مدة الاجازة الصيفية المسموح بها من الملحقية والامقريشن

بعد غياااااب طويييل جدا رجعنا لهذا المنتدى الملئ بالذكريات الحلوة والمرة :(
بخش بالموضوع ع طول انا لي تقريبا قريب سنتين بامريكا ولله الحمد خلصت لعة وهذا اول سمستر بالجامعة وان شاء الله راح اخلصه
رجعت السعودية خلال الفترة هذي بس قضيت ايام قليلة بحكم اجازاتي القصيرة
واخيرا صار عندنا عطلة صيفية زي الناس :D
السؤال هل مسموح اقضي 3 شهور ونص برا امريكا بالنسبة للملحقية وبالنسبة للامقريشن وقت دخولي امريكا بعد الاجازة بالمطار !!
وهل المكافاة ماشية والا راح تنقطع وقت عطلتي بالسعودية
اللي يعرف ومتاكد من جوابه يفيدنا الله يخليكم

الملحقية تعطيك التذكرة لمدة ٣ شهور فقط
ماتقدر تطلب تذكرة لمدة أكثر من٣ شهور لانهم راح يرفضوا

اما لو على حسابك عادي تقدر تجلس طول مدة الأجازة
الأمقريشن وضعك تمام معاهم بما أن الأجازة رسمية

اخي الفاضل اللي اعرفه انه مسموح لاي طالب انه ماياخذ الترم الصيفي , الترم هذا اختياري وينزلك فيه راتب حسب ماصار لواحد من اخوياي

بس المشكله انه مارح يتمدد عليك من مده البعثه > على سبيل المثال اذا مااخذت 4 اترام صيفيه والترم الواحد مدته 3 شهور = راحت عليك سنه من البعثه

من الاخير تاريخ انتهاء البعثه رح يكون زي ماهو ولاهو رح يتغير

موفق