افضل طريقة لتحويل فلوسك الى امريكا 2013 بنفس الوقت ومن غير رسوم!

ارجو الاجابة

للرفع.
للرفع

عزيزي .. بدل السؤال .. لماذا لا تجرب ! ؟

حاول ان تجرب بمبلغ رمزي .. فإن تمت العمليه بنجاح .. فهذا يعني انك قادر على استعمال نفس الطريقه باي مبلغ اخر !
وإن لم تنجح العمليه .. فلن تخسر شيء !

انا في السعودية لسا ماجيت

ومعي فيزا تسوق الراجحي محفورة
لذا حرصت على السوال عنها

وقبل كم يوم مريت البنك الاهلي
وسالته عن مسبقة الدفع
وقالي ماتجي الا مطبوعه وليس محفورة مثل اول



لذا نامل من جرب فيزا تسوي الراجحي ونجحت معه طريقة صاحب الموضوع افادتنا للاهمية
وله جزيل الشكر

انا بطاقاتي السعوديه كلها مطبوعه "الجديده" .. جددتها في اخر مره نزلت فيها السعوديه !
وجبتها معي هنا .. واستخدمها عادي مافيها اي مشاكل !

واساسا بطاقة البنك الامريكي اللي عندي برضوه مطبوعه .. !

فما عندك مشكله من هالناحيه !

ومادامك باقي بالسعوديه .. افتح حساب مع البنك الاهلي وطلع بطاقة مسبقة الدفع ..
لانك راح تستفيد مستقبلا من الحساب عندهم ..
وخلك على المضمون .. لاني انا استخدمه وماسبق واجهتني فيه اي مشكله لله الحمد .. حتى مع البطاقات الجديده المطبوعه !

ابشركم نجحت العملية مع فيزا الراجحي مسبقة الدفع تسوق (محفورة)


حسابي في بنك chace الامريكي
طلبت ايداع 100 دولار من فيزا الراجحي الى حسابي الامريكي
تم خصم 397 ريال من الفيزا الراجحي
وتم ايداع 100 دولار في حسابي الامريكي بنفس اللحظة وبنفس الوقت

شكرا ياصاحب الموضوع

معليش، يوم حولت من ريال الى دولار ما حسبوا فرق العملة؟ وكيف الطريقة؟
شكرا

 المشاركة الأصلية كتبت بواسطة منصور998

ابشركم نجحت العملية مع فيزا الراجحي مسبقة الدفع تسوق (محفورة)


حسابي في بنك chace الامريكي
طلبت ايداع 100 دولار من فيزا الراجحي الى حسابي الامريكي
تم خصم 397 ريال من الفيزا الراجحي
وتم ايداع 100 دولار في حسابي الامريكي بنفس اللحظة وبنفس الوقت

شكرا ياصاحب الموضوع
تحياتي

زين الحمد لله ..
أهم شي انها مشت امورك لله الحمد ..

والله يجزاك خير راح تفيد تجربتك باقي الاخوان ....



التحويل اللي قصده الرجال انه استخدم موقع تحويل العملات لأجل يعرف كم بيطلع عليه المبلغ ..
هو فعلا ماذكر مسألة فارق العمله اللي بياخذها البنك .. لكن البنك الأهلي يحسب لك الـدولار بـ 3.75 ريال .. ولا ياخذ عموله على اي سحب ..

والطريقه او الفكره هو معرفة كم المبلغ اللي تبي تودعه بالضبط .. يعني .. انا ابي اودع مثلا 100 دولار ..
فبذلك لابد يكون في حساب بطاقة الأهلي 400 ريال على الاقل .. حتى تتم العمليه بنجاح !

فاروح اقارن مابين المبلغ اللي بحساب الاهلي والمبلغ اللي انا باودعه .. وتقدر تحول العمله من الريال الى الدولار عن طريق موقع قوقل : From SAR to USD
بس تعرف المبلغ وتتأكد من ان المبلغ متوفر .. تروح وتسوي لها ايداع بنفس الطريقه اللي استخدمها صاحب الموضوع ..

البنوك لها طريقتين بالايداع عن طريق البطاقه ..
إما ان الجهاز يكون عند المستخدم نفسه .. يعني تروح لهم وعند التيلر نفسه تلاقي جهاز البطاقه .. وعادي تقولهم انك بتودع وبيقولون لك استخدم الجهاز اللي قدامك ومرر البطاقه عليها وحط المبلغ .. (مثل بنك اوف امريكا) .
أو أن البنك مايوفر هذي الاجهزه للعملاء .. فبالتالي اذا طلبت منهم إيداع مبلغ من البطاقه .. طلبوا منك البطاقه الإئتمانيه اللي تبي تودع منها .. واخذوها ومرروها على الجهاز اللي عندهم ! وخلصوا لك امورك وبعدها ردوا لك البطاقه واعطوك الوصل .. (تقريبا غالبية البنوك تستخدم هالطريقه) ..

اخواني الوالد الله يحفظه بيحول لي مبلغ من السعوديه

بس ماني عارف وش المعلومات الي اعطيه عشان يحول لي

بيحول من بنك الراجحي او الاهلي لحسابي في بنك امريكي نسيت اسمه

الرجاااآ مساعدتي

السلام عليكم ورحمة الله وبركاته

اخواني

انا الحين في اجازة بالسعودية .. ونزلت المكافاة وابي اسحب المكافاة من السعودية. لكن البطاقة عيت تسحب من كل بنوك السعودية

مادري وش المشكلة مع العلم اني بلغت البنك اني ابي استخدمها بالسعودية.. ولكن مادري وش مشكلتهم.. المهم ماني عارف وش المشكلة

فيه احد عنده طريقة كويسه اقدر اسحب الفلوس او احولها لحسابي في الراجحي .. لاني سمعت كذا طريقة وابي اللي جربها والمضمونه والافضل

سمعت اقدر اقدم شيك بنك تشيس فيه المبلغ للراجحي وهو يسحبه منهم.. ولا عن طريق الاون لاين تحويل من حسابي بالتشيس للراجحي..

ووش البيانات المطلوبه مشان التحويل

فياليت اللي عنده خلفيه عن هالموضوع يبلغني باسرع وقت
الله يوفقكم وييسر اموركم .. لاني محتاج المبلغ ..

راح تحتاج الى :
رقم الحساب Account Number
رقم الرواتنج Routing Number
السويفت كود SWIFT CODE
عنوان البنك Bank Address
واسمك في البنك (نفس السبلينج اللي مكتوب في البنك) ..

عطه هالمعلومات تكفيه ..