مساعدة تخصص اداره عامه يقولون مالها مستقبل !!

نعم الكلام صحيح,,
حاول البحث عن تخصصات أفضل ، وتكون غير متكدسة بالمبتعثين,,
ربنا يوفقك,,

طيب اقدر اغير التخصص بعد ما جاتني الموافقة من التعليم العالي ؟؟!
ولازم فيزا ثانية ولا نفسها تمشي

لو تخصصك في تقنية النانو رح يقول لك واحد ما يصلح و البلد ما فيه وظائف لـ خريجين هـ التخصص
الوظيفة رزق من رب العالمين و قد ما تتعب في تخصصك و تبدع فيه و تدور على فرص عمل حلوة ربي رح يعطيك على قد تعبك
من رايي شوف التخصص اللي انت تستمتع فيه و تهتم له بدل ما تجلس تقول ينفع و ما ينفع
لانه الاعضاء من الاقسام الثانية رح يقولوا لك ما يصلح
و الاعضاء اللي من قسم ادارة الاعمال بـ يحطوه لك في سابع سماء
و ما تدري من الصادق و من الكاذب
فـ استخير و اتوكل على ربك

بعد وصولك إلى بلد الابتعاث ، بإمكانك البحث عن قبول في تخصص آخر (معترف به من الملحقية) وعند الحصول على قبول نهائي يمكنك رفع أوراقك للملحقية,,
الفيزا نظام أمريكي ولا علاقة للوزارة أو الملحقية بها,,
بالتوفيق,,

نصيحة عامة أمسح من قاموسك (يقولون) ترى هذا مستقبلك
طالما أنت خلصت أمورك أتوكل على الله وسافر
لمن توصل أمريكا إن شاء الله وتعاين الواقع قرر إذا راح تكمل أو تنقل تخصص ثاني.
بالتوفيق

من قالك ان هذا التخصص ليس له مستقبل انت شوف جميع مدراء القطاع العام والخاص ليسوا مديرين ولا يدرون عن الادارة الا اسمها
بلعكس الادارة هي سر نجاح اى وزارة او اي قطاع خاص فبدون الادارة لا يمكن ان تدير المستشفيات ولا البنوك ولا الوزارات
صدقني اخي العزيز مجال هذا التخصص كبير جداً ولا يعرفة الا من عمل في القطاع الخاص والعام

ياعمي انت من جدك جب ماستر اوبكالوريس ان بغيت تربية ماشيه اهم شي شهاده من امريكا وديرتنا كلها وسايط والوظايف ينظرون للشهاده ولايدرون عن التخصص

السلام عليكم اخوي
م عليك من اللي يقول مافيه وظائف الارزاق بيد الله سبحانه .. كل اللي عليك ان تستخير وتوكل امرك لله .. وباذن الله حقك وتعبك ما يضيع وانا اخوك .. اهم شي خل ايمانك بالله قوي
وبرضوه يالغالي إذا وصلت امريكا ورتحت والامور كلها ماشيه تمام بعدها يالغالي تقدر تغير التخصص .. التعليم العالي تسمح لك شخص يغير مره وحده .. وقبل كل شي إذا قررت تغير التخصص استخر وشوف لك تخصص راح ترتاح فيه وتبدع فيه.. واهم شي انت تكون راغب التخصص هذا .. اترك فلان يقول هذا التخصص مطلوب وهذا مو مطلوب .. عليك من نفسك يالغالي .. شوف نفسك ايش ترتاح فيه وانطلق وربي يوفقك ... وابي اعطيك مثال بسيط انا اعرف شخص تخرج من الثانوي وبنسبه عاليه قدم ع الجامعات ونقبل في كليه الطب .. لكن هو م يبي التخصص هذا يبي تربية فنيه الشخص رسام ويعشق الرسم .. لكن ابوه اجبره انه يدرس كليه الطب .. لكن الولد ما مشي في التخصص هذا .. وغير لـ تربيه فنيه .. وبدع في التخصص هذا . وما شاء الله عليه حاليا رسام كبير .. وفاتح له محلات غير الصور اللي يبيعها .. وبالتوفيق يالغالي

أخي الكريم انت استنصحت الاعضاء الكرام هنا وماراح يغشونك وبصراحة اقولك اياها من اخ لأخوه غير التخصص لأنه ليس له مستقبل لأن الادارة العامة لمن طرحت في الجامعات السعودية او في الابتعاث في السابق كانت موجهة في الاساس للقطاع العام ولسد الحاجة من الوظائف الحكومية ولكن الان التخصص تعداه الزمن وماعاد يتيح لك اليوم تنافس في سوق العمل الحكومي فضلا عن الخاص لأعتبارات منها قوة التخصص او ندرته او كثرة الطلب عليه كما في السابق وكذلك لاتنسى انه الوظائف الحكومية الان صعبة وكلها واسطات وانت لاحظ كم عدد الخريجين فقط من الانتساب (ادارة عامة - تنظيم وتطوير اداري) وكم اللي ينتظرون سنين في الديوان حتى يجيهم التعيين وتعرف انه حرام تضيع 5 سنين من عمرك على تخصص مو مطلوب في القطاع العام او الخاص.

لذلك نصيحتي لك العب على المضمون وحول الى ادارة الاعمال بمختلف تخصصاتها الدقيقة بااعتبار انها الان المطلوبة كتخصص اداري وكل منشأة او قطاع عام او خاص ربحي او غير ربحي لا يخلو من وظائف في الاقسام الادارية ويبحث عن خريجين ادارة الاعمال وتجد وظائف تحتاج مهارات ومعرفة تشتغل عليها مثل التخصصات الادارية الدقيقة كالمحاسبة والمالية والموارد البشرية وغيرها واذا ماوفقت في جهة ما تقدر تجد جهة اخرى تقبلك.

لذلك اذا اردت القطاع العام وضامن تتعين في جهة حكومية فتوكل على الله وادرس الادارة العامة مع انه صعب ترهن مستقبلك على اشياء قد تتغير بعد التخرج اما اذا كنت سترجع وتقدم وتنتظر الوظيفة فنصيحتي لك ابحث عن تخصص اداري او غير اداري (تخصص صحي او هندسي) مطلوب في سوق العمل العام والخاص ويفتح لك مجالات واسعة في اغلب القطاعات.

النقطة الاخيرة بإمكانك إذا وصلت أمريكا بالسلامة تقدم للملحقية طلب تغيير تخصص وإن شاء الله أمورك تتيسر.

دعواتك وبالتوفيق.