عاجلا جدا بشآن شراء سكن (كاش ) في امريكا

إذا كان المنزل في نيوجرسي وفقا لمعلومات معرفك فلا أعتقد أن ٧٠٠ ألف كافية لمنزل بهالمواصفات....
بالنسبة للضرائب تختلف من ولاية لأخرى ولكن في الغالب تدفع ضريبة العقار إلا إذا تم تسجيل المنزل باسم مستثمر أجنبي فلا أعتقد أنه يتوجب دفع الضريبة...
هناك رسوم أخرى مثل رابطة السكان وهي تختلف من سكن لآخر وتكون موضحة في العرض العقاري المصاحب للمنزل (غالبا تكون مكتوبة في الإعلان MLS Listing تحت HOA Fees )
أيضا يفترض على صاحب المنزل أن يشترك مع شركة تأمين تؤمن على البيت ضد الحريث والفيضانات والكوارث الطبيعية الأخرى
وفي النهاية القوانين تختلف من ولاية لأخرى والمتطلبات كذك ولكن جميع هالأشياء يجب أخذها بعين الاعتبار عند اتخاذ قرار شراء المنزل وهو في نظري قرار جيد خصوصا إذا كانت فترة البعثة طويلة

بالتوفيق

ألف شكر اخوي ....

الى الان ما حددت وين الولاية ، لكن احتمال كبير في أريزونا .....

كاني افهم من كلامك ان مئتين الف دولار غير كافية لشراء منزل لثلاث غرف وثلاث حمامات؟

هل ممكن تساعدني ( أو أي احد من زوار المنتدى) باعطائي المواقع المختصة اللي تحدد سعر الضربية وشروطها ، وسعر الضرائب الاخرى في كل ولاية؟

برضوه بخصوص رابطة السكان وتأمين الحرائق ، هل هناك تقدير (Rough) بنسبها او قيمتها؟

الف شكر مرة اخرى

اخوي wmarshedi

انت قلت تبي اريزونا

طيب حدد اي مدينة انت تبيها عشان اساعدك في البحث


دمت بحفظ الرحمن

الله يعافيك اخوي

ان مقدم على جامعتين وحدة في Tempe والثانية في Tucson ، ياليت تفيدني عنهم.

تحياتي
وليد

تقدر تشتري بيت ليش ماتقدر .. ولكن مثل ماقالك اخوي الحسام .. راح تنطبق عليك ضرائب الشراء ..
واحب اوضح أن فيه ضريبه راح تنطبق عليك لما تبي تبيع البيت " كونك اجنبي " وهي ياخذون نسبه من قيمة البيت ..!
وعادة النسبه تكون 10% .. واتوقع انها تختلف من ولايه لولايه ..

اما عن القيمه .. فراح تلاقي اقيام تختلف .. وميتين الف دولار راح تجيب لك بيت .. وايضا خمسين الف دولار راح تجيب لك بيت ..
وكلها راح تجيب لك اللي تبي .. بس القيمه تختلف على حسب مساحة البيت وموقعه وتصميمه .!

تقدر تستخدم مواقع بحث عن بيوت للبيع ..
مثل هالموقع :
Find Real Estate, Homes for Sale & Houses for Rent - REALTOR.com®

تحدد الاشياء اللي تبيها بالبيت مثل ( عدد الغرف .. عدد دورات المياه .. مساحة البيت .. اعلى واقل قيمه تبيها .. موقع البيت في اي مدينه .. الخ ) ..

وراح يعرض لك كل البيوت اللي تجي على نفس المتطلبات اللي تبيها انت ومعها صور للبيت من الخارج ومن الداخل وايضا هذا يتضمن معلومات كامله عن الخدمات والمميزات .. الخ


بس نصيحة اخ ..
قبل الاقدام على الشراء احسب حساباتك ..
احيانا لو شفت القيمه الفعليه والكليه من شراء البيت والضرائب والفواتير . .. الخ تكون اغلى من انك تستاجر البيت .!

يعني احيانا الايجار يكون اهون واوفر من انك تشتري بيت .!


هذا والله اعلم ..

صراحة جواب شافي كافي

انا سمعت ان الطالب ( الأجنبي) ما عليه ضرايب اذا اشترى سكن ( كاش) ، ما هي الجهة المخولة بسن انظمة الضرائب وتحديدها في ولاية أرزويانا؟

لك تحياتي

لا ومن قالك ان ماعليه ضرايب ..
ياحبيبي الضرايب يدفعها حتى على الاكل اللي يشتريه !

فكيف لما تجي تشتري بيت ..؟

اكيد الضرايب راح تنطبق عليك .. وبعد ماتشتريه ايضا الضرايب تمشي عليك ...

واما عن الجهات وتحديدها هذي كلها راح تعرف كل شي من قبل البائع نفسه !
هو اللي يخلص امورك كلها ..!
يعني مايحتاج تتعب راسك وتقول وين مكانهم وووشلون اسوي ووش اعمل ..

مجرد انك تتفق مع البائع نفسه .. خلاص هو يجهز لك كل شي ويعلمك باللي لك واللي عليك وبالاوراق والمستندات ..

الولايات مختلفة من ناحية القوانين في تملك المنازل....
1810 E VELVET DR, TEMPE, AZ Property Listing - For Sale - MLS# 4890298 - ZipRealty ألق نظرة على هالبيت مثلا في هذا الرابط (على فكرة الموقع هذا من أفضل المواقع التي جربتها) وفيه موضح جميع المعلومات من مساحة وخلافه بالإضافة إلى المبالغ المفروض دفعها من ضرائب وغيره. الضرائب على هالمنزل بحدود ١٥٠٠ دولار سنويا ورسم رابطة السكن ٤٥ دولار شهريا...

بالنسبة لولاية فلوريدا مثلا إذا اشتريت البيت كمستثمر أجنبي على ما أعتقد يتم إعفائك من الضرائب...أفضل من يفيدك من هالناحية مكتب العقار في المدينة التي تود الشراء فيها...

والله يوفقك

الولايات مختلفة من ناحية القوانين في تملك المنازل....
1810 E VELVET DR, TEMPE, AZ Property Listing - For Sale - MLS# 4890298 - ZipRealty ألق نظرة على هالبيت مثلا في هذا الرابط (على فكرة الموقع هذا من أفضل المواقع التي جربتها) وفيه موضح جميع المعلومات من مساحة وخلافه بالإضافة إلى المبالغ المفروض دفعها من ضرائب وغيره. الضرائب على هالمنزل بحدود 1500 دولار سنويا ورسم رابطة السكن 45 دولار شهريا...

بالنسبة لولاية فلوريدا مثلا إذا اشتريت البيت كمستثمر أجنبي على ما أعتقد يتم إعفائك من الضرائب...أفضل من يفيدك من هالناحية مكتب العقار في المدينة التي تود الشراء فيها...

والله يوفقك