المعاهد في امريكا ومستوياتها

يا خوان شوي و اقول ان امريكا هي فقط كالفورنيا

امريكا فيها ٥٢ ولاية و كل العالم على كالفورنيا شوي و تمتلي كالفورنيا

شكرا مع ان ردك ماله اي معنى بس اتمنى افادة مو انتقاد والا تعال شوفلي مدينة غير الي اخترتها

وعليكم السلام ورحمة الله وبركاته ..

بالنسبه لمدة الدراسه بالمعاهد .. او نظام الدراسه فيها .. فيه نظام سيشنز sessions وهو ان كل مستوى من شهر الى شهرين على حسب ترتيب المعاهد في هالنظام ..
وفيه نظام السميستر Semesters .. وهو ان كل مستوى ياخذ اربع شهور .. وتكون مكثفه ..
والمعاهد التابعه للجامعات فيها النظامين ولكن الاغلبيه تاخذ بنظام السميسترز ..

انا ارى انها كلها نفس الشي .. لكن اللهم الفرق بالوقت وطريقة التدريس .. بمعنى ..
نظام السميسترز تاخذ مستوى واحد باربع شهور .. بينما نظام السيشنز يقسم لك مستوى السميسترز الى شهرين او شهر .. ويكون كل سيشن مستوى ..
وهو بالاساس لو جمعتها كلها لقيت انها نفس اللي بتاخذه بسميستر اللهم انها مجزئينها لك لكل شهر مستوى ..!

فلذلك انا افضل نظام السميستر لانه يكون اكثر كفائه من السيشنز .. خصوصا ان السيشنز يكون كل شي مضغوط وسريع وبكذا ماراح تلحق تفهم شي ..

هذي من ناحية ..

اما من ناحية البعثه .. فلا تخاف .. البعثه تعطيك سنه + ست شهور اضافيه لفترة اللغه .. وهي منفصله عن مدة بعثة البكالريوس ..
يعني اذا خلصت لغه وصرت طالب اكاديمي بكالريوس بالجامعه .. الملحقيه تعطيك 5 سنوات مدة لبعثتك ..
وهذي تكون فوق السنه وست شهور اللي بتاخذها باللغه ..!
يعني مدة البعثه الفعليه بيكون عندك 6 سنوات ونص !


اما عن كاليفورنيا .. فانا انصحك انك تحاول تغير تدور لك ولايه ثانيه والسبب ان الان كاليفورنيا صار فيها كم هائل من المبتعثين وغالبية المعاهد والجامعات المتكدسه والمغلقه في كاليفورنيا !
فدخولك معهم راح يتعبك خصوصا بسالفة التكدس ! يعني لو لقيت معهد هناك ودرست ومشت امورك ورحت للجامعه ... لاتستغرب يقولون لك غير الجامعه لانها متكدسه .. او يقولون لك غير تخصصك لانه متكدس !
فانت حاول تدور الولايات اللي تناسبك واللي يكون فيها عدد الطلاب قليل او متوسط على الاقل يكون مقبول حتى تفتح لك فرص اكثر بالقبول ...!

واما عن قبول المعاهد .. فنعم المعاهد تقدر تعطيك قبول في اي وقت تبي .. حتى لو تبي سنه لقدام .! ماعندها مشكله ..
لان المعاهد لو قدمت طلب قبول للفصل الجاي مثلا وكان عندهم تكدس .. عرضوا عليك انهم يعطونك قبول للفصل اللي عقبه بسبب التكدس !
فعادي الوضع ..

هذا والله اعلم ..!

صدقت .. وهذا لسبب ان الاغلبيه مايكون عنده خلفيه عن الولايات الاخرى ..
فقط يسمع بكاليفورنيا لكثرة الطلبه فيها ويشوف الناس تروح هناك بكثره ..
فاول شي يجي بباله هي كاليفونيا ..

والامر ايضا ينطبق على الولايات المشهوره مثل لاس فيقاس ونيويورك وواشنطن وبوستن وغيرها ! ..
وهذا لانها مشهوره عالميا .. فالطلاب عادة يختارونها لاسمها فقط !

