المحاسبة و الادارة التشغيلية .... الخ
و محاكيتك ما تعرف تمسك الالة الحاسبة ,, يعني طبيعي اجيب العيد
ومع ذلك كثرة الممارسة و التدريبات تجيب نتيجة
بـ امكانك تكلم البروفيسور تبع المادة انه يعطيك هوم ووركات اضافية تشتغل عليها و هوه يصحح لك هيه
اذا عندكم في الجامعة لاب مخصص لـ المادة هذي رح يفيدك كثير سواء بـ حل الهوم ووركات او حتى بـ شرح الاشياء اللي مافهمتها
الزق بـ اي احد تحسه فاهم المادة و خليه يشرح لك سواء كان امريكي او غيره
على فكرة الطلاب الامريكان تقدر تقول لهم رح اعطيك فلوس على الساعة اللي تدرسني فيها و يمشي لك شغلك زي الحلاوة و يشرح لك تمام

شد حيلك ,, مو معقولة انه تاخذ مادة ثلاث مرات و فيها كلها ترسب ,, لازم تضغط على نفسك شوي
صحيح رح تتعب فيها اكثر من غيرها بس تعب مؤقت و بعدين تفتك منها

انا رديت عليك رد عام لانه اتكلمت عن الرياضيات بـ صفة عامة
بس ياليتك حددت ايش نوع الرياضيات اللي معقدتك سواء كانت جبر او هندسة مثلا

شوف .. مسألة الرياضيات اون لاين وتجيب احد يحل عنك ... هذي انساها ..
لان الاختبارات الاون لاين عادة يكون الفاينال بالجامعه .. يعني تدخل الاختبار على كمبيوتر ومعك بطاقتك الشخصيه ..

ممكن يكون فيه رياضيات اون لاين ويكون الفاينال بالبيت يعني مايحتاج تروح لهم ..
وممكن تلاقي رياضيات اون لان .. وتكون طريقة توزيع الدرجات فيه مثلا 70% على كل شي .. والفاينال لحاله 30% .. وتكون كل الاختبارات بالبيت ماعدا الفاينال يكون بالجامعه .. وهذا لو لقيته بنفس النظام راح تقدر تسنع نفسك .. ( تقدر تاخذ فل مارك بكل الامور ويصير حتى لو مادخلت الفاينال انت ناجح بـ C .. ) ..


احيانا فيه دكاتره ترا يتساهلون في بعض الامور .. مثلا احد الدكاتره اللي درسوني في الرياضيات كوليج الجبرا .. تقسيمه للاختبارات كان اربع اختبارات .. ثلاث اختبارات .. والرابع فاينال ..
بعد ثالث اختبار .. قالنا اللي يبي ياخذ درجته الحاليه لا يحضر الفاينال .. واللي ييبي يعدلها يحضر الفاينال ..
فمثلا لو كنت ماخذ B في ثالث اختبار .. وقول ان الاختبار الثالث عليه 20% من الدرجه الكليه والفاينال عليه 30% من الدرجه الكليه .
.. وقلت مابي احضر الفاينال .. راح يجسب الاختبار الثالث 50% .. (مجموع نسبة الاختبار الثالث مع الفاينال ) .. والدرجه اللي اخذتها راح تنحسب بالمجموع الكلي ..
وبكذا يرجع يحسب الدرجه الكليه .. ممكن تطلع B او C .. وممكن تزيد الى A .. انت وحضك بالدرجات حقتك ..
ولو حضرت الفاينال .. لا يرجع يحسبها على الحسبه الاساسيه ..

يعني انت لابد تروح وتسأل الطلاب وتشوف المدرسين الكويسين وكذا .. احيانا فيه مدرسين يعطونك الاختبار واذا خلص الوقت قالك خذ الورقه للبيت حلها وجبها لي بكره !
ويصير عادي عنده لو تجيب الفل مارك ماسال .. اهم شي تعدي من كلاسه لانها محسوبه عليه ..

ترا والله فيه دكاتره ونيسين يخلونك تستانس على الماده من كثر ماهم مسهلين الامور ! ..

وفيه دكاتره غثيثين ..!

دور الهنود والاجانب بشكل عام .. هذولا دايم الاقيهم مسهلين الامور على الطلبه ! ..



ايضا فيه اختبارات تعديه لجميع الكورسات .. مثل اختبارات الـ CLEP ..
هذا مثل اختبار القدرات .. مافيه رسوب ولا نجاح .. بس يشوفون انت اي مستوى بالرياضيات .. وخلاص يعطونك درجتك ..
تروح للجامعه تعطيهم الدرجه يمشون معك من الدرجه اللي اخذتها .. يصير مثلا بدال ماتاخذ الرياضيات من الالمنتري .. تاخذه مثلا من كالكوس تو .. ويصير تاخذه مره وحده وانتهينا ..
هذي فكرة اختبارات الـ CLEP ..

يعني حتى لو في الاختبار اخذت فيه درجه بالحظ وانت ماتعرف شي .. راح تمشي امورك باذن الله ..

