استفسار ارجو المساعده من اهل الخبره

محد عنده خلفيه بالموضوع

مشكلتك ماهي واضحه .. وشلون يجبرونه على التخصصات الطبيه وهو هندسه معمارية ؟

اللي اعرفه ان الملحقية ماتجبر الطالب على التخصصات الطبيه الا اذا كان من الاساس مقبول عندهم كتخصص طبي .!
فبالتالي مايقدر يغير تخصصه الى تخصص ادنى من التخصص المقبول عند الملحقية !

لكن انتي تقولين على حسابه الخاص يدرس الان لغه .. معناته انه قدم على الملحقيه وهو بامريكا ..
فبالتالي راح يقدم على الملحقيه بتخصصه الحالي ..
ولا اعتقد ان الملحقيه راح تجبره على انه يقدم عليهم بتخصص اعلى حتى يقبل !

مادري الى الان المشكله ماهي واضحه اختي .. فيه امور لابد تكون تفاصيلها موجوده حتى نقدر نساعد ..

يعطيك العافيه اخوي

الموضوع ومافيه انه هم مقفلين ملفه يبونه اجباري يتخصص تخصص طبي مدري ليه ماوضحو السبب والمشرف مايرد على الايميلات

لا اختي الموضوع ماهو اجباري الا في حالة انه قبل من الاساس بتخصص طبي .. فهذي الحاله اجباريه ..

عموما اذا المشرف مجبره على شي هو مايبيه .. لابد له يرجع الى المدير الاقليمي التابع له .. هو اللي راح يخلص اجرائاته ..
بس لابد انه اذا كلمه يعطيه المشكله كامله .. لان ماهو مجبور انه ياخذ تخصص مايبيه ( هذا اذا كان مقدم عليهم بتخصص هندسي من البدايه) ..
ويخبره ان المشرف يجبره على التخصص الطبي وهو مايبي غير هالتخصص الحالي .. وراح يتصرف المدير الاقليمي مع هالموضوع ويحل المسأله باذن الله ..

المدير الاقليمي هو اللي له صلاحيات فوق المشرف الاكاديمي .. يعني له الفك والربط بيده وكل الطلبات ماتمشي الا بتوقيعه ..

فانتي قولي له يشوف المدير الاقليمي تبع المنطقه حقته ويكلمه ويعلمه بتفاصيل السالفه وان شاء الله ماراح يقصر ..