توجيهاتكم تهمني

السلام عليكم ورحمه الله وبركاته

أخواني وأخواتي طيب الله مسائكم بالود والخير ...

أحبابي أرجو منكم نصيحتي أنا تواني واصل أمريكا من كم اسبوع ولله الحمد

مشكلتي انو كل الحماس الي فيني قبل مااجي راح كنت اقول راح اخلص اللغه في اقل من سنه واصير بيرفكت باللغه بس من يوم دخلت المعهد وانا مالي خلق اذاكر ومادري من وين ابدا وكيف ابدا حاس اني ضايع

وانا مستواي جيد باللغه وانا مااذاكر اجيب درجات مرتفعه في الكوزات

بس ذا ماكان طموحي قبل مااجي لهنا كنت احلم ومازلت اني اكون زي النيتف سبيكر

المعهد جدا كويس والنفسيه كمان بس المشكله ماني عارف كيف ابدا

لسى ماضاع شي من البعثه وعلشان كذا ابغى ارجع للطريق الصحيح قبل فوات الاوان

بليز لاتبخلو علي بنصايح تساعدني وتساعد غيري ولكم الاجر والدعاء

up....
up...
up...

عزيزي عندنا في السعوديه ناس من اهل اليمن و باكستان و مصر و اندونيسيا و و و من عشرين وثلاثين سنه يعيشون في السعوديه و بعضهم اخذ الجنسيه و اصبح منصب وما زال بعد كل هذه المده لا يتقن لهجه اهل المنطقه ولكن يفهم ويقرا و يتواصل طبيعي .

انت كل الي عليك تعرف اللغه و تقرا و تكتب و تتحدث ولا تتحطم او تتضايق لانك ما قدرت تصير مثل اهل البلد . الهدف من دراستك انك تقرا الكتاب وتفهم وش مكتوب فيه و تلقي عرض عن موضوع و تحل واجباتك و اختباراتك .

كثير منا اذا ما كان كلنا حلمنا بالشيء هذا ولكن التركيز على الجانب الاكاديمي بيشغل وقتك لما تبدا تدرس في الجامعه و بتنسى فكره النيتف سبيكر اذا سمعت الدكاتره كل واحد بلهجه بلده و بتضحك على نفسك كثير وليه كنت مكبر السالفه و متأزم .

هذي تجربتي و رؤيتي

ابعد عن كل محطم و مثبط و محارب لك
لا تنظر دائم الى منهم اعلى منك و السبب انك سوف تشعر بالاحباط الا اذا كنت تطمح ان تصبح مثلهم

افعل ما ترى انه صواب و لا تفعل ما يراه الاخرين صواب الا اذا كان هناك مصلحة
دائما ذكر نفسك بالوالدين و نظرتهم لك في المستقبل وكيف سيكون حالهم بعد ان تحقق انجازك
عندما تشعر بالطفش اقرأ شيء من القران و صل
ايضا اتصل على الوالدين و اخبرهم بشعورك سوف تجد مهم النصح. و التوجيه و التخفيف لمعاناتك
لا تنسى الاكثار من الدعاء و الاستغفار

اشكر من شاركني وجهت نظره بس انا ابي خطه مشوش وماني عارف من وين ابداء

حاول تسوي قروب وتزاكرو كل نهاية اسبوع مع بعض وبكدا تتحمس لكن لحالك تتكاسل ..
لاتنسى العمل الجماعي حلو وراح تشارك غصبا عنك باللي تعرفو ولو ماعرفت شي غيرك ممكن يعلمك..
ابدأ بنفسك وسوي قروب لو مافي عادي قلهم وجهة نظرك وانك تبغا مساعده واكيد محد حيقول لا لو الموضوع فيه استفاده..
بالتوفيق ولاتنسى الدعاء لنفسك ودعاء الوالدين ليك

اصعب شي بالحياة هي دخول الجنة يالحبيب وكل شي عداها سهل

حبيبي
اخوك في الله دخل ومايعرف الا يس ونو وبعد فترة حصل على الماستر بتوفيق من الله عزوجل
كل ما اتذكر هذيك الايام اقول سبحان الله الي علم الانسان مايعلم
انصحك تسكن مع عائلة ويكون الدفع اسبوعي حتى لو ماعجبوك تغير لين ماتحصل العايلة المناسبة

