كم الفترة اللي استغرقتها للتعود على العيش في الخارج؟

كم الفترة اللي استغرقتها للتعود على العيش في الخارج؟
سمعت ان اول 3 شهور هي المتعبه يتعب فيها الشخص وبعدها يتعود .. وسمعت بالعكس في البداية يكون كل شيئ جديد وممتع بعدين يبدا الطفش وتبدا تشتاق لاهلك ولبلدك
مادري كيف الوضع معاكم؟
لاني افكر اجي كذا شهر بدون دراسة بس عشان استقر شوي ولا شرايكم؟
ابي اسمع تجارب شخصية

تختلف من شخص للشخص في البدايه تكون جميله ويكون في حماس لأن كل شيء جديد ومن ثم يقل تدريجياً وتعتمد على الشخص نفسه وشخصيته
وهل هو اجتماعي ولا لا لكن بشكل عام اذا معاك زوجك وعيالك ولك علاقات كثيره ماراح تحسي بالغربه

- - - مشاركة محدثة - - -

تختلف من شخص للشخص في البدايه تكون جميله ويكون في حماس لأن كل شيء جديد ومن ثم يقل تدريجياً وتعتمد على الشخص نفسه وشخصيته
وهل هو اجتماعي ولا لا لكن بشكل عام اذا معاك زوجك وعيالك ولك علاقات كثيره ماراح تحسي بالغربه

الصراحه على حسب نفسيتك انا اسبوعين تلخبطت اموري لكن الحمد لله احب استمتع بكل لحظه في حياتي سوا حلوة او حلوووووة :)
لاتفكرين بشي ابداااا

- - - مشاركة محدثة - - -

الصراحه على حسب نفسيتك انا اسبوعين تلخبطت اموري لكن الحمد لله احب استمتع بكل لحظه في حياتي سوا حلوة او حلوووووة :)
لاتفكرين بشي ابداااا

يعتمد على كل شخص يعني ما فيه شيء محدد
لو عندك خلفية عن نظام الحياة الامريكي رح تتأقلم اسرع من غيرك
بس لو انت مرة ميح و عمرك ما رحت و لا جيت يمكن يجيك الحماس اول اسبوعين و بعدين تبدا سالفة
الـ شوق و غيره

بـ النسبة لي اول شهر كان جدا حماس بس فعليا ما بديت احس بـ كل الاحاسيس السيئة الا بعد 6 شهور !!!!!
وصلت لـ مرحلة انه كل فيوزات مخي ضربت و بس ابغى تخلص السنة و ارجع لـ السعودية بـ اي طريقة

مثل ماقالولك الاخوان .. تعتمد على الشخص نفسه ..
لكن اللي انا اشوفه من خلال تجربتي .. اذا الشخص متعود انه يكون دائما عند اهله وماتعود على انه يبعد عنهم ولو ايام قليله .. فهذي راح تكون اول عقبه له وراح يتجاوزها ان شاء الله بعد فتره ..
وهذا لسبب أن الشخص اذا كان بعيد عن اهله تلقائيا سيكون معتمد على نفسه .. ولكن اذا كان عند اهله .. غالبا يكون اتكالي وحاس براحه لانه كل شي جاهز بالنسبه له ...

اعطيك مثال .. مثلا لما الواحد يكون عند اهله .. ماراح يشيل هم تنظيف او ترتيب .. ولا فواتير .. ولا امور ماديه .. ولا راح يجهد تفكيره بهذه الامور .. والسبب .. أن فيه شخص يكون متكل عليه ..
اما لو يكون الشخص لحاله .. فطبيعي راح يفكر بالمصاريف اليوميه .. والايجار وما الى ذلك من امور .. لانه صار هو المسؤول عن هالامور ..

ايضا احد الامور اللي ممكن ان تكون عقبه للشخص .. هي حسن التصرف والالمام بالامور .. يعني لما يكون الشخص في ديرته على الاقل يكون عارف كل شي حوله من انظمه وقوانين ومحلات و و و الخ ..
بينما لو راح امريكا .. راح يكون كل شي جديد عليه خصوصا انه راح يعتمد على نفسه ومافيه شي اسمه واسطه او حتى فلان يضبط وضعي وفلان يخلص اوراقي ..

يعني بإختصار لابد للشخص ان يكون واعي وعاقل حتى يعرف يتصرف ويتأقلم مع البيئه الجديده .. لابد ان يكون عارف من وين يبتدي ...

وهذي اهم نقطه ..

اما مسألة الشوق والحنين للاهل .. فمسأله عاديه الواحد يقدر يكلم اهله صوت وصوره والحمد لله الان الوضع صار اسهل من اول بالتواصل مع الاهل ..

