المشاركة الأصلية كتبت بواسطة شقي الرياض
السلام عليكم كيفكم ان شالله بخير ؟؟؟؟
حبيت اسال انا اللحين باقدم انا وزوجتي على معهد وجامعه كلنا ماجستير ولغتنا مبتدئين وش رايكم لاني اخترت كالفورنيا وتوهقت في المعاهد واحد المستوى اربعه شهور والثاني شهرين ونص ابي معهد تابع لجامعه لانه يكون احسن كذا اكاديمي
ولو درست ابو اربعه شهور احس صعبه يعني ثلاث مستويات سنه بتنتهي بعثتي وانا باقي
وش رايكم جامعات كالفورنيا كيف معاهدها تكفون ابي واحد يفيدني بالمعاهد وش ينصحني فيها اركز على ايش وكذا الله يسعدكم ي رب
وبس والحين انا باقدم على قبول متاخر شوي هل المعاهد تعطي من الان قبولات متاخره ؟؟؟؟؟؟؟ يعني لو باقدم اني ابدا الدراسه بعد سته شهور المعهد يقبل ويعطيني قبول تكفون ضايعوانا اخوكم ؟؟؟؟
وعليكم السلام ورحمة الله وبركاته ..
بالنسبه لمدة الدراسه بالمعاهد .. او نظام الدراسه فيها .. فيه نظام سيشنز sessions وهو ان كل مستوى من شهر الى شهرين على حسب ترتيب المعاهد في هالنظام ..
وفيه نظام السميستر Semesters .. وهو ان كل مستوى ياخذ اربع شهور .. وتكون مكثفه ..
والمعاهد التابعه للجامعات فيها النظامين ولكن الاغلبيه تاخذ بنظام السميسترز ..
انا ارى انها كلها نفس الشي .. لكن اللهم الفرق بالوقت وطريقة التدريس .. بمعنى ..
نظام السميسترز تاخذ مستوى واحد باربع شهور .. بينما نظام السيشنز يقسم لك مستوى السميسترز الى شهرين او شهر .. ويكون كل سيشن مستوى ..
وهو بالاساس لو جمعتها كلها لقيت انها نفس اللي بتاخذه بسميستر اللهم انها مجزئينها لك لكل شهر مستوى ..!
فلذلك انا افضل نظام السميستر لانه يكون اكثر كفائه من السيشنز .. خصوصا ان السيشنز يكون كل شي مضغوط وسريع وبكذا ماراح تلحق تفهم شي ..
هذي من ناحية ..
اما من ناحية البعثه .. فلا تخاف .. البعثه تعطيك سنه + ست شهور اضافيه لفترة اللغه .. وهي منفصله عن مدة بعثة البكالريوس ..
يعني اذا خلصت لغه وصرت طالب اكاديمي بكالريوس بالجامعه .. الملحقيه تعطيك 5 سنوات مدة لبعثتك ..
وهذي تكون فوق السنه وست شهور اللي بتاخذها باللغه ..!
يعني مدة البعثه الفعليه بيكون عندك 6 سنوات ونص !
اما عن كاليفورنيا .. فانا انصحك انك تحاول تغير تدور لك ولايه ثانيه والسبب ان الان كاليفورنيا صار فيها كم هائل من المبتعثين وغالبية المعاهد والجامعات المتكدسه والمغلقه في كاليفورنيا !
فدخولك معهم راح يتعبك خصوصا بسالفة التكدس ! يعني لو لقيت معهد هناك ودرست ومشت امورك ورحت للجامعه ... لاتستغرب يقولون لك غير الجامعه لانها متكدسه .. او يقولون لك غير تخصصك لانه متكدس !
فانت حاول تدور الولايات اللي تناسبك واللي يكون فيها عدد الطلاب قليل او متوسط على الاقل يكون مقبول حتى تفتح لك فرص اكثر بالقبول ...!
واما عن قبول المعاهد .. فنعم المعاهد تقدر تعطيك قبول في اي وقت تبي .. حتى لو تبي سنه لقدام .! ماعندها مشكله ..
لان المعاهد لو قدمت طلب قبول للفصل الجاي مثلا وكان عندهم تكدس .. عرضوا عليك انهم يعطونك قبول للفصل اللي عقبه بسبب التكدس !
فعادي الوضع ..
هذا والله اعلم ..!
محمد فهد .. February 15th, 2013, 10:26 PM
7 "
February 15th, 2013, 05:22 PM
السلام عليكم كيفكم ان شالله بخير ؟؟؟؟حبيت اسال انا اللحين باقدم انا وزوجتي على معهد وجامعه كلنا ماجستير ولغتنا مبتدئين وش رايكم لاني اخترت كالفورنيا وتوهقت في المعاهد واحد المستوى اربعه شهور والثاني شهرين ونص ابي معهد تابع لجامعه لانه يكون احسن كذا اكاديمي
ولو درست ابو اربعه شهور احس صعبه يعني ثلاث مستويات سنه بتنتهي بعثتي وانا باقي
وش رايكم جامعات كالفورنيا كيف معاهدها تكفون ابي واحد يفيدني بالمعاهد وش ينصحني فيها اركز على ايش وكذا الله يسعدكم ي رب
وبس والحين انا باقدم على قبول متاخر شوي هل المعاهد تعطي من الان قبولات متاخره ؟؟؟؟؟؟؟ يعني لو باقدم اني ابدا الدراسه بعد سته شهور المعهد يقبل ويعطيني قبول تكفون ضايعوانا اخوكم ؟؟؟؟