فزعه في جامعه لقسم الحاسب لطالب جامعي

يهمك مكان الجامعه؟ او المدينه؟

المهم انا ما اتابع كثير هنا و اذا ما تهمك الديره ارسل لي رقمك على ايميلي . abu_sul6an_86@hotmail.com

الديره صغيره و قايمه على الجامعه و رخيصه مره ٨٠٠ دولار تكفيك في الشهر. مشكلتها الوحيده انها صغيره مره وما فيها شي بس الجامعه و ولمارت و سوق صغير. الديره في نص امريكا يعني عند اهل البايبل. الجامعه سهله جدا جدا جدا.

اشكركم اخواني واي مكان ياليت
ارسلت لك ساله اخوي

وعليكم السلام ورحمة الله وبركاته ..

عزيزي .. قبل التفكير بالنقل ..
لابد تفكر بسآالفة اللغه ..

يعني انت معك شهادة ايلتس او توفل ؟.. اذا نعم . فكم درجتها ..

اما اذا انت التحقت بالجامعه عن طريق المعهد التابع للجامعه ..

فانتظر بس ليما تخلص 30 ساعه .. وبعدها انقل وين ماتبي ..

لان لو نقلت الان راح تنقبل على اساس انك طالب جديد .. يعني ماراح يقبلون شهادة اللغه اللي من معهد الجامعه (احتمال كبير) ..
وراح يقبلونك على اساس انك تاخذ لغه او اساس انك تقدم لهم درجة ايلتس او توفل .!

هذي شغله ..

الشغله الثانيه .. ياخي توكل مسمي بالله وداخل الجامعه وشلون مارتحت فيها وانت مابعد جربتها ؟ يعني لو قعدت فيها على الاقل سميستر .. كان قلت ممكن جربتها ..
بس توك مسمي بالله اول سميستر وتبي تغير على طول .!؟

صدقني ياغالي ترا الجامعات تدرس نفس الشي ماتفرق .. اللي بتدرسه بالكمبيوتر عندك بتدرسه باي جامعه ثانيه .. الفرق فقط بالدكاتره وكيفية تعاملهم مع الطلبه وطلباتهم من الطلبه ..
فيه دكاتر مخففين الامر على الطلبه ومسهلين الامور عليهم .. وفيه دكاتر ماخذين الامر بجديه اكثر من اللزوم لدرجة ان ماحد ينجح عنده بـ A الا هو معضعض الكتاب عضعضه ..
( مثل الدكتور الحالي اللي عندي .. من اول كلاس قال مافيه احد سبق واخذ A عندي ؟! < يعني انسى انك تشم ريحة الـ A بس مايمنع انك تحاول) ..

فالمسأله ماهي جامعات .. المسأله فقط دكاتره .. وهذي بكل الجامعات المشكله هذي ..

وكل دكتور له طريقته بتدريسه على حسب خبراته وشهاداته ومكانته بالجامعه ..


مو شرط ان لازم تكون في ولايه سياحيه مثل "كاليفورنيا" وجامعه قويه مثل " هارفرد" علشان تجيب افضل الدرجات واعلى معدل !

احيانا مكانك اللي انت فيه ممكن يكون لك افضل من اي مكان ثاني وممكن ان الله يكتب رزقك في هالمكان وانت تقطع رزقك بيدك !

ففكر بالموضوع مره ثانيه واستخير رب العالمين وعط نفسك وقت وفكر بجميع الاحتمالات ..!

بعدها استشير واستخير وقرر ..!

هذا والله اعلم ..

السؤال على الجامعة مهم جدا
للماستر انصح بجامعة نيوهيفن