سؤال اللغه والماستر

وعليكم السلام ورحمة الله وبركاته ..
بالنسبه لتخصص الحاسب الالي .. فوين ماتبين تكملين هذا شيء يرجع لك ..
فكل المناهج بالجامعات العالميه متقاربه لحد كبير .. وخصوصا بمسألة الحاسب الالي ..
هو نفسه اللي انتي تاخذينه بكندا نفسه اللي بتاخذينه بامريكا ماتفرق ..
فمثل ماقلت لك الأمر عائد على اختيارك .. وين ترتاحين او وين تحبين تكملين دراستك ...

اما مسألة البعثه .. فنعم اذا ماعندك شهادة توفل او ايلتس .. فلابد تاخذين لغه وبعدها تكملين ماستر ..
وهذا هو الحال مع غالبية طلبة الدراسات العليا ..

ومدة اللغه لحال .. ومدة الماستر لحال ..
وكلها محسوبه على حساب الدوله .. بحد علمي ..

اخي/اختي :الكريم
الدول تختلف من ناحية التعليم والنظام فكل دولة لها نظامها من ناحية التعليم فعلى سبيل المثال بريطانيا الماستر فيها 9 شهور بينما امريكا سنتين
من وجهة نظري أمريكا وكندا من اقوى الشهادات
واللغة والماستر محسوبة من الملحقية
فترة اللغة سنة وستة اشهر
وفترة الماستر 2 سنتين
تحياتي

الله يعافيكم ان شاء الله ناويه على امريكا الله يسهل يارب
طيب بسأل بالنسبه للجامعات والمعاهد وش تنصحوني

الاخت الكريمة/
انتي اش نوع المناخ اللي تفضليه
وكيفية مستواك الدراسي
وسوف افيدك بي جامعات ومعاهد من واقع تجربة
وان شاء الله نكون عند حسن الظن

بالنسبه للجو عادي ماتفرق معي
مستواي في الحاسب ممتاز لكن اللغه عندي ضعيفه
الله يوفقك يارب ويعطيك اكثر مما تتمنى

اختي الكريمة/
الله يزيدك يارب ومن ناحية اللغة لاتخافي راح تجي مع الوقت يوجد بالجامعات كثير من السعوديين لايجيدون اللغة الانجليزية أبدا الى من رحم الله يعني استطيع ان اقول 25% فهذا يعتبر لاشي
على كلا يوجد لديك بوسطن من افضل الجامعات من ناحية التعليم بالاخص في الحاسب الالي جامعة ماساشوستس تعتبر من أقوى الجامعات في هذا المجال ولكن طلباتهم شوي صعبة يعني يبي لها شغل
ويوجد ايضا معهد جميل جدا اسمة NESE جميل هذا المعهد من نواحي كثيرة
اذا قررتي تقدري تتواصلي معاي على العام وانا تحت امرك
تحياتي