رد: المبتعث الموظف هل يقدم استقالته ؟ للخبراء(المجربين)
تعتمد وأنا أخوك على التخصص وعلى الشهادة اللي أنت حاصل عليها
لكل شهادة شروط
الابتعاث عن طريق الجهات الحكومية له شروط وتجدها في لائحة الأبتعاث وهي معقدة بعض الشي منها أن يكون التخصص في نفس مسمى الوظيفة
أما الأبتعاث على برنامج خادم الحرمين لايشملك حيث أنك موظف حكومي إلا إذا تقدر تكتب إقرار على نفسك بأنك سوف تقدم إستقالتك حال قبولك في البعثة مدري عن الإجراء من هالناحية
الدراسة على الحساب الخاص وهذا يتطلب أن تكون معك قرار استقالة وتعديل مهنة أو إجازة عن كامل المدة
رد: المبتعث الموظف هل يقدم استقالته ؟ للخبراء(المجربين)
شاكر لكم جميعاً
انا بحاول واذا ضبط الموضوع رحت .. طبعاً بدون تقديم استقاله( ماصدقت اني توظفت):)
رد: المبتعث الموظف هل يقدم استقالته ؟ للخبراء(المجربين)
مآفــي شي إسمه موظف حكومي عآم أو موظف حكومي عآدي ..
جميع آلوظآئف آلحكوميه تخضع لنظآم آلخدمه آلمدنيه ..
إذآ كنت موظف حكومي في كل جهه حكوميـــه يوجد قســـم إسمه "الإبتعآث وآلتدريب" وكثير من آلموظفين مآيعرفون هذآ آلقســـم ..
لأن نفس آلمنشأهـ أصلآ مآيظهرون هذآ آلقسم لجل محد يضغط عليهم بقبولآت ويطآلبون بآلإبتعآث ..
إنت أول شي خــذ الإفآدهـ أو ورقــة آلترشيح وروح فيهــآ لمديركـ وخليه يرفع طلب إجآزة درآسه طبعآ يكون معكـ قبولآتكـ وكل ش ولو قدرت تجيب قبول جآمعه على تخصص في نفس مجآلكـ بيكون أسهل لكـ في آلموآفقه على طلبكـ ..
وبعــدين إذآ رفض آلمدير .. أطلع بنفسكـ للجهــه أللي تتبع لهـآ .. وروح لهم وخآطبهم بخصوص إجآزتكـ ..
لأن الإجآزهـ آلدرآسيـــه من أصعب آلإجآزآت في آلقطآع آلحكومي .. إذآ وآفقوآ لكـ فأنت بآر وآلدين وهذآ توفيق من رب آلعآلمين وبتكون جدآ محظوظ ..
الأمر آلثآني .. تطلب إجآزهـ إستثنآئيه بدون رآتب وتطلع تــدرس وكل سنه تجــي تمدد ..
الإجآزهـ الإستثنآئيه خليهآ كحل ثآني ..
آلأمر آلثآلث وهو أمر آلحلول .. إنكـ تقدم إستقآلـــه لأن فعلآ من شروط الإبتعآث إنه مآتكون موظف حكومي ..
لو حصل وبتقـــدم إستقآله ,, لآ تقدمهآ إلآ إذآ جيت بتسآفر ومعكـ تذآكركـ وكل شي .. لجل تكون ضآمن إن جميع إجرآءآتـكـ صحيحه ..
من وجهــة نظري آلشحصيه ,, كل شي رزق من آلله .. وآلوظآيف مو طآيرهـ وإن شآء الله إنكـ بتتوظف لكــن الإبتعآث يعتبر مرهـ بآلعمر !!
وآلديل شوف كم شخص حولكـ يتمنـــى الإبتعآث .. ترى آلآن فعلآ إنت بحآجة آلوظيفه بس مستقبلآ بتصير آلوظيفه روتين وتتمنى لو مآفرطت بآلإبتعآث !!
إلآ إذآ آلوظيفه أللي إنت عليهآ رآتبهآ جدآ عــآلي ..
والأمــر الأهــم "الإستخــآرهـ" .. هي آلحل آلفيصل .. موفق ,,
رد: المبتعث الموظف هل يقدم استقالته ؟ للخبراء(المجربين)
حروف متناثره الف شكر ياشيخ ..
بسوي الخطوات وع الله اكون بار :p
رد: المبتعث الموظف هل يقدم استقالته ؟ للخبراء(المجربين)
انا بحكي لك من واقع تجربة حية الآن , انا ترشحت وكنت تعاقد وبعدين ترسمت في وظيفة حكومية , حضرت الملتقى واحضرت قبول معهد وطلعت فيزة وانا لسى اداوم واخذ راتبي , نوصل الآن لنقطة فاصلة وهي (اصدار قرار الابتعاث ) هنا لازم ما تكون موظف حكومي لانه يلغون بعثتك الا اذا احضرت ما يثبت استقالتك .. طبعا حاولت اطلع من جهة عملي لكن معقدينها ولازم ادرس تخصص هم محتاجينه وانا تخصصاتهم ما تناسبني , رفضوا ابتعاثي عن طرفهم وقالوا ممكن تأخذي اجازة استتثنائي وتدرسين على حسابك واذا احضرتِ قبول ممكن نمنحك اجازة دراسية , وعدد سنوات دراستك لازم اذا رجعتي تخدمين بعددها تماما ثلاث سنوات او سنتين قبل ان تنتقلي لوظيفة اخرى , وطبعا مو حابه دوامي ابداً وتعقيداتهم وانه اروح استثنائية على حسابي وفيها مغامرة انهم ممكن يقبلونها او لا .. لذلك اليوم قدمت استقالتي وغير آسفة والحمد لله عليها وغداً سأرفع للوزارة لطلب اصدار قرار الابتعاث وبعدها احجز تذاكر واغادر .. طبعاً انا حكيت تجربتي بالتفصيل لأني استغرب من البعض الذي يقول لا تستقيل قبل حصولك على التذاكر !!
