ياليت الي عندو خلفيه عن معادله المواد يفيدني ضروري
مساء الخير
حابه استفسر بخصوص انو انا معايا بكالوريوس
(تربيه خاصه)
مسار
{ اضطرابات لغة وتواصل }
[ speech language pathology ]
هل لمن اجي ابغى ادرس ماجستير نفس المسار يعادلولي المواد ولا على طول حبدا ماجستير ؟
يعني لمن اجي ادور على جامعه فيها مساري ماجستير هل لازم يكون فيها كمان بكالوريوس
عشان ازا طلعتلي مواد مادرستها في البكالوريوس الي درستو في السعوديه ادرسها هناك في امريكا في الجامعه الي اخترتها ؟
وشكرا ...
رد: ياليت الي عندو خلفيه عن معادله المواد يفيدني ضروري
طبعاً من شبه المستحيل تلاقين جامعة تدرس ماجستير في تخصص معين وما عندها بكلوريوس في التخصص نفسه.
بالنسبة لسؤالك هل يعادلون لك المواد، فمواد الماجستير تعد مواد أعلى فكيف يعادلون لك إياها وأنت دارستها بكلوريوس؟
لكن فيه نقطة مهمة وهي:
أن بعض الجامعات تفترض أنك ممكن درست تخصص ثاني في البكلوريوس فيضعون لك ثلاث أو أربع مواد تأسيسية
هذي المواد إذا كنت دارسها في البكلوريوس ممكن يعفونك منها أو يعادلون لك اللي درسته في البكلوريوس
المهم:
الجامعة اللي تقبلك في الماستر راح تكون اطلعت على البكلوريوس حقك وشافت وش أنت دارس
فإذا تحتاج مواد تاسيسية راح يكون مذكور في القبول، إذا ما تحتاج راح تدخل ماستر على طول
بعض الجامعات تكون المواد التأسيسية من ضمن ساعات الماستر فأنت تدخل ماستر لكن بعضها مواد بكلوريوس
لماا تجي تبحث عن جامعة شف شروط القبول
إذا قال لك مو شرط أنه يكون عندك بكلوريوس في تخصص كذا معناه أن برنامجهم في الماجستير يبدأ معك من البدايات
إذا قال لك لازم تكون درست مواد كذا وكذا في البكلوريوس معناه أن برنامج الماجستير حقهم يبدأ من مرحلة متقدمة
ولازم يكون عندك خلفية سابقة عن التخصص
رد: ياليت الي عندو خلفيه عن معادله المواد يفيدني ضروري
اها يعني لازم ادور في جامعه جامعه .. انتا عارف كيف طريقه بحثي ؟
انا تخصصي في البكالوريوس تربيه خاصه مسار اضطرابات لغه وتواصل .. حلو
واخويا معاه شهادة كليه التقنيه يعني تعتبر دبلوم بتخصص ادارة فنادق .. ماشي
فتشت في كل الولايات لقيت انو في سته ولايات انا ممكن ادرس فيها حسب تخصصي انا واخويا وتكون كويسه همن :
بنسلفانيا - فرجينيا - اوهايو - الينويز - تاكسس - كالفورنيا
تخيل كل ما ادور في جامعات ولايه ادور على تخصصي بكالوريوس وماجستير عشان موضوع المعادله او المواد التكميليه وادور لاخويا بكالوريوس
وعشان لازم تكون الجامعه الي ادرس فيها في نفس المدينه الي يحصل اخويا فيها تخصصو مالقيت غير
مدينه نورفلك في فرجينيا وبتسبرغ في بنسلفانيا وكمان معاهد المدينتين دي مقفله فمررره حسيت بضيقه
فلو كنت حدور في الجامعات بس ماجستير ليا بدون البكالوريوس حتكون الخيارات اوسع
- - - مشاركة محدثة - - -
اها يعني لازم ادور في جامعه جامعه .. انتا عارف كيف طريقه بحثي ؟
انا تخصصي في البكالوريوس تربيه خاصه مسار اضطرابات لغه وتواصل .. حلو
واخويا معاه شهادة كليه التقنيه يعني تعتبر دبلوم بتخصص ادارة فنادق .. ماشي
فتشت في كل الولايات لقيت انو في سته ولايات انا ممكن ادرس فيها حسب تخصصي انا واخويا وتكون كويسه همن :
بنسلفانيا - فرجينيا - اوهايو - الينويز - تاكسس - كالفورنيا
تخيل كل ما ادور في جامعات ولايه ادور على تخصصي بكالوريوس وماجستير عشان موضوع المعادله او المواد التكميليه وادور لاخويا بكالوريوس
وعشان لازم تكون الجامعه الي ادرس فيها في نفس المدينه الي يحصل اخويا فيها تخصصو مالقيت غير
مدينه نورفلك في فرجينيا وبتسبرغ في بنسلفانيا وكمان معاهد المدينتين دي مقفله فمررره حسيت بضيقه
فلو كنت حدور في الجامعات بس ماجستير ليا بدون البكالوريوس حتكون الخيارات اوسع