هذا والله اعلم ..

فيه شي بيخليك تذاكر :)

تدري بكم الساعه اون لاين ؟ اقل شي 500$

الكال 1 بيطلع لك بــ 2000$غير رسوم التسجيل

و انت تبي تجيب واحد يحل لك يعني بالعربي بتستاجر طالب :/ و بياخذ دبل اكيد ... وانت ما راح تفهم شي

وكلام الاخت اوكاسيا عن اللابات بمحله ... ياخي لولا الله ثم اللابات ما فهمنا لا كمستري ولا ماث

لو تخصصك يعتمد ع الماث لا تسوي كذا نصيحة لانك بتبلش بعدين حتى لو حسابك يمينه عشر اصفار

تحياتي لك

خذ النصيحة من اخوك المجرب لكذا كلاس مشابه :

1- حدد هدفك وخليك جاد يعني قول كم تبي في المادة . ممتاز ؟ جيد جدا ؟ لاتنزل عن هالاثنين وذكر نفسك دائما بهالدرجات
2- الدكاتره غالبا حبوبين ويساعدو . روح للدكتور في ساعات المكتب حقه وقول له انا ابي انجح وابي مساعدتك ساعديني خليه مثلا يعطيك واجبات اضافيه خارج الكلاس مسائل وحلها وارحع له ثاني وخليه يصححها لك ويوريك اخطائك ( غالبا الاسئلة اللي راح يعطيك هي وتتمرن عليها ما راح تكون بعيدة عن اسئلة الاختبار )
3- في خدمه يجهلها اكثر طلاب الجامعات وهي الدروس الخصوصية المدفوعه .. الملحقية دافعين لنا في الجامعات دروس خصوصية لان في كل جامعه في مركز دروس خصوصيه تروح لهم وتسالهم عن نقاط معينه واجهتك وصعبت عليك وان شاء الله ما يقصرو عليك
4- الحل النهائي اللي ما انصحك فيه الا كحل نهائي : الملحقية توفر تعويض دروس خصوصيه تقدر تطلبه منهم وتشوف لك اي امريكي شاطر في كلاسك وتعرض عليه يدرسك رياضيات مقابل مبلغ معين ( طبعا في اجراءات لازم تسويها مع الملحقيه قبل لا يصرفولك البدل ) ما انصحك بهالحل لانه بتحط العين عليك وعلى مستواك واانا شخصيا ما وصلت له الى الان الحمد لله


نصائح ثانية اتمنى تفيدك :
1- اضغط على نفسك سمستر واحد فقط وبطل خرجات في الويك اند ( احرم نفسك واحد سمستر بس وترتاح بعدين )
2- كثف ساعات المذاكرة يعني لو كنت تذاكر في اليوم ساعتين او خمس ساعات خليهم 8 الى 10 ساعات يوميا
3- ابعد عن اي شي يضيعلك وقتك سواء كان سوني او شات او اصحاب

تذكر ان النقاط السابقة راح تتعب فيها وخصوصا كمبتعث تحتاج الترفيه لكن انا انصح بيها في اللي مثل حالتك وتعبان من مادة ( تتعب بس سمستر وترتاح بعد كذا ان شاء الله وترجع لحياتك الطبيعيه مع باقي المواد اللي مافيها مشاكل ان شاء الله )


ان اصبت في نصائحي لاتنساني بدعوه في ظهر الغيب لاني حاليا في كلاس ما اقول غير الله يستر ويكفيني شره
وان اخطئت سامحني حاولت اجتهد وافيدك بقدر المستطاع

هناك مشكلة ، لكنك -مع الأسف- لا تبحث عن حل لها ، وإنما تريد الهروب منها إلى مشكلة أكبر,,
ولأجل ذلك: لن تنفعك نصائح الدنيا كلها لأن السنة الكونية تقتضي أن التغيير يبدأ من الداخل ، وأنت تفتقد أو بالأصح لا تريد هذا الشيء,,
كان الله في عونك,,

بالعكس الرياضيات من المقررات المظلومة عندنا

قبل كم من سنة عرفت ان GRE فيه قسم رياضيات قلت لنفسي ما لي الا اني اشوف حل
بالصدفة بعد شهر كنت في مكتبة جرير و حصلت كتاب عن الجبر College Algebra and Trigonometry شريته اتوقع كان 250 ريال
و كل يوم موضوع و الحمد لله خلصت الآن منه مواضيع كثيرة
صدقني اخوي ان الرياضيات مقرر سهل لكن يبيه راحة نفسية قبل ما تفتح الكتاب و تشيل فكرة انه مستحيل انك تفهمه
صدقني بعدها بتحب الرياضيات

الرياضيات بإختصار :-
( فهم - تركيز - تمارين - مراجعة )
تركيز مع الدكتور او البرفسور اي من كان لاتخرج الا وانت فاهم
اول ماترجع ريح شوي وابدأ بالمراجعة والتمارين
صدقني بعدها راح تنجح وبتفوق كمان
موفق عزيزي