وانا موجود لو بغيت اي نصايح

وفقك الله

شوف يا اخوي
مشكلتك انه عندك هدف ,, عندك طموح ,, بس و من دون زعل توجيهك لـ اهدافك و طموحك توجيه خاطيء تماما
انا ارد عليك على افتراض انه انت تابع لـ برنامج الملك بس حتى لو كنت على حسابك الخاص رح ينطبق عليك نفس الكلام
انت خلي هدفك ذحين تنهي مرحلة اللغة و تبدأ دراستك الجامعية
اجل شوي فكرة اتقان اللغة لـ درجة انه تصير مثل النيتف سبيكر ,, يا اخوي انا دخلت الجامعة وما زلت اغلط في بعض الكلام و في بعض القرامر
هذا مو معناته انه انا فاشلة و لكن اتقان اللغة بـ شكلة تام يحتاج ممارسة مكثفة و سنوات طويلة حتى تصير في المستوى اللي انت تبغاه
فـ اذا اتقنت اللغة حاليا و ركزت هدفك و اهتمامك على تخطي مرحلة اللغة مع اقصى درجة من الاستفادة رح تدخل الجامعة وانت عندك اخطاء بسيطة
مع الاحتكاك بـ الطلاب الامريكان في الجامعة و النقاشات اللي تصير رح تلاقي نفسك بديت تكتسب شوي شوي تعابير جديدة و حتى طريقة نطق بعض الكلمات
فيه ناس معانا لهم 5 سنوات في امريكا و ما تزال لغتهم سيئة جدا علما بـ انهم في الجامعة و لهم فترة محترمة هنا يعني امداهم بـ الراحة يتقنوا اللغة !!
بس ضيعتهم سالفة انه نبغى نتكلم زي الامريكان ,, فـ اهتموا بـ اتقان اللكنة و الكلمات العامية و اهملوا الاساس اللي هوه تعلم قواعد المحادثة الصحيحة
النتيجة : حاليا لما يتكلموا مع امريكان يعيدوا كلامهم ثلاث اربع مرات عشان يفهموا عليهم لانه الاكسنت مع القواعد الخاطئة تصعب على اللي قدامك فهمك

ركز على هدف واحد في المرة الواحدة
هدفك حاليا اجتياز مرحلة اللغة مع اكبر فائدة ممكنة
هدفك بعد كذا اجتياز اول سيمستر و اصعب سيمستر في الجامعة
بعده يصير هدفك انهاء دراستك في المدة المحددة
بعد ما تخلص مجموعة الاهداف هذي تلاقي اشياء هامشية انت اتقنتها خلال سعيك وراء اهدافك المرحلية
رح تلاقي نفسك اتقنت القراء السريعة ,, الاكسنت ,, مهارات التواصل ,, مهارات القاء العروض ,, مهارات البحث ...... الخ
لو اشتغلت على الاشياء الهامشية رح تضيع الاساس او اقل الايمان ما رح تتقنه بـ درجة مرضية و بـ التالي استفادتك من هـ التجربة رح تكون محدودة

ما اقدر اعطيك خطة مفصلة لانها تعتمد على نفسك و عزيمتك و وقتك
لكن خلي لك ما لا يقل عن ساعتين مذاكرة يوميا مع اربع ساعات مراجعة في كل ويك اند تغطي فيها كل اللي اخذته خلال اسبوع
و اختلط بـ الناس قد ما تقدر حتى تنمي لغتك

موفق لكل خير يا اخوي

إنت تقول توكـ لكـ كم إسبـــوع فقط .. أتمنــــى ترجع بعـــد فترهـ يعني 3 إلى 6 شهــور وتحكينآ ..
صدقنـــي بتقول إستعجلت بآلحكم عــلى نفسي !!
لأن آلفترهـ الأولـــى فترة إستقرآر وإثبآت آلذآت في آلتأقلــــم .. آلوآحـــد يآ الله يتأقلم أحيآن من مدينه لمدينه بآلسعوديه .. فمآ بآلكـ بدوله وشعب وثقآفآت وحضآرآت ولغآت !!
فقط "مســـألة وقت" .. حتى تسترد آلثقــــه أللي بدآخلكـ ..

صلي آلليل وإدعـــي ربكـ .. ترى صلآة آلليل تغنـــي عن كل آلكلآم أللي تحتآجه مننآ ..
موفق ,,