انا جيت لامريكا وضعي عادي يعني ماحسيت بشي والسبب اني قبلها بالسعوديه كنت ساكن لحالي لسنوات وما اشوف اهلي الا بالاسبوع مره ... فكنت متعود على الوضع يعني ..
صحيح اشتاق لاهلي واشتاق لديرتي .. لكن احاول اني اشغل نفسي بامور تنفعني اكثر من هالامور .. ودايم اقول اذا اهلي الحمد لله بخير .. فربي لك الحمد والمنه ما ابي اكثر من كذا ..

والتأقلم عند الرجل اسرع من التأقلم عند البنت ..
لكن اذا اللبنت تكون متزوجه .. فهي تلقائيا تتاقلم مع زوجها بسرعه والسبب ان زوجها بالنسبه لها هو الامان .. فوين ماكانوا ساكنين ووين ماكانوا بعيدين عن اهاليهم .. الاثنين راح يحسون بالامان مع بعض ..
علشان كذا غالب الطلبه العزوبيه تلاقينهم مجتمعين مع بعض لانهم يحسون بالامان بوجودهم قريبين من بعض ومثل مايقولوا ( الريحه ولا العدم ) ..

وبكل الاحوال الامور سهله باذن الله ومافيها خوف .. والكلام اللي نسمعه من بعض الاشخاص سواء بنات او شباب .. عن خوفهم وشوقهم وكيف ماتأقلموا وبعضهم خلاص يبي يرجع السعوديه ..
هذولا ماقدروا يتأقلمون وماعرفوا يتعاملون مع وضعهم .. او خلينا نقول انهم Over Reacting .. وعددهم قليل جدا ..
ومانقدر نعمم على الكل او نقارن بين الكل .. لان كل شخص له وضعه وشخصيته المستقليين ..

فمو كل شي ينبطبق على الناس لابد انه ينطبق عليك .. ومو كل شي ينطبق عليك ينطبق على الناس ..

^
^
^
كلام سليم يا اخوي و اتفق في جزئية كبيرة معاك
بس اختلفت معاك في نقطتين ياليت بس لو توسع خاطرك علي فيهم
مسألة سكن الشخص بعيد عن اهله تساعده في التأقلم بس مش دائما يعني انا اتكلم عن حالتي انا وزوجي
زوجي من هوه صغير الكل معتمد عليه في تدبير امورهم و هوه اللي يسوي كل شيء و من ناحيتي انا مش شخصية اتكالية لا على
زوجي و لا على اهلي ( اللهم الا في شغل البيت عشان اكون صادقة انا معتمدة على الخدم ) بس لما جيت هنا الفترة الاولى عادي
و لا حسيت بشي لكن فعليا بعد الستة شهور خلاص ما قدرت اتحمل
كوني اكلم اهلي صوت و صورة شيء واني اشوفهم قدامي واشم ريحتهم شيء ثاني تماما
بـ صراحة انا لما كنت في السعودية كنت اقول رح اشتاق لاهلي و بس غير كذا لا
لكن الصدق و الله يوم نزلت في مطار الرياض لـ اول اجازة لي بعد سنة اني حسيت من كثر شوقي لـ السعودية و اني اتكلم عربي اني ابغى اسلم على
الرايح و الجاي ,,

وجود زوجي الله يخليه و يطول في عمره شيء جدا رائع لكنه بكل الاحوال ما يغني عن وجود الاهل

بس فعلا تأقلم الرجال اسهل بـ مراااااااااااااااااحل من البنات




عموما مهما كان الاشتياق و مهما كان الضغط اللي يتعرض له الشخص في الغربة
اتمنى من صاحب الموضوع انه يحط في باله شغلة وحده بس
انا رحت عشان اجيب شهادة ما رح ارجع من دونها ,,
و في النهاية هيه تجربة المفروض انه ما نتخوف منها بقد ما نعيشها و نحاول انه نستفيد منها قدر المستطاع
الاهل باقي ان شاء الله رح تجلس معاهم لحد ما تطفش من شوفتهم و تقول انا لو جلست في امريكا ازين لي من القروشة :)
و البلد الله لا يغير عليها الا لـ الاحسن
و الابتعاث مرة في العمر ,, فـ انبسط فيه و لا تجلس توسوس

انا بالنسبة لي الاسبوع الاول كان اصعب اسبوع في حياتي وبعد كذا بالعكس بدات احس ان كل شي منظم وحلو

أنا بأول ساعة ..... وأذكر أني لعبت بلوت في الفندق بفرجينيا :)

وتختلف من شخص لشخص وخاصة اللي مستمر الخوف معه أنه يغلط أو أن حركاته محسوبه عليه ومن هالكلام :cool:

الاخووان ماقصروا

لكن فيه حاجه ثانيه >>>اصلاً ماتقدرين تقعدين على قولك كم شهر بدون دراسه >>نظااااااااااامهم كذا ممنوع

اتوقع حدك اقل من شهر

بالتوووووووووووفيق

سبعة سنين
وست اشهر
وست ايام
وساعتين
ولايزال التأقلم مستمرا
دي غربة يابا مش اي حاجة