والله ازعل لو ما تدخل......................تكفى أدخل

حبايبي استفساراتي بسيطة مره .ان ابحث عن قبول ماستر موارد بشرية ومعدلي الله بالخير . وحابب اقدم على عدد من الجامعات فسؤالي هو.... ركز تكفى ......1- هل يلزم ارسال صور الشهادات المصدقة للجامعة للقبول المبدئي ولا يكتفى بإرسالها اونلاين.....اتمنى انك ما زلت مركز 2- هل يحتاج القبول المبدئي شهادة بنكية وإذا كان يحتاج اسوي وحدة للجامعات كلها لمن يهمه الامر ولا وشلون هذا اهم سؤال .3السؤال الثالث والمهم ...بشرونا عنكم وعن الدراسة عسى الامور طيبة .....وتقبلوا وافر تحياتي والله امور كثيرة متوقفة على إجاباتكم ...احبائي واخواني وعزوتي

ههههه ركزت بس ما عندي إجابة

شف وأنا أخوك:
لو رحت لأقرب معطم وطلبت واحد شاورما كم سعره؟ 4 ريال مثلاً
طيب رح للشارع الثاني واطلب نفس الشاورما كم سعره برضه 4
طيب رح مدينة ثانية وشف السعر بيفرق ممكن 3 ممكن 5 وهكذا

الجامعات تختلف في طلباتها
بتلاقي جامعة تقول لك يكفيني صور ترفعها أون لاين للقبول المبدئي
بتلاقي جامعات تقول لك لازم ترسل لي نسخ من السعودية
وبتلاقي جامعة تقول لك أنا ما أقبل إلا أصل السجل الأكاديمي مرسل في ظرف مختوم من جامعتك اللي تخرجت منها

نفس الحكاية الضمان المالي أو الشهادة البنكية
فيه جامعات أصلا ما تطلبه منك علشان القبول بس تطلبه بعدما تقبلك علشان تطلع آي توني
وإذا كنت بتدرس في معهد غير معهد الجامعة ممكن أصلا ما تحتاج ترسل لها شهادة بنكية لأنهم ما راح يرسلون لك آي توني يكفي آي توني المعهد

فيه جامعات راح تقول لك لازم ضمان مالي من ألحين حتى للقبول
فيه جامعات بتقول لك صورة ضمان مالي تكفي والًأصل لما تبي تطلع آي توني

وفيه وفيه

بالنسبة للسؤال الثالث الحمد لله الأمور ماشية بس وش تتوقع أنه مسهرني ألحين؟
أكيد مذاكرة عندي اختبار يوم الاثنين

تحياتي

مشكور حبيبي وما قصرت الله يوفقك وتنجح وتعود لي بالسلامة قصدي تعود للوطن بالسلامة