مثلا انا يمرون علي اشخاص يسالوني وين تدرس اقوله بامريكا .. تلاقيه يتحمس ويقولك امريكا وين باي ولايه ..
ولما اقوله باركنسا .. يقول اركنسا ؟ وين هذي ؟ واعلمه .. وتجي ردة فعل عكسيه تماما من ردة فعله الاوليه !
كأني صاب عليه مويه بارده ههه ..
ولا يدرون ان امريكا بكبرها دوله مثل اي دوله .. بس فيه ناس تمجد هالدوله .. وتمجد الولايات المشهوره مثل كاليفورنيا وطقتها !

ولا اخفيك .. انا اتوقع انه بعد سنوات لما نتخرج باذن الله .. راح يكون في الوظائف تمييز بالشهادات من قبل الولايات !
يعني الشهادات اللي من الولايات المشهوره راح تقدم عن الشهادات من الولايات الاخرى ..
بغض النظر عن ترتيب الجامعه ..!
لان بالشركات بالسعودية ماتعترف بقوة الجامعات او حتى ترتيبها ! كل اللي يهمهم شهاده وبس !

الله ييسر الحال بس .!

كلامك ممكن صحيح لبعض الشركات الصغيرة
لكن ارامكو و سابك متأكد ميه بالميه ان لجنة التوظيف على درايه بمستوى الجامعات في امريكا

انا موظف و على علم ببعض الامور
الآن الناس قامت تعرف ان في جامعات قوية لكن اقل شهره من باقي الجامعات الي في المناطق الي ذكرتها
واحد من زملائي قدم على جامعة كولورادو دنفر و بعد ما جاه القبول جلس مع مديره و كلمه في الموضوع اول ما قاله جاني قبول من كلورادو سأله دنفر او بولدر
نفس الشي صار شخص آخرلما قدم على University of Illinois سُال Chicago او Urbana-Champaign

رأس مالها تفتح موقع US news و تشوف ترتيب الجامعة قبل المقابلة الشخصية

الله يسعدكم ي رب الف شكر لكم اخوي 1ok انا لغتي مبتدئ ونفس الشي زوجتي تنصني اتوكل على الله وادور المعاهد الاكاديمية والي مستوياتها اربعه شور يعني ؟؟؟؟؟؟ لاني والله حايس وانا اخوك

هذا يعتمد عليك وانا اخوك ..

انا اعرف ناس والله مادري وشلون وصلوا لامريكا .. ماعندهم ولا حرف انجليزي .. لغتهم مو صفر الا تحت الصفر ..!
ومع ذلك .. تعلموا في امريكا واجتهدوا وخلال اشهر صاروا يتكلمون انجليزي بطلاقه بعد ..

فالمسأله اجتهاد شخصي .. لو انت فعلا تبي تجتهد .. فماعليك ان شاء الله تتضبط امورك ..
لان المعاهد بشكل عام تعطيك بس اسس .. والباقي عليك ..

ولكن انا انصحك انك تاخذ دورة انجليزي بالسعودية قبل تجي .. يعني تحاول تهيء نفسك قبل ..
مو شرط انك لازم تتعلم بطلاقه .. على الاقل لابد يكون عندك خلفيه ولو بسيطه حتى تقدر تمشي فيها حالك وتسهل فيها الامور .!


فهذا الامر عائد لك ..

الله يجزاك خير و يوفقك دنيا و آخره



هل الكلام ينطبق على الماستر؟

صحيح ينطبق ايضا على الماستر .. السنه والنصف الخاصه باللغه منفصله عن مدة البعثه الاساسيه ..

فهي تعامل كمرحلة منفصله .. مثل بقية المراحل ..

- - - مشاركة محدثة - - -

صحيح ينطبق ايضا على الماستر .. السنه والنصف الخاصه باللغه منفصله عن مدة البعثه الاساسيه ..

فهي تعامل كمرحلة منفصله .. مثل بقية المراحل ..