تقرير خبر بخصوص السيارات الاقساط او بمسمى التآجير المنتهي بالتمليك ..، دعوآتكم

السلام عليكم

مشكور اخوي على طرح الموضوع والحقيقة انا سمعت فيه قبل كم شهر ..

لكن اعتقد المشكلة الحقيقة ماهي باقساط السيارة المشكلة بموضوع التامين على سيارة جديدة ..

مثل ماا اعرف التامين هو الي يكسر الظهر فياليت اي احد عنده خبر بموضوع التامين يخبرنااا ..

أنا رحت لهم اليوم بعد ما قرأت الموضوع في سعوديون في أمريكا قبل يومين

الشركة اللي رحت لها هي Commonwealth في ماساتشوسيتس .. و قالوا لي ممكن تشتري سيارة عن طريق الإيجار فعلا

و تكون مدة التقسيط مرتبطة بمدة بقائك في أمريكا .. يعني بالفيزا مو بالآي توني .. شريطة تثبت لهم بأنك منخرط في برنامج دراسي مدته كذا و كذا

سألتهم عن سيارة VW Jetta أصغر وحدة تقريبا .. قير أوتو .. و الباقي ستاندرد .. قال لي قسطها على برنامج 36 شهر .. و دفعة أولى 1500 دولار (قيمة الضريبة 6.25% + أظن لوح و حاجات ضرورية) تساوي 250$ تقريبا و يمكن أكثر
لكنها تحت 300 دولار مائة بالمائة

بالنسبة للتأمين فهو يتبع مواصفات الأمان في السيارة + لو كانت جديدة يكون أقل أعتقد (مو متأكد) + السجل المروري للقائد و عمره و حالته الاجتماعية + مكان السكن خطر أو آمن + سمعة السيارة بين الحرامية كل ما كانت مرغوبة كلما ارتفع التأمين
هالسيارة قال لي الموظف تأمينها في ربيع ال 150 دولار .. أنا معاي رخصة سعودية من 5 سنوات و سجلي في أمريكا نظيف .. و ساكن قدام الكلية في منطقة آمنة جدا و ما فيها أي تزاحم .. لكن الأمر قد يتغير لمن أروح لشركة التأمين شخصيا

العرض يعطيك 10,000 مبل في السنة .. قابلة للحمل للسنة اللي بعدها .. المجموع يعني 30,000 ميل بالنسبة لعقد 36 شهر أو 3 سنين .. علما بأن أي مسافة إضافية تؤدي إلى دفع قيمة معينة لمن تقرر ترجع السيارة عند نهاية العقد أو عند الرغبة بفسخه

فسخ العقد قبل انتهاء المدة يجبرك على دفع بضعة آلاف من الدولارات ما حددها لي الموظف

العرض يشمل صيانة مجانية طوال مدة العقد .. اللي هي تغيير زيت و فلاتر مع تزييت و تشحيم .. كله أصلا ما يكلف 25 - 35 دولار لكل ثلاثة أشهر أو أكثر .. يعني مو ذاك الشيء

السيارة استهلاكها للوقود ممتاز .. حوالي 30 - 32 ميل لكل جالون .. يعني تفلل مرة بالأسبوع ب 45 - 50 دولار إن شالله كافية

اللي لاحظته على الموظف هو اللف و الدوران لمن قلت له اطبع لي الشروط أبغاها Leasing Terms .. راح و رجع يقول لي الحين تنطبع .. و راح و رجع و ما جابها .. بعدين راح و رجع و جاب لي مدير المبيعات
قعدوا يطقطقون علي شوي .. المدير يقول بأنه من الممكن تشتري سيارة حتى لو ما معك رخصة من الولاية .. يكفيك التصريح Permit .. و حاول معاي يمين شمال .. صرفتهم و طلعت .. قلت ابحث في حلالها و حرامها

اللي قاله لي الموظف إن التقسيط العادي (اللي يعني بأنك تملك جزء من السيارة مع كل قسط تدفعه لهم و عادة يستلزم دفعة أولى كبيرة ) قيمته 500 - 600 دولار شهريا .. مو فاهم الموضوع تماما صراحة ..
أما الإيجار هذا فهو 250 - 300 دولار .. يعني حق المنفعة اللي تحصل عليها من السيارة هو اللي تدفعه .. بس اللبس اللي يخليني أشك هو إنك ما راح تتملك السيارة أبدا حتى تدفع قيمتها بالكامل .. أما الشركة لمن ترجع لهم السيارة
ياخذونها و يبيعونها مستعملة و يحطون الفلوس بجيبهم .. تطلع أنت منها ربي كما خلقتني .. شوي أقول أنا بأدفع قيمة معقولة 250 دولار مقابل استخدامي للسيارة .. لكن الأمر لا يخلو من شبهة .. لوجود عقد إيجار مع عقد تملك في نفس الوقت
و داخل فيها بنك في النص .. يعني أنواع علامات الاستفهام ..

هذا غير الربطة لمدة 3 سنين .. هم على القلب و يعتبر دين .. أقل شيء بيروح من المكافأة 600 - 700 دولار إيجار و تأمين و وقود .. تخيل وقت ما تجي تشتري الكتب أول السيميستر ..

اللي أهله بيساعدونه .. أقول يمكن كويسة لك .. أما غير ذلك ما أشوفها مناسبة .. وفر 300 لمدة 9 أشهر و طق لك كامري 98 مثلي ب 2500 دولار .. و 500 ضرايب و لوحات.. و الحمد لله ماشية

التأمين يعتمد على حالتك الاجتماعية وعلى سجلك

واكم من اشياء اخرى اضافية


والتأمين طلع لي ١٠٠$ تقريبا لكل شهر
وهذي على

VW Passat TDI SEL فل اوبشن


بس مع ذلك كذا او كذا افضل لك تاخذ سيارة بالكاش افضل

للاسف عليك ان تزور الوكالة

فهم مش حاطين هالخيار في صفحتهم

الله يسلمك يا عزيزيوفعلا كلامك صحيحناس يستأجرون سيارات باسعار جدا مرتفعة ومع ذلك يقدرون بطلعون سيارة جدية بفرق سعر كبيرخسارةولا ابشرك ايضا رحت لوكالة فورد وطلعوا ايضا موفرين هالعرض للطلبة الاجانب وباسعار ارخص من VWفيبدوا ان اغلب الوكلات موفرين هالعرض

شباب رأيي النهائي حاولوا تجمعو لكم كم من قرش واشتروا بيها سيارة تمشية حال

وبدل تدفعوا هالمبالغ الزايدة للاقساط جمعوا بيها لنهاية الدراسة لكل شهر

وكذا بتجمعوا مبلغ ضخم

و يمديكم بعدين وانتوا راجعين بالشهادة تشتروا احسن سيارة على آخر موديل و انتم مستانس

هذا هو رايي

والله يوفقكم جميعا

اخوي السعر هذا شامل التأمين او فقط القسط
وايضا لك رد اخر تقول فورد تقسط الله لايهينك عطنا خلفية عن الموضوع

اتمنى بصراحة يوجد بفورد هالعرض ..،،

طيب يا اخوان اللي بيدرس ماستر LLM اللي مدته سنة وحدة فقط هل يشمله العرض ولا لا ؟! لاني بدرس لغة ثم بدرس ماستر واخاف يرفضون بسبب قصر مدة الماستر

راح يعطونك مدة الماستر سنه اقساط لكن بتكون الدفع الاخيره عاليه والقسط الشعري عالي .،