لأنه اصلا مستحيل تُصرف لك تذاكر الا ترفع اصدار قرار ومستحيل يصدرون لك قرار ابتعاث وانت موظف حكومي ..
وبالتوفيق لك
رد: المبتعث الموظف هل يقدم استقالته ؟ للخبراء(المجربين)
اخوي K_1985
تبغى نصيحتي لو يعطونك مليون بعثة على انك تستقيل لا تستقيل وهذى تجربة شخصية اهم شي الوظيفة اهم من الدراسة كل هذولى الى طالعين مبتعثين بيرجعون يدورون عن وظائف وممكن ما يحصلون البطالة الان في انتظار عودة الطلاب المبتعثين انا ما ابغى احطم احد بالعكس كل طالب سوى الى علية وزيادة لكن المشكلة لا توجد هناك خطط لتنمية واستحداث الوظائف
انا عارف ان لك طموح ولك نية تدرس لكن فكر بعقلك ولا تفكر بقلبك الزمان تغير قبل عشر سنوات كان الى يجيب شهادة من برى يرفعونه من على الارض الان كل الناس عندهم شهادات من برى
انا ما اقول الكلام هذا علشان اقفل الدنياء في وجهك لكن بكونك موظف حكومي كلم جهة عملك وقلهم انا ابغى ادرس على حسابي الخاص ارغب في منحي اجازة استثنائية لفترة الدراسة مع التزامي بكل تكاليف الدراسة على حسابي الخاص طبعاً هذا قبل ما تطلب من التعليم العالى قرار الابتعاث
جهة عملك راح يرجعون للوائح الخاصة بديوان الخدمة المدنية طبعاً ديوان الخدمة المدنيىة راح يقلهم لزم يكون امضاء 3 سنوات في الخدمة ويكون تخصصة مطلوب لدى الوزارة او الجهة التي يعمل بها وبرضة يكون تقييم الاداء لا يقل عن جيد وان يتكفل بسداد رسوم الدراسة الخاصة به
والله يوفقك يا رب
رد: المبتعث الموظف هل يقدم استقالته ؟ للخبراء(المجربين)
مشكورة يا سهام على أثرائنا بتجربتك
عني مرتاح بوظيفتي والراتب الحمدلله زين و مكان العمل بجانب البيت والشايب بتجيه جلطه لو يدري اني بستقيل (أفصل):(
رد: المبتعث الموظف هل يقدم استقالته ؟ للخبراء(المجربين)
اقتباس:
المشاركة الأصلية كتبت بواسطة طموح وبقوه
اخوي K_1985
تبغى نصيحتي لو يعطونك مليون بعثة على انك تستقيل لا تستقيل وهذى تجربة شخصية اهم شي الوظيفة اهم من الدراسة كل هذولى الى طالعين مبتعثين بيرجعون يدورون عن وظائف وممكن ما يحصلون البطالة الان في انتظار عودة الطلاب المبتعثين انا ما ابغى احطم احد بالعكس كل طالب سوى الى علية وزيادة لكن المشكلة لا توجد هناك خطط لتنمية واستحداث الوظائف
انا عارف ان لك طموح ولك نية تدرس لكن فكر بعقلك ولا تفكر بقلبك الزمان تغير قبل عشر سنوات كان الى يجيب شهادة من برى يرفعونه من على الارض الان كل الناس عندهم شهادات من برى
انا ما اقول الكلام هذا علشان اقفل الدنياء في وجهك لكن بكونك موظف حكومي كلم جهة عملك وقلهم انا ابغى ادرس على حسابي الخاص ارغب في منحي اجازة استثنائية لفترة الدراسة مع التزامي بكل تكاليف الدراسة على حسابي الخاص طبعاً هذا قبل ما تطلب من التعليم العالى قرار الابتعاث
جهة عملك راح يرجعون للوائح الخاصة بديوان الخدمة المدنية طبعاً ديوان الخدمة المدنيىة راح يقلهم لزم يكون امضاء 3 سنوات في الخدمة ويكون تخصصة مطلوب لدى الوزارة او الجهة التي يعمل بها وبرضة يكون تقييم الاداء لا يقل عن جيد وان يتكفل بسداد رسوم الدراسة الخاصة به
والله يوفقك يا رب
يعطيك الف عافيه .. ورأيك نفس رأيى ( معاناه حتى توظفت) تجربه ما أبغاها تتكرر معي
رد: المبتعث الموظف هل يقدم استقالته ؟ للخبراء(المجربين)
السلام عليكم ..
انا موظف في شركة ارامكو خدمتى 5 سنوات وناوي استقيل واطلع ابتعاث ..
سؤالي : كيف اجراءات الاستقالة وكم تأخذ مدتها ؟؟
رد: المبتعث الموظف هل يقدم استقالته ؟ للخبراء(المجربين)
قبل تستقيل تأكد شروط الابتعاث تنطبق عليك من عمر ومعدل , ثانيا الاستقالة انا بنفس اليوم خلصتها لكن انا تبع الخدمة المدنية , أنت اسأل موظفين ارامكو والا اكتب بقوقل وشوف
- - - مشاركة محدثة - - -
قبل تستقيل تأكد شروط الابتعاث تنطبق عليك من عمر ومعدل , ثانيا الاستقالة انا بنفس اليوم خلصتها لكن انا تبع الخدمة المدنية , أنت اسأل موظفين ارامكو والا اكتب بقوقل وشوف